Hoose 9:12 - NQAARIIT NE ROOG

¹² A yarangaa xa ƥiy den sax, xam ñaknoor a den weene boo o leng yoqkee. Sabab took den, yaa um waaskaa a den pelek!

Hoose 9:12 Referans Kwoze

Hoose 7:13

Sabab took den, yaam kaa ƈuf, a ngoƭaam! Fat da mbes a pec, yaam kaa siiknoor fa mi! Ndax kaa da mboog ee xam wat a den, mi fee da maaɓanaa?

Hoose 9:16

Efrayim a xawe, a paƴ um a mbeer koroŋ too saqkatee xa tim. A njegangaa xa ƥiy sax oo, xam saŋik xa ƥiy axe den da mbexna.»

A cangatin ale 32:25

No ped ke xan laƥ a ñaam a den, soo kam pind ke diid a war a den. Neene a refkaa no fes ole fo o toog oxe, no nqeq onqe nen o nogoy oxe.

A cangatin ale 31:17

A koom, xan fuux es a biltooxan a den, um waas a den soo ɗasin a den mukit es. Xan a ndefik muud no qeet lakas ke, coono fo naqad a sagoox a den. Maaga, xan da lay ee: ‹Ndax ne Roog in a refateerna a ndeer in taxu coono kene fop a ndalaa a in?›

Hoose 9:13

Ye ga’uuma a Efrayim kaa nandtoogu a ƭing keec alaa jimbeena no mbiñ o nequ, ndaa xan a ɓis xa ƥeem me no xaa na warkaa a den.»

A ƭomatax ake 2:20

O Yaal oxe, ɗeetangi too ga oxe o fesoortaa neene. Rew a ndeta boo a ñaam xa ƥiy axe ngatna no laaw den, xa caaƈ axaa da njeg’ina o liir na den. Saasadax fo duleer a mbarte kam Mbind tedu ne no Yaal oxe.

Yeremi 15:7

Pasaraam a den boo no cat ke no saax le nen oxaa na baacaa fo ndal. Xañtaam a den xa ƥiy, saŋik xeet es, yaam mbesee a ƭat den a cinj.

Ke bindeena no xe ne’eena YOB 27:14

A jegangaa xa ƥiy xa mayu sax oo, xan laƥ a ñaam a den, soo xa taan axe ten a ñak ñaamel.

2 Maad we 17:23

boo neen o Yaal oxe a deɓu a den maa goƭuuna, ne ta layit’uuna a reefandin no duleer we dag um. Neene, took o hup doole Ii-isra’el we a ƥise Asuur maa goƭna saax den, too maaga a maadu boo no ñaal roog ne xaye.

2 Maad we 17:18

Maaga, o Yaal oxe a fuuxana Ii-isra’el we fuux ɗomu soo a deɓ a den maa goƭuuna. A carind ale Yudaa doŋ yoq’atu.

1 Sami’el 16:14

Yiif le no Yaal oxe a sutooxa na Sawul, soo yiif faaxeer laa o Yaal oxe a luliidna a gariida, a rokin caƭar.

Haahate we 4:16

Barak a daaba a sareet ake fo xiixire we boo Haroset-Hagoyim, too xiixire we Siisera fop a mbarte laƥ boo yoqatee o koor o leng.

A cangatin ale 28:32

Xan xa ƥiy nuun xa koor fo xa tew a ƥoxotel na xa ƥay no qeet lakas ke na kid nuun, nu ƈooklooxaa a den ñaal oo ñaal, too nu mbaagkee teen tig.

A lim ale 26:65

yaam o Yaal oxe kaa lay’u yee: «Xan a nqon kam a koƥ-a-ƥor ale.» O leng na den koy yoq’ee, a refangeerna Kaleb fee o ƥiy Yefune fa Yosuwe fee o ƥiy Nun.

Yeremi 6:8

Wo Yeerusaleem, jaɓi maƭooxel, ndik um ɗegoor fa wo o kay, suptong a koƥ-a-ƥor, maa o leng a genateerna.»

Malaki 2:12

Fat o Yaal oxe a suqit ndamlooxand fo ke na xoxtaa o koor oxuu fogna na Yakoob soo a fi nandu neene! Baa ta xaƴanin sax o leng oxaa na waagkaa o ɓoxotiid o Yaal oxe Hupna fop sadax!

A lim ale 14:34

Ne nu ngorooxitna saax le ñaal qarɓeen nahik, neene a qaw ale no njofaƭar nuun a dalitkaa took nuun boo xa kiid qarɓeen nahik, ñaal oo ñaal a fi o hiid. Neene, xan nu and ke o goƭ a nuun a ɗaxaa.

A cangatin ale 28:18

Xan xa ƥiy axe ngatna no laaw nuun fo ke lanq ke nuun a mbatna a ngalakoox. Xan xa siir axe nuun fo a ked ake nuun a ngalakoox, a nqat.

A ƭomatax ake 2:22

Xoyaa me mi fop we saɗarooguuma, ndax da mbumbaay. Na bes fee no fuux le wo, wo o Yaal oxe, jegee oxaa mucna mbaat oxaa ɓostooxna. We waadin’uuma soo yar a den, o pañ oxe mi a saŋka a den.