Hoose 9:13 - NQAARIIT NE ROOG

¹³ Ye ga’uuma a Efrayim kaa nandtoogu a ƭing keec alaa jimbeena no mbiñ o nequ, ndaa xan a ɓis xa ƥeem me no xaa na warkaa a den.»

Hoose 9:13 Referans Kwoze

Heseki’el 27:3

Fat o lay a Tiir ee: Cey, wo fee moofna na ƥeeraamb ale no maag ole, o cula tew oxe no qeet ke geleerooxna farna fo a pimb a mayu! Keeke layum, mi o Yaal oxe na refkaa boo faw: Tiir, wo o mat layoogu yee: Mi, o mosel es jegee gak leng.

Amos 7:17

Keeke o Yaal oxe a layu: ‹Xan o teef a jaga’ik kam teeru fee, xa ƥeef a mbartel laƥ, o qol of a ɗegrel, wo fa xoox of o xontik a koƥ, Ii-isra’el we a ndefik faɗ no saax jan.› »

Hoose 13:8

Xam song a nuun nen ursu ndew naa xa ƥeem a ngifeena, too xam faar xoor le no ngang nuun. Xam lisit a nuun nen njogoy ƥasil, soo ƥaaɓaan ke na koƥ ale a sir a nuun.

Hoose 10:14

Ten taxu xan combol a jeg a ndeer xeet nuun, soo saŋe ke nuun fop a yaqel, ne Salmaan a gefit’ina a Bet-Arbel a koom alaa fa xire fee, maa yaay a duguñit’eena fo xa ƥeem.

Hoose 9:16

Efrayim a xawe, a paƴ um a mbeer koroŋ too saqkatee xa tim. A njegangaa xa ƥiy sax oo, xam saŋik xa ƥiy axe den da mbexna.»

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

2 Maad we 15:16

Maaga, Menahem a songa teeru fee Tifsa, a saŋik we ngen’ina taaga fop, soo a raadin o jegel olaa widna maaga fop, a xotit Tirsa. A song’a teeru feene, yaam ne da mbañ’uuna o mbetan tokand ke, soo a xiir rew we ndeeƭna xa pud fop.

Yeremi 7:15

Xam deɓ a nuun maa goƭaxama ne deɓtuuma fog we nuun fop, we mbaqaqoorna na carind ale Efrayim.»

Ke bindeena no xe ne’eena YOB 27:14

A jegangaa xa ƥiy xa mayu sax oo, xan laƥ a ñaam a den, soo xa taan axe ten a ñak ñaamel.

A ƭomatax ake 2:22

Xoyaa me mi fop we saɗarooguuma, ndax da mbumbaay. Na bes fee no fuux le wo, wo o Yaal oxe, jegee oxaa mucna mbaat oxaa ɓostooxna. We waadin’uuma soo yar a den, o pañ oxe mi a saŋka a den.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»