Biblia Todo Logo
Bib sou entènèt

- Piblisite -




Hoose 9:7 - NQAARIIT NE ROOG

7 Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Gade chapit la Kopi




Hoose 9:7
40 Referans Kwoze  

Oxe moƴna faax na den kaa nand nen nqooc, oxe da mbi’na o cofu a moƴ o weel ngiƈ ngol. Ñaal ne na qaw ale nuun, yeeyetax we duleer we nuun a yegnitna, a fadiida, too me ta refna, nuun wey no jaq.


Ye Yehu a nomtooxiidna me no dag lakas we no yaal mbind um, weene a laamtaan ee: «Mbaar jam soom oo? Xar o ƭof oxaana a xoytoogong?» Yehu a doona a den ee: «Co! refee dara. Nu anda duleer wene rek, kuu yoqeerna a mbaagaan o lay.»


Yaa fog we Yeesu a nanna ke xewna, a ngara ndax da ƥisin, yaam a layoogu yee: «Yoonatee fa sagu um.»


Keeke o Yaal oxe na refkaa boo faw a layu: Sabab took no duleer fanxoyu we na ndeefaa yiif den too njegee mbeeñil leng!


Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.


Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.


Xar nu mbi’kaa na bes faa no nqeloor naa, yaa a und ale a inoortiidkaa koƭu? Maa an nu ƈufkaa, ndax nu njaɓnooxin, too mam nu laqkaa kalal ke nuun?


Yaaga koy, i njambange o ñak-xoox, Roog taxun, ndaa i ndefangaa waa njegna a qoox, nuun taxun.


Yaam xan a ndef ñaal kaa Roog a rabdinooxkaa, ndax ke bind’eena fop a fadnoox.


A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.


Neene, feek kaa mo’andaa xeet es, a ndamtin ee: ‹Jam a jega!› too yaaga fop oo jam jegee, soo xeet es a maxaa tabax, too den oo weene a ƭuuman laso,


O Yaal oxe a dalnaang, wo Sefaniya, o saasadax na seek Yehoyada fee o saasadax, ndax o yetooxaa kam Mbind ne no Yaal oxe o koor oxuu na jiitaa, too a ne’ooxaa o tuleer, o jengin na toɓand fo a ƈang.


Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.


Duleer we ten andee ke warna a den, a ndef goor hoohod, saasadax we ten a nqoolaƭarand ke kesaneena a Roog soo a ƭap kebil um.


soo a layaam ee: «Amos, xar ga’o?» Um doonin ee: «A ƭamba laa yipna xa tim xa pooru.» O Yaal oxe a layaxam ee: «A saxad ale mi took Isra’el fee xeet es a fadiida de, yaam a baasan es fo ten a faafa.


Mi fee o tuleer, Roog es kaa heblaam, ndax um maƭoox a Efrayim. Kaam ɗaapanel mbog muu um dakaa, we na ngaraa kam mbind ne Roog es sax a mbañraa fa mi.


Xam feeñil o magnel es fo o tedel es. Xam andnoor a xoox es na kid no qeet mayu kaa na andkataa yee mi refu o Yaal oxe.»


Ndabdinax es fo a qaw es xan a ƭom tigi took den, too yaa da ndalkaa a den, xan da and ee mi refu o Yaal oxe.»


Xiixire saadlaand we ta waaƭanna a xoox um kaa nand nen xa qeel axaa ngudeena. Kaa koy, den itam a nqurulooxa, a ƈuf den fop. Mbaagee o nqox, yaam ñaal ne na saŋik ale a fada na den, waxtu fee da nqaweena.


Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»


Yoqkee o leng no wiin we Anatot, yaa um ɓisiidkaa taamaala fee took den, no hiid ole um ɓekkaa a den o ɓay.»


Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.


Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.


Kaam ñufaa xa anddiloor axe no ɗeet maamaaɓ we, firiɓnooraa ñaañango we, nomtaa yaal-o-and we a cinj soo fudin o and den no ƭooɗofir.


yaam bes a tabdinax oo no Yaal oxe. O hiid ole Siyoŋ a rabdinooxankeel oo.


O Yaal oxe, o ɓay of ole yoɗooxa took, ndaa nga’iran. Xan a mos o nga o jaflax of na xeet of soo a sed yaam keene. Xan fiɗel le jagandaneena fañ we wo a raaɓ a den!


«Ke ga’uuma no duleer we Samari o fanxoy oo. Kaa njo’tanoogu a Baal soo a mo’andoogu a Isra’el fee xeet es.


Yaam Kaakalde we fa qoox den itam xan a ndagoox qeet cegu doole fo maad maak, too xam rabid a den a pi den fo mbef den.› »


Mi itam, yirimkiim a den too wuuskiim a den. Xam gadin a den a pi den.»


Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.


We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»


A qaw ale xan a dal took Efrayim, ta fes a pec. Keeke um yegnaa a carind ake Isra’el booru yoo.


Swiv nou:

Piblisite


Piblisite