Hoose 9:1 - NQAARIIT NE ROOG

¹ «Isra’el, ba o felakinoox, ba o ref no ɗaay nen qeet lakas ke, yaam kaa o waas a Roog of, jaga’aa soo fex ndabid nqooleer no cukand bele ke fop.

Hoose 9:1 Referans Kwoze

Hoose 10:5

We ngenna Samari xan a njaq yaam o nqeel wurus onqe Bet-Awen. Xeet fee xan a ñaawoox mbangool neene, soo saasadax we ten a sendaa yaam ten, no ndam onqe ten na ñufkaa a ndeer den.

Hoose 4:12

Xeet es kaa nga’raa fo xa taaƴ den, too o loq den na feeñlaa a den ke da mbarna o mbi. Yiif njaga kaa mo’andaa a den, da nqaƴaam, a mbaɗooxaa roog lakas, nen o tew oxaa soobooxna no njaga.

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

Saak 5:1

Nuun yaal kalal ke, nan-gilooxyo fa lay es. Nu mbara o lool, too iin, yaam taamaala ke na ndaawkaa a nuun.

Saak 4:16

Kaa koy, nu naangee o layaa keene, kaa nu magnandooxaa, niwooxaa na fa lay. Keene faaxee,

Amos 6:13

Kaa nu mbelakinooxan cegeer, soo layaa yee: ‹Ke i njegna, ndax kaa i ndaawtiran no onj in fa doole in?›

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

Hoose 5:7

A ngoda o Yaal oxe, yaam kaa ndim xa ƥiy no qooleer. Ndiiki koy, o nqool o leng soom xan a dey, ndax da saŋkel fo o jeg den fop.

Hoose 5:4

A pi den kaa yaqanaa a den o nomtooxiid me Roog den, yaam njaga kaa adin a den, too andee o Yaal oxe.

Hoose 2:12

Ndiiki koy, xam wolin ƭuc na kid na xa pes um, too o leng yaqankiraam o fi’in.

Heseki’el 21:10

Maaga, fop xan a and ee mi o Yaal oxe, woostaam laƥ es no xool um, too dakinkatinum teen.

Heseki’el 20:32

Ke nu mboogna jegkee muk, yaa nu layaa yee: ‹Kaa i mbug o nand fo qeet ke fo a qaw ake na saax a lakas ake. Kaa i mbug o mbaɗooxaa a teex fo a ƥil.›

A ƭomatax ake 4:21

Felakinooxi rek too ref no ɗaay, wo Edoom o ndoog onqe, genna no saax le Uus! Kaa koy, wo itam xan o daawnel o feeƭ ole no fuux le no Yaal oxe, way teen nep soo woloox boo yoq ƭuc.

Esayi 17:11

A koom alaa jimboona a den, ga’o a den da maakaa, soo roog a feed, da ndef no mbiɗaa, ndaa saxade le xan a gaay, yaa ñaal o njombe ne a garna, too ɗom of waagkaand o wodand.

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

A kim a tedu ke 73:27

We na ngoƭang, xan a saŋkoox, we na mbesang a cinj, a mbaɗooxaa roog lakas, o duguñ a den.

Amos 4:5

Ƥoxotyo sadax fa ngidmir, yoonandtin poɗaxnir! Kaam ee nu yegnit sadax ke nu mbi’aa, yaam keene refu ke nu mbugna, nuun we xa taan Isra’el. Mi o Yaal oxe na refkaa boo faw layun.»

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Heseki’el 16:15

«Kaa koy, kaa o hooloox o mosel of, too o jeg gon of a ɓekaang no njaga, soo o jimboox no ceeq ye refanoona o tak-a-faaf oxuu refna.

Heseki’el 16:30

Mi o Yaal oxe na refkaa boo faw kaam ee: Cey, ndaw ne heestoona! Fi’aa tig oo tig keene fop ndefna calel a caga laa moƴna o hupal.