Hoose 8:7 - NQAARIIT NE ROOG

⁷ Feek nqeñ a nduufu, a und a saxadkaa. Bele fa njegee xa yaƥ watkee mbiɗel, too lanq ke a mbatangaa tig sax oo, wiin jan na muudoorkan.

Hoose 8:7 Referans Kwoze

Xa peƭit axe 22:8

Oxe na duufaa njofaƭar, o torox a saxadkaa, too o samb ole no kañaan um xan a ɓolel.

Ke bindeena no xe ne’eena YOB 4:8

Mi koy, ga’aam ee: We na nduufaa njofaƭar, a nqooxaa paaxeer, xa tim den a saxadaa.

Galati 6:7

No kene koy, ba nu nax a qoox nuun: Roog naagee o ŋasteel, too itam ke o kiin a duufna, ten a saxadkaa.

Nahum 1:3

O Yaal oxe kaa muñantaa, doole um a magin, ndaa ñakkee o xaw oxe tooñna. O Yaal oxe kaa ñaaƴaa kam a saaqul ale, a ƭat um a ref kam a und ale, a eel ake a ndef fo ut ole a caf um a yetnaa.

Hoose 7:9

Wiin jan owe paangaa doole um, too andiran, xoox um le fuumaa, too ɗeetlooxiran

Hoose 2:9

Xan a daab xa pes um, ndaa daawkee a den. Xan a waaƭ a den, ndaa ga’kee a den. Cinj kaaga, xan a lay ee: ‹Xam nomtoox maa no kor o eetaand es, yaam yaaga moƴ’um o ɗaay ee ndiiki.›

Yeremi 12:13

Bele a nduuf’u, ndaa takar-ñiig a saxadaa. A paanga doole den na xa koɓong. Njegyo gaci boog no ke nu saxadna, yaam fuux ɗomu le mi.»

Esayi 66:15

O Yaal oxe xey garaa kam fiɗel, a sareet-xire ke ten a nandtaa a und a cegu doole. Fuux ɗomu le ten xan a biltoox nen ƈulfaan fiɗel, soo ta fadin a qaw ale ten kam aal fiɗel.

Esayi 17:11

A koom alaa jimboona a den, ga’o a den da maakaa, soo roog a feed, da ndef no mbiɗaa, ndaa saxade le xan a gaay, yaa ñaal o njombe ne a garna, too ɗom of waagkaand o wodand.

O baawaare xe 5:16

Kaa ñoowaa xa yeng um kam o niɓaan, a qalam um fo coono um a naang gañ, kam um a fag tak.

2 Maad we 15:29

Na jamaane Peqah fee o maad Isra’el, Tiglat-Pileseer fee o maad oxe Asuur a gara, a jaɓ teeru fee Iyon, Abel-Bet-Maaka, Yanowah, Qedes, Hasoor, o jegel ole Galaad, ole Galile fo saax le Neftali fop. A ɓisa took a hup doole we ngen’ina meene fop kam Asuur.

2 Maad we 15:19

Tiglat-Pileseer fee o maad oxe Asuur a roka no fiisel ole Isra’el. Maaga, Menahem a cooxaan ngap parig teemeed tadik fo parig qarɓeen nahik xaaliis fa nqoolu, ndax oxeene a dimle’in bo ta saƭkand maat um.

A cangatin ale 28:33

Xeet faa nu andeerna xan a ñaam ke lanq ke nuun a mbatna fo jale le nuun fop, soo nu ngen no toroxandeel, ñaatlandeel.

Galati 6:8

A soƥangaa yee kaa duufaa ke cer um a yaawaa, fa nqon rek a xotitkaa teen, ndaa koy boo ta duufaa ke Yiif le Roog a bugna, o ñoow o fagkeer ole a saxadkaa.

Esayi 55:2

Xar a ɗaxu nu ñakaa xaaliis no kaa naangeerna o ñoownaa, nqijaa no ke waageerna o giñ a nuun? Nan-gilooxaamoo boog, too yaaga xan nu ñaam ke faaxna, sawar yaam ñaamel pelu.

A ƭomatax ake 5:2

Mbaaxaan in a ƥoxote wiin jan, pind in a cooxel waa i andeerna.

Hoose 9:16

Efrayim a xawe, a paƴ um a mbeer koroŋ too saqkatee xa tim. A njegangaa xa ƥiy sax oo, xam saŋik xa ƥiy axe den da mbexna.»

Safe le no tuleer AGE 1:6

Kaa nu nduufaa mayu, ndaa o ndik rek nu saxadaa. Kaa nu ñaamaa, ndaa nu ngiñkee, yeraa too nu nqeƴkee, ndokooxaa, ndaa taxkee a cogoñ nuun a wat, soo ndabid no caajal oxe a kasaara’ooxaa, nen yaa ta reeƭna kam nafa yulu.

Mberaand 41:23

Cinj kaaga, xa yaƥ ɓetaa ƭaq axaa ngaayna, a ŋoroɓoox yaam nqeñ ne no batand, a sax a cinj den.