Hoose 9:10 - NQAARIIT NE ROOG

¹⁰ O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

Hoose 9:10 Referans Kwoze

Hoose 4:14

Jambkiim xa ƥiy xa tew axe nuun yaam ne da njaga’aa mbaat seemir we nuun yaam ne da seeqaa, yaam goor we fa qoox den na mbootkaa fo a caga ke, a sadaxtaa fo rew we kesaneena njaga ne nu ƭeetaa nen tedu, ne o feƭit oleeke a laytuuna yee: ‹Xeet fee jegeerna o and kaa mo.›

Yeremi 11:13

Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Mise 7:1

Sabab took es, yaam kaam nand fo xaa na giskaa xa tim, nen oxaa na gisaatooxaa xa biiñ cinj a ƥoor ale. Nduunq leng naa ñaameena jegatee, ne’atiim o run o leng olaa yaawuuma.

Hoose 2:15

Xam inooxanin yaam ñaal ke ta cuuraayoogna a Baaliin, a mosandoortaa xa keɗ um fo ceq um. Kaa reefoogu xa pes um, soo mi o mat, ta weecaam. Mi o Yaal oxe layun.

Heseki’el 20:8

A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

Amos 4:5

Ƥoxotyo sadax fa ngidmir, yoonandtin poɗaxnir! Kaam ee nu yegnit sadax ke nu mbi’aa, yaam keene refu ke nu mbugna, nuun we xa taan Isra’el. Mi o Yaal oxe na refkaa boo faw layun.»

Hoose 11:1

O Yaal oxe kaa tee: «Yaaga Isra’el a refaa o ndeɓandoong, fexaanum too xoytaanum Misira, ten fee o ƥees.

Yeremi 31:2

Keeke o Yaal oxe a layu: «Xeet fee ndaɗitna na bar ale a ndaawa yirmande kam a koƥ-a-ƥor alaa. Isra’el xan a waagat o ñoow no yaadax.»

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Esayi 28:4

soo mbiɗ leeƥu ne o mosel um a fodna took a yulanq a caɓu taxar ale a ref nen o jala laa foorateelna. No ɓay no xuu ta eetna, xan a ɗuudin ndak fo ndak.

A kim a tedu ke 81:12

Kaa koy, xeet es nan-gilooxee o ñuxur es, Isra’el a fañaam faƥit.

1 Maad we 16:31

Ten koy, bakaad fee Yerobowam ta laalna deyiran boo ta gilig sax a Isebel fee o ƥiy Et-Baal fee o maad no Siisidoŋ we soo a doon teen a gungaa mbaambir Baal fee da mbi’’ina roog den, ndax ta faɗooxin.

Haahate we 6:32

No kaa xotitna no ñaal naaga, Gedeyon a xoyoogate Yerubaal yaam ne Yowaas a layna yee: «Fat Baal a layooran a xoox um, feek o sadaxand um Gedeyon a gefu.»

A cangatin ale 32:17

A sadaxa cini ke, too ndefee Roog, a sadax roog kaa da and’eerna, roog kaa miñeerna o ngar dara, too daan in and’ee a den.

A cangatin ale 32:10

O Yaal oxe kaa soƥ a den na koƥ-a-ƥor alaa naagna hundang, a ndeer xa paa’uund xa saɗarnooxu xe. A gisa a den, a topatoox a den, a gay a den nen jooƴ a ngid um.

A cangatin ale 4:3

Nu nga’ooda ke o Yaal oxe Roog nuun a fi’na ye fa Baal-Pe’oor, a moocand na nuun fop we sooboox’ina na paɗax ale na Baal feene.

A lim ale 15:39

Boo nu ƭeetaa a tup akeene, xan nu mbetandooran kebil es fop, mi o Yaal oxe, ndeef a den. Neene, nu ndeefkee ke xeeñ nuun a yuxmaa fo ke yulna a kid nuun, too nu njimbooxkee no ngore’aƭar.

O leetar ole Pool a bindna GIMU WE NGENNA ROM 6:21

Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

A kim a tedu ke 115:8

We njalna a den fa den a nandu, boo no we ƭagna yaakaar den no nitaal keene.

Yeremi 3:24

No ke xotitna no ndeƥandoong in, a paɗax a sednooxu le Baal a ruudna ke daan in a onj’ina: cegel teɓ ke fo maak ke den, xa ƥiy xa koor axe fo xa tew axe den.

Yeremi 24:2

A leng na ƭamba ke kaa saq’u xa tun xa paaxu lool nen xa tun xa poorateel axe, soo a ƭamba lakas ale a saq xa tun axaa mbaaxaƭarna mbaaxaƭar, boo mbaagaand o ñaam.

Hoose 4:18

Den fa ƈuteeru a yer rek, yaqanu da njimboox no njaga, too gaci moƴanu a den o niwel.

A lim ale 18:13

Fop ke da ƥisiidkaxam no ke eetna o foor, nuun na njegkan. Oxuu fogna no ƥasil nuun too a xool, a waaga o ñaam teen.

2 Maad we 17:11

A ndoxooga cuuraay na ñaang a sadaxand ake fop nen qeet ke o Yaal oxe a rax’ina mbaambir den. Neene a mbuuxnoorta o Yaal oxe a pi a paaxeer ake den.

A kim ale na kim ake 3:6

An oo xeene na inoortiidaa na koƥ-a-ƥor ale kam fo ut ole nen eel fo suun, a suloox miir fa cuuraay fo ƭuumooxel qeeñe-xeeñe kuu ndefna?

Yeremi 3:25

Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»

Hoose 13:5

Mi, topatooxaam a nuun kam a koƥ-a-ƥor alaa, no lanq beeru koroŋ.