Hoose 8:14 - NQAARIIT NE ROOG

¹⁴ Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Hoose 8:14 Referans Kwoze

A cangatin ale 32:18

Nu ndeɓa ɓil le rimnoorna a nuun, mbeecit a Roog fee ci’na a nuun o ñoow.

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Amos 2:5

Xam fudin fiɗel took Yudaa, ta raaɓ pind no maad ke Yeerusaleem.»

Hoose 13:6

Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Esayi 17:10

Kaa o weec a Roog fee na muclang, too wetandooxiro ɓil le refna ndaɗand of. Ten taxu o jimbanaa pangool ke taxar pelu, saxnanaa a den taxar biiñ.

Amos 1:10

Xam fudin fiɗel took saŋe ke mbidna Tiir, ta raaɓ pind no maad ke ten.»

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

Amos 1:14

Xam fudin fiɗel took saŋe ke mbidna Raba, ta raaɓ pind no maad ke ten, ndeer xa buuq na bes xire, nen kam a und na bes o ufang,

Amos 1:12

Xam fudin fiɗel took Temaan, ta raaɓ pind no maad ke Bosra.»

Amos 1:4

Xam fudin fiɗel took mbind Hasa’el fee o maad, ta raaɓ pind no maad ke Ben-Hadad.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Yeremi 23:27

Kaa nqalaataa o mbeecnoorit xeet es a mi xa ƭaaɗ axe den da mbetandooraa a ndeer den, ne daan we den a mbeectit’axama yaam Baal.

Yeremi 3:21

O ñuxur ole nannooxaa took xa coong axe naangna halit: Ii-isra’el we yoo, na loolaa soo a ƈufginooxaa, yaam kaa ƭap a ƭat den, a mbeecit o Yaal oxe Roog den.

Yeremi 2:32

Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

Esayi 43:21

Maaga, xeet feene sakuuma xan a simataxam.»

Esayi 42:25

Ten taxu o Yaal oxe a fudin took xeet um fuux ɗomu le ten fa xire fa ƭomu. Ƈulfaan kaa mbidin muu refna, ndaa taxee ta and, o dox ole a daawin, ndaa haaliran.

Esayi 42:13

O Yaal oxe xe ɓeriidaa nen a salma-koor, a fapooxan a ñoq ale nen o qiixire soo a jibin o wuuq xire o jegu doole, a maaf fañ um.

Esayi 29:23

yaam yaa xa ƥeem a nga’kaa ke um fi’kaa a ndeer den, xan a tedland gon es. Xan a tedland o Tedu xe Yakoob, a saɗar a Roog fee Isra’el.

A kim a tedu ke 106:21

A mbeecta a Roog fee o Muumucil den, fi’’ina tig maak Misira,

2 Caloori ke 27:4

A maxa teeru took xa coong axe Yudaa fo saŋe fo xa yetooxand kam a suungaan ake.

2 Caloori ke 26:10

A maxa itam xa yetooxand kam xa cegel axe na koƥ-a-ƥor ale, a waq kas mayu yaam kaa jeg’u xa siir xa maak. A jeg’a itam xooxoox no saax le a lanq fo na xa saawit axe, a jeg ɗiiɗing taxar biiñ na xa coong axe fo kam Karmel, yaam o kiin o pexu a qooq a reeƭu.

1 Maad we 16:31

Ten koy, bakaad fee Yerobowam ta laalna deyiran boo ta gilig sax a Isebel fee o ƥiy Et-Baal fee o maad no Siisidoŋ we soo a doon teen a gungaa mbaambir Baal fee da mbi’’ina roog den, ndax ta faɗooxin.

1 Maad we 12:31

Yerobowam a maxna fo mbiñ fo tedu took a ñaang a sadaxand ake soo a dalin saasadax waa ta xotitna a ndeer xeet fee, too mbog’ee no Leelewi we.

2 Maad we 18:13

No hiid xarɓaxay fo hiid o nahkandeer ole no maat Hiskiya, Sanxerib fee o maad oxe Asuur a songa teeru cegu saŋe ke Yudaa fop soo a jaɓ a den.

A kim a tedu ke 95:6

Ngaryo i ƈuug, ngooknoox, ngung mbaambir no Yaal oxe sakna a in,

Esayi 9:9

«A muul ake a yena, ndaa xan i maxatinit fo a ƥil a sexe. A qanq mbaƭat ake a ndaƈte, ndaa xan i ndondandit a den a qanq ndaxar seedar.»

Esayi 9:10

Maaga, o Yaal oxe a saƭakina noon we Isra’el soo a soob fañ we ten ndefna:

Yeremi 5:17

Xan a ñaam saxade le nuun fo ñaamel nuun, a saŋik xa ƥiy xa koor axe nuun fo xa ƥiy xa tew axe nuun, a salax xa siir nuun fo a ked nuun, a mbiitin a ƭing taxar biiñ ake nuun fo tun ke nuun. Xan laƥ den a ndaadin teeru cegu saŋe ke nuun, nu ngoolooxna.

Heseki’el 23:35

Ten taxu keeke o Yaal oxe na refkaa boo faw a layu: Feek kaa o weecaam, fesaam ndiiñ, wo itam gadooxi coono ke no njombe of fo no njaga of.»

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.