Hoose 8:13 - NQAARIIT NE ROOG

¹³ Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Hoose 8:13 Referans Kwoze

Hoose 9:9

Nu njimbooxa no laawax nen ñaal kaa Gibe’a. O Yaal oxe weecee tooñ nuun too xan a xaw pakaad nuun.»

Hoose 9:6

Yaa nu sutooxkaa saax le nuun raadna, Misira xan a dalin a nuun, soo poy ke Memfiis a ñaam a nuun. Kiƈ ke xan a njaɓ kalal xaaliis fa nqoolu ke nuun, soo qooc ke a sulit kam ƭiif ke nuun.

Amos 8:7

Ten taxu o Yaal oxe a daaɓoorit a xoox um ee: «Weeckiim a leng na pi ake den.

Amos 5:22

Dara feliraam no sadax toxel ke fo no sadax tuufe-duufe ke nu ƥoxotaxam, xeeñ es a sib cegel ke nu nqirsaa, tee kaa nu sadaxtaa.

Hoose 11:5

Nomtooxkeeyo no saax laa Misira, ndaa Asuur xan a maadoox took den, yaam kaa da mbañ o nomtooxiid me mi.

Hoose 5:6

Xan a ndet fo a ked den fo xa siir den, ndax da ƥoxot teen sadax, a mbaaƭik o Yaal oxe, ndaa nga’kiran, yaam kaa riƈatoox a den.

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Esayi 1:11

O Yaal oxe kaa tee: «Soxla’iim sadax mayu ke nuun. Deyƭooxaam sik na suk paal ake nu ndoxaa fo na neebam fee no fo nqeel fo ngude ne. Fo’oy le no qoox ke, no fo mbaal ne fo na suk pambe ke feliraam dara.

A cangatin ale 28:68

Xan o Yaal oxe a ɓek a nuun na kaal ake, a nomit a nuun Misira, no saax le ta lay’ina a nuun ee nu nga’katiran muk. Xan nu njikooxaa a qoox nuun maaga, goor fo rew, me no fañ nuun nen faɗ. Kaa koy, nu nga’kee o leng oxaa jikna a nuun.»

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

1 Korint 11:29

Oxuu andoona yee kaa ñaamaa no mbuuru ne, a yeraa no kaas ole, a fañ o ɗeet ne ta hiɓooritna fo cer ke no Yaal oxe, oxeene kiin kaa qicaa hate fa ƭomu fee Roog took xoox um.

1 Korint 11:20

Refee yee a cu’ax ale no Yaal oxe na fokataa a nuun,

Hoose 12:11

Daawnaam duleer we fa lay es, mayƭand peeñax es fa den. Na pexey duleer we, maƭoortaam a nuun a naxax.»

Hoose 7:16

Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»

Hoose 7:2

Layee taa kam den ee wetandooxaam kañaan den. Ndiiki koy, a pi den kaa mbid a den, a ndef mbaambir es.

Hoose 4:9

Ke na dalkaa saasadax we na dalkaa dal a xeet fee. Xam inooxan a den yaam a pesoorooƭ den soo rabid a den a pi den.

Xa peƭit axe 21:27

O Yaal oxe kaa sib sadax fee no soxodu we, moƴtaa sax, yaa da ƥoxottuuna a qalaat a paaxeer.

1 Sami’el 15:22

Sami’el a layaan ee: «Ndax sadax toxel ke fo sadax lakas ke o Yaal oxe a moƴu o bug ee o nanan fa lay um? Nanan ne moƴanun sadax ke, njaɓan ne a moƴanin neebam fee na suk paal ake.

A sutax ale 32:34

Yaaga boog, reti too ɗox xeet fee me layoonga. Malaaka es xan a adooxan a nuun. Kaa koy, na bes faa um inooxkaa, xam xawit a den pakaad den.»

A sutax ale 20:3

Faɗooxkiro a roog fa lakas faa refeerna mi.

YEGIL MBAAX NE YEESU ne Lik a bindtuuna 12:2

Ke singeena fop xan a singtel soo ke ɗasneena fop a ñuqtel.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

Yeremi 6:20

Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.

Heseki’el 29:16

Refkatee muk no mbind Isra’el koolooxel kaa na ñoowdandaa tooñ ne da mbi’na boo a ƈut, ye da ngeleerooxna farna fo Miimisira we, too xan da and ee mi refu o Yaal oxe na refkaa boo faw.»

Hoose 7:11

Efrayim kaa nand fo a nuukuur ale yooɓna naxel, a ñak-yiif. Kaa ƈufginooxaa a Misira, a ƈufan Asuur.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Hoose 6:6

yaam yirmande moƴanaxam sadax, o andaam a moƴanaam sadax toxel.»

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»