Hoose 9:3 - NQAARIIT NE ROOG

³ Efrayim yoqkee kam saax le no Yaal oxe, ndaa xan a nomtoox Misira, a ñaam kam Asuur ñaamel qoolaƭaru.

Hoose 9:3 Referans Kwoze

Heseki’el 4:13

Cinj kaaga, o Yaal oxe a laya yee: «Neene Ii-isra’el we a ñaamitkaa puuru qoolaƭaru a ndeer qeet ke um pasarkaa a den.»

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

A paɗax ale 25:23

«Lanq mbaagkaand o njikoox boo xoo, yaam mi jegu lanq ke, mi o Yaal oxe, too kaa nu ndef nen genar fo xa kataakoon me mi.

Yeremi 2:7

Ɓisiidaam a nuun no saax jaɓu taxar, ndax nu ñaam teen xa tim axe moƴna o mbel. Kaa koy, ye nu mbadiidna, nu nqoolaƭaranda saax es, o jeg es nu mbi’in sibdel.

Hoose 7:11

Efrayim kaa nand fo a nuukuur ale yooɓna naxel, a ñak-yiif. Kaa ƈufginooxaa a Misira, a ƈufan Asuur.

Dañel 1:8

Dañel o mat kaa fosoox’u tigi yee roɗganditkee a xoox um ñaamel ke fa biiñ fee no maad oxe. A xeɗooxa boog oxe kelfa’’ina cawdiin ke, ndax serkaand o roɗgandit a xoox um ñaamel keene.

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

2 Maad we 17:6

No hiid ɓetuu nahkandeer ole no maat Hoose, o maad oxe Asuur a jaɓa a Samari soo a ɓis Ii-isra’el we ngen’ina teen kam Asuur took o hup doole. A dalna a den no jegel olaa Halah fo paam a ƈufnand alaa Haboor no jegel olaa Gosaan fo kam teeru ke no saax laa Medi.

1 Maad we 9:7

yaaga nuun Ii-isra’el we, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc. Neene, Isra’el xan a ref naxoor fo calat a ndeer qeet ke fop.

A cangatin ale 28:63

Ne o Yaal oxe a sawaritna no fi’an a nuun paax soo a mayƭand a nuun, neene a sawaritkaa no saŋik a nuun, a moocand a nuun. Saax le nu ndokkaa ndax nu njegkin, xan nu mbuurtel teen,

A cangatin ale 4:26

Boo nu mbi’na bakaad feene, mexe maƭooxaa a nuun xaye, too asamaan fo lanq ndefu seede ke, yee nu ñakkee o sooƴ no saax le nu njegkaa no mudand ne Yordaan. Nu miñkee teen dara, too xan nu moocandel boo nqet.

A pi ake 10:14

Kaa koy, Piyeer a doonaan ee: «Koo boo muk, o Yaal oxe! Mosiim o ñaam tus kaa na diimbeel mbaat kaa xoolaƭarna.»

Mise 2:10

Inooxyo, ndet, yaam meeke refatee o ñootnooxand! Xan nu njeg xa ƭomel tigi, yaam ne nu nqoolaƭarandna a qoox nuun!»

Hoose 11:11

Xan a inoortiid Misira nen tiiƭ, a ndaprapnaa, a inoortiid no saax laa Asuur nen a nuukuur. Xam nomtiid a den kam pind den. Mi o Yaal oxe layun.»

Hoose 11:5

Nomtooxkeeyo no saax laa Misira, ndaa Asuur xan a maadoox took den, yaam kaa da mbañ o nomtooxiid me mi.

Hoose 9:6

Yaa nu sutooxkaa saax le nuun raadna, Misira xan a dalin a nuun, soo poy ke Memfiis a ñaam a nuun. Kiƈ ke xan a njaɓ kalal xaaliis fa nqoolu ke nuun, soo qooc ke a sulit kam ƭiif ke nuun.

Yosuwe 23:15

Ne o Yaal oxe Roog nuun a fadnitna a tegit ake ten, neene mat a fadnitkaa fa lay fa mbaaxeer fee ta layna took nuun boo yaa ta moocandkaa a nuun no saax faaxaan leeke ta ci’na a nuun,

A cangatin ale 28:68

Xan o Yaal oxe a ɓek a nuun na kaal ake, a nomit a nuun Misira, no saax le ta lay’ina a nuun ee nu nga’katiran muk. Xan nu njikooxaa a qoox nuun maaga, goor fo rew, me no fañ nuun nen faɗ. Kaa koy, nu nga’kee o leng oxaa jikna a nuun.»

A paɗax ale 20:22

Fat nu ngay kebil es fo bargal es fop too ndeef a den, ndax saax le um ɓiskaa a nuun, dalin a nuun maaga, xuqkee a nuun.

A paɗax ale 18:28

Mbootooxyo, yaam ndik um sut a nuun saax le, yaa andoona yee kaa nu nqoolaƭarandin, ne sutit’uuma qeet ke ndef’ina teen yaaga nu ngenafuliran.

A ƭomatax ake 5:6

I letna xa ƥay farna fa Misira fa Asuur, ndax i njeg ñaamel.

Hoose 7:16

Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»

Amos 7:17

Keeke o Yaal oxe a layu: ‹Xan o teef a jaga’ik kam teeru fee, xa ƥeef a mbartel laƥ, o qol of a ɗegrel, wo fa xoox of o xontik a koƥ, Ii-isra’el we a ndefik faɗ no saax jan.› »