Hoose 9:8 - NQAARIIT NE ROOG

⁸ Mi fee o tuleer, Roog es kaa heblaam, ndax um maƭoox a Efrayim. Kaam ɗaapanel mbog muu um dakaa, we na ngaraa kam mbind ne Roog es sax a mbañraa fa mi.

Hoose 9:8 Referans Kwoze

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Heseki’el 3:17

«Wo fee o ƥiy no kiin, dalnaaxoong o ref o yeeyetax no mbind Isra’el. Fat o maƭooxanaam Ii-isra’el we, yaa o nankaa fa lay es.

Mise 7:4

Oxe moƴna faax na den kaa nand nen nqooc, oxe da mbi’na o cofu a moƴ o weel ngiƈ ngol. Ñaal ne na qaw ale nuun, yeeyetax we duleer we nuun a yegnitna, a fadiida, too me ta refna, nuun wey no jaq.

Esayi 62:6

«Wo Yeerusaleem, doonaam yeeyetax no saŋe ke wo. Mbaree o tiim muk koy, ta ref ñaal mbaat o yeng. Nuun we na ƈufginooxaa o Yaal oxe, ba nu ñootnoox sen.

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

YEGIL MBAAX NE YEESU ne Saŋ a bindtuuna 15:24

Um fi’’angee a ndeer den a pi akaa o leng a moseerna o fi, njegkoogee bakaad. Ndiiki koy, a nga’a a den boo a ƈut, soo a sibaam, a sib a Faap es.

Heseki’el 33:7

Wo fee o ƥiy no kiin koy, dalnaaxoong nen o yeeyetax took mbind Isra’el. Fat o nan-giloox fa lay fee na sutooraa no don es soo maƭooxanaam a den.

A ƭomatax ake 4:13

Keene fop o ngar fo pakaad ke no duleer we fo tooñ ke no saasadax we yoo, den we ƥax’ina kam teeru fee fo’oy le no jofu we.

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.

Yeremi 31:6

Xan a jeg bes faa yeeyetax we a mbalalooxkaa took xa coong axe Efrayim ee: ‹Inooxyo, i ŋaay Siyoŋ, maa no Yaal oxe Roog in!› »

Yeremi 14:13

Doonaam ee: «Ey, o Yaal oxe na refkaa boo faw, duleer we we layaa a den ee: ‹Xire dalkee a nuun, too biim jegkee me nuun, yaam jam fa miñu Roog a ci’kaa a nuun mene sax sax.› »

Yeremi 6:17

Dalnanaam a nuun yeeyetax waa maƭooxna a nuun ee: ‹Nan-gilooxyo fangax le na luuƥ ale.› Kaa koy, nu ndoona yee: ‹A ƭat in yongee teen.›

Yeremi 6:14

Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.

A kim ale na kim ake 3:3

Yeeyetax we na mbidaa teeru fee a nqeta fa mi, um laamit a den ee: «Ndax nu nga’ee oxe buguuma no xeeñ es?»

2 Maad we 13:21

Bes, waa ngaskoogna o qon a ƈooka a leng na yaj akaaga. Ndak fo ndak, a ndeɓa o dal olaa kam a mboy alaa Eliise soo a ƈuf. Ye o qon oxe a duqirna fo xa kiiƈ axe Eliise, a ñoowatina soo a inoox a geenoox.

2 Maad we 7:19

Jawdiin fee no maad oxe kaa doon’un ee: «A soƥ’angaa sax ee o Yaal oxe kaa wet xa palangteer na asamaan, foogaa moos ee xan kaaga a jeg?» Eliise kaa doon’un ee: «Xan o ga’in fo a kid of, ndaa ñaamkino.»

2 Maad we 7:2

Jawdiin fee no maad oxe a doona o kiin Roog oxaa yee: «A soƥangaa sax ee o Yaal oxe kaa wet xa palangteer na asamaan, foogaa moos ee xan kaaga a jeg?» Eliise a doonaan ee: «Xan o ga’in fo a kid of, ndaa ñaamkino.»

2 Maad we 5:27

A tik-a-maak ale Naaman xan a feelong, wo fo xa taan of boo kili.» Yaa Gehasi a inooraa maa Eliise rek, a tik-a-maak alaa a feelaan boo ta ranig taw nen fa liit.

