Hoose 9:2 - NQAARIIT NE ROOG

² Ten taxu ke na hataa no cukand ne fo no nirir ole ñoowinkatee a nuun, too biiñ fa nqas fee refkatee muud nuun.

Hoose 9:2 Referans Kwoze

Hoose 2:9

Xan a daab xa pes um, ndaa daawkee a den. Xan a waaƭ a den, ndaa ga’kee a den. Cinj kaaga, xan a lay ee: ‹Xam nomtoox maa no kor o eetaand es, yaam yaaga moƴ’um o ɗaay ee ndiiki.›

Safe le no tuleer AGE 2:16

xar daloogu a nuun? Maaga, o qol ole war’ina o wat a kusax qarɓeen ƭik, xarɓaxay soom a watoogu. A ƭing taxar biiñ ale war’ina o sut xa peeƭ qarɓeen ƥetik, qarɓeen ƭik soom na ngatataa teen.

Safe le no tuleer AGE 1:9

Kaa nu yaakaaroogu mayu, ndaa o ndik rek nu ndaawu, ngeeraa saxade nuun, soo um wuuɗ took um. Mi o Yaal oxe Hupna fop kaam laamtaa a nuun ee: Xar garu fo keene? Mbind ne mi yaqooxna, soo oxuu refna na nuun a ƴufanaa mbind um, garu fo ten.

Hoose 2:12

Ndiiki koy, xam wolin ƭuc na kid na xa pes um, too o leng yaqankiraam o fi’in.

Mberaand 50:10

Ye da mbadiidna Goren-Ataad refna kaltaa Yordaan, a nqaaraandaan maaga o xaaraand o maak, soo Yoseef a ñaawoox a faap um boo ñaal ɓetuu ƭik.

Hoose 2:11

Ten taxu ci’katinum bele yaa fo a saxad fa biiñ fa nqas na waxtu a nir ale, too xam jaɓ fale es fa gaare es mbar’ina o sing cer ƥor um.

Amos 5:11

Kaa nu ndak o toroxu xe suur, njang ñaamel ke ta yaakaar’ina. Ten taxu nuun wey maxaa pind saƭku, ndaa nu ngenkee teen. A ƭing taxar biiñ ake nu njimbna a neqa lool itam, ndaa ndefkee muud nuun,