Hoose 9:4 - NQAARIIT NE ROOG

⁴ Ƥoxotkatee o Yaal oxe sadax biiñ, too ƥoxotkatiran sadax lakas. Ten taxu ñaamel den xan a nand nen ñaamel o xaaraand. Fop we na ñaamkan xan a nqoolaƭar, yaam kaa mboolaa a ñaamin took o ñak o waag o ɓisiid kam Mbind ne no Yaal oxe ke eetna o foor no saxade le den.

Hoose 9:4 Referans Kwoze

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Yeremi 6:20

Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.

A cangatin ale 26:14

I ñaamee dara no keene yaa fo ñaawax too i mbatnee teen dara, a soƥ i nqoolaƭar, too i cooxtee teen dara nen sadax faa na ɓoxoteel o qon. Wo o Yaal oxe Roog in, kaa i nanan kañ o ñuxur of, mbesoor deŋ ne heblitanoona a in.

Yowel 2:14

Xeƈa xan o Yaal oxe Roog nuun a supit a qalaat soo a barke duufe le nuun. Maaga, xan nu mbaagahinin o ƥisiid sadax tuufe-duufe fa sadax biiñ.

Hoose 3:4

Ii-isra’el we xan a moof a pe a miñu kaa da njegkeerna o maad fo o aa-adax, sadax fo a ƥil akaa da mbaɗooxaa, o jamb fo nitaal pangool ke.

Heseki’el 24:17

Iini taa kam of, ba o ñaawoox xon we, tañalooxi, rokoox xa ñaaƭ of, fañ o muur mukit of, too ba o ñaam puuru caapir ke no gentand of.»

YEGIL MBAAX NE YEESU ne Saŋ a bindtuuna 6:51

Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

Malaki 2:13

Keeke refahinu ke nu mbi’aa: Nuun taxu boo o sadaxand ole no Yaal oxe a may muut fo xa kooniit fo xa lool fo xa iin. Ten taxu yoo ta xuun sadax ke nuun too jaɓkatee dara no ke nu ƥoxotan.»

Amos 5:22

Dara feliraam no sadax toxel ke fo no sadax tuufe-duufe ke nu ƥoxotaxam, xeeñ es a sib cegel ke nu nqirsaa, tee kaa nu sadaxtaa.

Yowel 1:13

Nuun saasadax we, nderooxyo xa saaku too naqadiloox! Nuun we saqna calel ke no sadaxand ole, ƭomatooxyo! Ngaryo mbe fo xa saaku xe, nuun we na njalanaa a Roog es, yaam sadax tuufe-duufe fa sadax biiñ ƥisiidataand no Mbind ne na Roog nuun.

Heseki’el 24:22

Maaga, xan nu mbesoor ne fesoortuuma. Nu muurkee mukit nuun, nu ñaamkee puuru caapir ke no lakas we.

Esayi 66:3

Oxe na sadaxtaa nqoox soo a war itam o kiin, oxe na sadaxtaa mbaal soo a gef itam o ɗuk o ɓox, oxe na sadaxtaa tuufe-duufe soo a ɓoxot itam fo’oy ruul, oxe na doxaa cuuraay soo a faɗooxaa itam pangool ke, weene wiin a ƭat ale felna a den a njilu. Feek paaxaƭaru keene felu a den,

Esayi 57:6

A kac a ƥodaxu ke na ƈufnand ale ndefu a las of, o ɗeg ole jegoona! Den o juuranaa biiñ fee nen sadax soo ɓoxotaa a den sadax tuufe-duufe! Ndax xam jaɓ keene?

A lim ale 28:2

ta daawin Ii-isra’el we bargal kene: «Ba nu ñak o ƥoxotaa o Yaal oxe sadax um no baxtu ke ndalneena, ndefna ñaamel ke ta doxaneel too a mbelin tuñ bo.

A paɗax ale 21:21

O leng na xa taan of oxaa jegna sik no cer um waree o matiid boog o sadaxand ole mi, mi o Yaal oxe, ndax ta ɓoxotaam sadax ke ndoxeena. Wariraam o ɓoxot ñaamel es yaam xaraanaq um.

A paɗax ale 21:17

ta yegin a Aaroon kene: «Ba o leng no kurcala of oxaa jegna sik no cer um a matiid o sadaxand ole, ndax ta ɓoxotaam ñaamel es.

A paɗax ale 21:8

Fat nu ƭeet o saasadax oxe nen o tedu, yaam ten na ɓoxotaxam ñaamel es, mi fee Roog nuun. Fat nu tedlandin, yaam kaam ted, mi o Yaal oxe na tedlandaa a nuun.

A paɗax ale 21:6

Fat a kesanel a mi, mi fee refna Roog den, a mbañ o niwaƭar gon es, yaam den na ƥoxotaxam sadax ke ndoxeena, ndefna ñaamel es, mi o Yaal oxe. A mbara o ngen no tedel boog.

A paɗax ale 17:11

Fo’oy na ñoownaa njer. Kaa um ci’in a nuun nu njiriiñooran took o sadaxand ole, ndax nu njofoorandel fa mi. Fo’oy le soom waagu o waasanit pakaad, yaam ten saqu o ñoow ole.

A sutax ale 40:23

soo a doon teen xa kaf puuru xe ƥoxoteena o Yaal oxe, ne ta heblit’uuna o ten.

A lim ale 19:11

«Oxuu duqna o dal no kiin, xan a xoolaƭar boo bes fa ndakooxiidu.

A lim ale 4:7

Fat a ƭaap took a taabul ale na xa kaf puuru xe um ɓoxoteel piis naa xiiyiiyna soo a ndoon took fee xa ƥaxañ axeeke: xa afnir axe fo a tokol ake fo xa kuta xe fo xa toon axe na sadaxtiteel biiñ fee. Fat xa kaf axe a ndooneel teen kili.

A sutax ale 29:40

O mbaal onqe o ɓoxotkaa nqes ne, fat o yoonandtin ngap kilo tadik mbiɗel kaa siiƥteena ngap o liitar fa genwal diwliin xa oliiw axaa noleena, yoonandtin itam ngap o liitar fa genwal biiñ.

Yeremi 16:7

We na ñaawooxaa ndoxkaand, too we ñakna a faap den mbaat ya den ci’kaand a yer. O leng yaalkee a den.

Dañel 1:8

Dañel o mat kaa fosoox’u tigi yee roɗganditkee a xoox um ñaamel ke fa biiñ fee no maad oxe. A xeɗooxa boog oxe kelfa’’ina cawdiin ke, ndax serkaand o roɗgandit a xoox um ñaamel keene.

Yowel 1:9

Sadax tuufe-duufe ƥisiidataand no Mbind ne no Yaal oxe, sadax biiñ ne’aand. Ten taxu saasadax we a naqadiloox, den we na njalanaa o Yaal oxe.

Hoose 7:16

Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»