Hoose 8:12 - NQAARIIT NE ROOG

¹² Um bug oo jaqtanin a cangin es, bindanin o ten, ndaa xan a ɗeetin nen tig kenar.

Hoose 8:12 Referans Kwoze

O leetar ole Pool a bindna GIMU WE NGENNA ROM 7:12

Neene, kebil ke Roog kaa ted, soo kebil ne fa xoox um a ted, a jof, soo a faax.

O leetar ole Pool a bindna GIMU WE NGENNA ROM 3:1

Xar refu a seek ale o Yaawuur oxe a waagna o hupit o tefee Yaawuur? Ndi xar refu o njiriiñ onqe nquc a jegna?

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Heseki’el 20:11

Cooxaam a den bargal es, andnoor a den kebil es ke o kiin oxe a warna o fadin, ndax ta ñoowit na den.

Esayi 30:9

No ndigil, xeet fa nanaƭaranu yoo, a ndef xa ƥiy xa maamaaɓ, xa ƥiy axaa mbugeerna o nan-giloox a cangin ale no Yaal oxe.

Xa peƭit axe 22:20

Ndax kaa bindaniroong xa peƭit qarɓeen tadik axaa na asang, a ƥaatang yiif?

A kim a tedu ke 119:18

Weti a kid es, ndax um ga a paax comlaand ke na cangin of.

A kim a tedu ke 50:17

too a soƥa jaɓiro um yarong, soo o deɓ ke um layaa?

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.