Hoose 8:5 - NQAARIIT NE ROOG

⁵ Nuun Saasamari we, ndeɓ o nqeel wurus onqe moƴ’u na nuun. Fuux es a biltooxana a nuun. Kaa nu nqoolaƭarkaa boo a mban?

Hoose 8:5 Referans Kwoze

Hoose 10:5

We ngenna Samari xan a njaq yaam o nqeel wurus onqe Bet-Awen. Xeet fee xan a ñaawoox mbangool neene, soo saasadax we ten a sendaa yaam ten, no ndam onqe ten na ñufkaa a ndeer den.

Yeremi 13:27

Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

Xa peƭit axe 1:22

«Nuun we ndaƥna a yiif, kaa nu ndefkaa no raƥ yiif boo a mban? Nuun xaaxaadnax we, kaa nu mbugko nqaadnooxaa boo a mban? Nuun panxoy ke, kaa nu mbugko sibaa o and ole boo a mban?

A pi ake 7:41

Maaga, a nqawna o xeel, a mbi’in nen roog den, a ƥoxotan sadax. Kaa mbelakinooxoogu no ke da nqawnoodna.

Hoose 8:6

O nqeel onqe Isra’el a inooru, too refee Roog. O kiin o baane’u rek jalun. Ten taxu o nqeel onqe Samari xan a fi’el xa ƥek xa ƥek.

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

Esayi 45:20

«Mbokatooryo too ngar. Matiidyo nuun fop, nuun we ƥostooxna ndeer a saax ake. Dara refee na qoox no we na ƥislooxaa pangool kaa ndefna a teex, a ƈufginooxaa a roog faa waageerna o mucil.

A cangatin ale 32:22

Fiɗel le no fuux le mi a kaƥa, too kaa raaɓaa boo kam ee kam jaaniif, a sooynaa lanq ke fo ke da mbatna, a doxaa a per ake na xa coong axe.

A kim a tedu ke 19:13

Ndi an andu tooñ um ke ta diyeerna? Ngela waasanaam tooñ es ke anddilooxeeruuma.

Yeremi 48:13

Maaga, Mowaab xan a sed na Kemos fee roog um ne Isra’el a sedit’ina na Betel fee da ngooloox’ina.

Hoose 13:2

Ndiiki koy, owe maad o mbakaadaa. A njalna o daaƴ o jawne fa xaaliis fee den, pangool kaa da nqalaatanna a qoox den. Fop kaa ndef kaa o kiin o baane’u a jalna. A laye kaa jofna na Efrayim ee: «Kaa da sadaxtaa wiin, a mboonaa fo nqeel!»

Amos 8:14

yaam kaa ndaaɓoortaa bakaad fee Samari yee: ‹Ndeer es fo xe na faɗooxeel Dan!› fo ‹Ndeer es fo o Cegu doole xe Beer-Seeba!› Ten taxu xan da yen, too inooxkatee muk.»

2 Caloori ke 13:8

Ndiiki koy, kaa nu njeemaa o siiknoor fo maat ne o Yaal oxe a doxinna xa taan axe Dawid. Kaa nu mbi a yaj no xiixire cegu doole soo ngadoox fo nqeel wurus ne Yerobowam a fi’’ina da ndef roog nuun.

Hoose 10:8

A ñaang a sadaxand ake Bet-Awen, me Isra’el a bakaaditna, xan a luƈtel, tomb fo takar-ñiig xan a sax took xa sadaxand axe den. Xan wiin we a lay xa coong axe yee: «Muuryo a in!», a lay a ñaang ake yee: «Ngirdooxyo took in!»

Mise 1:7

Nitaal roog ke ten fop xan a nduguñel, tabid qoolaƭaru ke ten a ndoxel. Xam fiitin pangool ke ten fop ta waaƭitna tabid ke no njaga ne ten, da ndefatinik tabid njaga lakas.»