Hoose 9:11 - NQAARIIT NE ROOG

¹¹ O ndam onqe Efrayim xan a yet fir nen ndiiƭ. Jegkatee fa ndim, saq tig ne’aand, too rok o fud jegkatee.

Hoose 9:11 Referans Kwoze

Hoose 10:5

We ngenna Samari xan a njaq yaam o nqeel wurus onqe Bet-Awen. Xeet fee xan a ñaawoox mbangool neene, soo saasadax we ten a sendaa yaam ten, no ndam onqe ten na ñufkaa a ndeer den.

Hoose 9:14

«O Yaal oxe, xar um xeɗkaa o ci’in a den? Ci’i rew we den o fud olaa na wataa fo ƭeen kaa njegeerna fo ɗeen.»

Hoose 4:7

Saasadax we fop ne mbodeena a tooñaxam. Xam supit o ndam den gaci.

A cangatin ale 28:18

Xan xa ƥiy axe ngatna no laaw nuun fo ke lanq ke nuun a mbatna a ngalakoox. Xan xa siir axe nuun fo a ked ake nuun a ngalakoox, a nqat.

YEGIL MBAAX NE YEESU ne Lik a bindtuuna 23:29

Xan a jeg a pe akaa wiin we a laykaa yee: ‹Rew rimar we fo we moseerna o ngaajoox fo we moseerna o numin a ƭaaya.›

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

O baawaare xe 6:3

O koor a jeg’angaa xa ƥiy teemeed soo a doon teen a xuuɗ-o-ñis, kuu xa yeng axe no ñoow um a mayna may fop oo, too jegee ne feluuna mbaat o gasanqol o faax, kaam ee o fud o watu moƴun o ɗaay.

A kim a tedu ke 58:8

Yaasam da sooƴ nen foofi laa na ŋiisaa, Roog a xaƴ a kas um, da yen.

Ke bindeena no xe ne’eena YOB 18:5

O ñoow ole no soxodu xe xan a sooƴ nen a qoolaand alaa ñufna, a ɓut goy nen ƈulfaan naa giimna.

A cangatin ale 33:17

Kaa ref no Yaal oxe nen nqoox taawloore, a ref qaaƴoor um. Xa can axe ten kaa nandtaa xa can naak-a-koƥ, a ndef faan le Efrayim fo le Manaase, ta xawtaa a den qeet ke, a raxaa a den boo no cat adna.»

A cangatin ale 28:57

yaam a fañaa o ci o leng na den no nqeq onqe ta sogkaa o ñoot fo o yoon oxe, ndax ta ñaamin ten soom na pet. Xan a fi keene yaam naqad fee fo o ñaat ole fañ nuun a ƥekkaa a nuun kam teeru ke nuun fop.

Mberaand 49:22

Yoseef xan a ref dugatin neepu no ndaxar mayu xa tim naa refna paam a cur. A naaq ake ten xan a nqay boo a yooroox saŋe ne.

Mberaand 41:52

A ne’a o ƭikandeer oxe Efrayim yaam ee Roog a mayƭandaxam kam saax le jegit’uuma naqad.

Esayi 17:3

Saŋe ke Efrayim xan a maafel, a maadax ale Damaas a ñuf, soo muj fee no ke na yoqkaa na Araam a nand fa fee no ndam onqe Isra’el. Keene o Yaal oxe Hupna fop a layu.

Hoose 5:9

A qaw ale xan a dal took Efrayim, ta fes a pec. Keeke um yegnaa a carind ake Isra’el booru yoo.

2 Sami’el 6:23

Mikal fee o ƥiy Sawul koy, jeg’ee o ƥiy boo neen a xonu.