Hoose 9:6 - NQAARIIT NE ROOG

⁶ Yaa nu sutooxkaa saax le nuun raadna, Misira xan a dalin a nuun, soo poy ke Memfiis a ñaam a nuun. Kiƈ ke xan a njaɓ kalal xaaliis fa nqoolu ke nuun, soo qooc ke a sulit kam ƭiif ke nuun.

Hoose 9:6 Referans Kwoze

Hoose 10:8

A ñaang a sadaxand ake Bet-Awen, me Isra’el a bakaaditna, xan a luƈtel, tomb fo takar-ñiig xan a sax took xa sadaxand axe den. Xan wiin we a lay xa coong axe yee: «Muuryo a in!», a lay a ñaang ake yee: «Ngirdooxyo took in!»

Esayi 5:6

Xam xaƴin ta ñar. Calaskataand mbaat ta xooxel, tomb fo takar-ñiig xan a saxik teen, too xam xañit a eel ake da ndeɓ took um.

Hoose 9:3

Efrayim yoqkee kam saax le no Yaal oxe, ndaa xan a nomtoox Misira, a ñaam kam Asuur ñaamel qoolaƭaru.

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Hoose 7:16

Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»

Esayi 7:23

Na pe akaaga, a ƭing aluu jegna taxar biiñ juni kaa mbaagna o njar xa monjong juni xaaliis fa nqoolu, xan a saxik takar-ñiig fo tomb.

Hoose 11:11

Xan a inoortiid Misira nen tiiƭ, a ndaprapnaa, a inoortiid no saax laa Asuur nen a nuukuur. Xam nomtiid a den kam pind den. Mi o Yaal oxe layun.»

Hoose 7:13

Sabab took den, yaam kaa ƈuf, a ngoƭaam! Fat da mbes a pec, yaam kaa siiknoor fa mi! Ndax kaa da mboog ee xam wat a den, mi fee da maaɓanaa?

Esayi 34:13

Kol ke xan a maakaa kam pind no maad ke ten, poɗaafoɗ ke fo takar-ñiig ke a saxaa no pind mosu ke ten. Xan a ref ngenand xa ƥox-a-koƥ fo yongand a ba.

Esayi 32:13

Loolanyo lanq ke na xeet fee mi na saxaa tomb fo takar-ñiig, loolan itam pind ke ndefna no ɗaay fa teeru fa nqumbu fee.

Esayi 27:12

A koom, xan o Yaal oxe a bac xa yaƥ axe, no kaa xotitna no xuluɓ ole Ofrat boo na ƈufnand alaa Misira, soo nuun Ii-isra’el we, nu ngiseel o leng o leng.

Esayi 19:13

Kelfa ke Cowaan kaa ƥodax, ke Memfiis a ndef na xa andand. Aa-adax we na carind ake Misira kaa mo’andan.

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Xa peƭit axe 24:31

ga o ndoxom onqe a xayaa muu refna, qooc ke a muur lanq ke fop, soo ɓit le fi’teena a ƥil a gaakoox.

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

2 Maad we 13:7

Yehowahas koy, ŋaaŋaay pis qarɓeen ƥetik a yoqiɗ’u fo a sareet-xire xarɓaxay fo xiixire cuni xarɓaxay waa ñaaƴoogna. O maad oxe Araam kaa saŋik’u yoq waa fop, a fi a den da nand fo fo ut olaa na duuteel.

1 Sami’el 13:6

Ye goor we Isra’el a nga’na yee a sisa, kaa ƭasoogu no luf ke, na xa baaƥ axe, na xa coong axe, na semb ake fo no kas cegee foofi ke.

Yeremi 2:16

Wiin we Memfiis sax fo we Tapanes kaa ƥuuraa ƭuf of.

Yeremi 42:22

Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Yeremi 44:1

Keeke refu fa lay fee no Yaal oxe daawneena a Yeremi, ta jagin no Yuuyudaa we fop ndal’ina no saax le Misira too a ngenoogu na teeru fee Migdol, fee Tapanes fa fee Memfiis fo no jegel ole Patros garitna no ɓemb-roog o ñamaak:

Yeremi 46:14

«Yegniteenoo Misira, nannooreenoo Migdol, nannooreenoo Memfiis fa Tapanes! Layyo yee: ‹Ngeenooxyo, njagandoox!› Yaam laƥ ne a raadna gentand nuun boo a ƴut.

Yeremi 46:19

Nuun we ngenna Misira, mbofyo xa koroŋ nuun, xan nu ƥisel took o hup doole! Teeru fee Memfiis xan a wootat, a raaɓel, too o leng genkatee teen.

Heseki’el 30:13

Keeke layum, mi o Yaal oxe na refkaa boo faw: Xam yaq pic nitaal pangool ke, suud kam Memfiis roog tefee ndigil ke. Jegkatee o kelwaar kam saax le Misira, too xam dalin teen diid le.

Heseki’el 30:16

Xam heƥand fiɗel kam Misira, Siin a diid boo a sendaa. Teeb xan a sexel xa kur, fañ we a njaɓ a Memfiis njoloor o mbuc.

Hoose 2:6

Yirimkiim xa ƥiy axe ten, yaam xa ƥiy xa timte no njaga a ndefu.

Hoose 7:11

Efrayim kaa nand fo a nuukuur ale yooɓna naxel, a ñak-yiif. Kaa ƈufginooxaa a Misira, a ƈufan Asuur.

Sofoni 1:11

Iinyo, nuun we ngenna na dik fee na xoyeel o faƥ ole, yaam jula we fop xan a saŋkel, jiijikax we a moocandel.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

Yeremi 44:12

Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.

Yeremi 44:13

Ne daltuuma took we Yeerusaleem, um dalitkaa took we laqooxna no saax le Misira: fo laƥ, biim fa piste.