2 Maad we 5:14

Maaga, Naaman a fudooxa no xuluɓ olaa Yordaan, a mudnoox taaga boo a caf ɓetaa ƭaq, ne o kiin Roog oxaa a heblit’uuna o ten, soo cer um a suptoox, a nandat nen cer no njaaƈ, ta xool.

2 Maad we 4:43

Surga faa a doonaan ee: «Nam waagum o xaajrandit kene wiin teemeed?» Eliise a ɓaataan o lay ee: «Laseen wiin we da ñaam, yaam keeke o Yaal oxe a layu: ‹Oxuu refna xan a ñaam, too xan a jeg sax kaa yoqna.› »

2 Maad we 4:41

Eliise a hebla o ɓisiidel mbiɗel. A yipa mbiɗel ke kam a kaleera le soo a lay ee: «Fat wiin we a ndoxanel, a ñaam.» Laalaap ke koy a mbaag’ate o ñaam.

2 Maad we 2:21

Maaga, Eliise a reta na cur alaa, a ɓax fo jem ole kam foofi laa soo a lay ee: «O Yaal oxe kaa tee: ‹Ɓogdaam foofi leeke boo garitkatee fa nqon too taxkatee lanq ke a maas.› »

2 Maad we 2:14

A xawta foofi le sabadoor ne Eliya a xaƴ’ina ta sam, soo a lay ee: «Taa o Yaal oxe Roog fee Eliya, ten oo?» Ten itam a xawa foofi le, ta xaajoox, soo ta xaañ.

1 Maad we 22:28

Mikaya a doonaan ee: «O gatangaa fa jam de, o and ee o Yaal oxe layee fa mi.» A layahina yee: «Nuun qeet ke fop, nan-gilooxyo!»

1 Maad we 22:22

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »

O leetar ole Pool a bindna GIMU WE NGENNA ROM 3:7

A soƥangaa yee na pexey o maaɓ es ndigil ne Roog a moƴ’u o xaytaa boo ta jeg teen o ndam, xar taxu mi fa xoox es um hate’el nen o paabakaad?

1 Maad we 22:11

Sedekiya fee o ƥiy Kenaana kaa jalin’u xa can xa celem soo a layaa yee: «O Yaal oxe kaa tee: ‹Kene o xawitkaa Aa-araam we boo yaa da moocna.› »

1 Maad we 22:6

O maad oxe Isra’el a dalfooxa o fokat duleer we ndeeƭna ngap teemeed nahik, soo a laamit a den ee: «Ndax waraam o xire’ik, ndax um jangatin a Ramot kam Galaad, ndi kaam warin o xaƴ rek?» Duleer waa a ndoonaan ee: «Reti, too xan o Yaal oxe a ɓoxotin na xa ƥay of.»

1 Maad we 18:19

Ndiiki koy, lulti fokatanel xeet fee Isra’el fop paam es no joong ole Karmel fo duleer teemeed nahik fo duleer qarɓeen ƥetik we Baal, den fo duleer teemeed nahik we Asera na ndeeraa fa Isebel o roon.»

1 Maad we 18:1

A cinj ñaal mayu, no hiid o dadkandeer ole no feñ ole, o Yaal oxe a daawna a Eliya fa lay um na xa ƭelem axene: «Reti ga’rik fo o maad Ahab, yaam xam hebliid a teƥ took lanq ke.»

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

A kim a tedu ke 124:7

I ƥostooxa nen ndiiƭ naa ɓostoorna no mbip no poofog tiiƭ. Mbip ne a ɗega, soo i ƥostoox.

O baawaare xe 9:12

O kiin oxe andee waxtu um. Ne mbaal a bettaa liƥ fo ne mbog a bettaa ndiiƭ, neene fa nqon a bettaa o kiin, yaa ta yenna took um.

Yeremi 23:13

«Ke ga’uuma no duleer we Samari o fanxoy oo. Kaa njo’tanoogu a Baal soo a mo’andoogu a Isra’el fee xeet es.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Hoose 9:9

Nu njimbooxa no laawax nen ñaal kaa Gibe’a. O Yaal oxe weecee tooñ nuun too xan a xaw pakaad nuun.»

Yeremi 11:19

Mi, kaam nand’u nen o mbaal o yooɓu nqaa na ɓiseel no warand. And’iim muk ee mi a ngiɓanu o ngir, a layraa a ndeer den ee: «Fat i maaf ndaxar nquƥu sap ne, mbatnin no lanq ke no ñoow we, ndax gon um wetandooxkataand muk!»