Hoose 8:10 - NQAARIIT NE ROOG

¹⁰ A mbug oo nger qeet ke, ndaa xam fokat a den ndiiki, too miñkatee dara xan a coono yoora ndoq ne no maad oxe no gelwaar we.

Hoose 8:10 Referans Kwoze

Heseki’el 16:37

ten taxu, mexey fokataa xa pes axe wo fop ŋastoogoona, fop we bugrit’oona fo fop we sib’oona. Xam fokatit a den muu refna, da siiknoor fa wo. Xam lal a den cer ƥor of, too xan a nga cer ƥor of fop.

Hoose 10:10

Hebooxaam o xaw a nuun, too xan qeet a mbokatooran a nuun, nu njengel yaam njofaƭar nuun ne jegeerna a tet.

Heseki’el 26:7

Keeke layum, mi o Yaal oxe na refkaa boo faw: Xam ɓistiid no ɓemb-roog o janoon took Tiir a Nebukadnesaar fee o maad oxe Babilon, o maad oxe no maad we, ta yoontiid pis, a sareet-xire, ŋaaŋaay pis, faan fo a yaj a pagkatar.

Esayi 10:8

Kaa lay ee: «Ndax gelwaar we mi mbodree fo maad?

Safe le no tuleer AGE 2:6

Te paam o ndik rek, xam yo’in asamaan fee fo lanq ke, o maag ole fa jeeri fee. Mi o Yaal oxe Hupna fop layun.

Dañel 2:37

Daali maad, wo refu o maad oxe hupna no maad we fop. Roog fee na asamaan a ci’aang maat fa katil fa doole fo o ndam.

Heseki’el 22:20

Ne xaaliis, xanjar, njelem ƥaal, beteex fa buraag a mbokatteel kam ndoxand naa fiɗel le a wuuɗeel, ndax da naaynel, neene um fokatitkaa a nuun kam fuux es fo o say es. Xam diƈ a nuun teen soo naayin a nuun.

Yeremi 42:2

me no tuleer Yeremi, a layin ee: «Ngela jaɓi ke i nqeɗang! Xeɗooxani a in, in yoqatin wene fop, o Yaal oxe Roog of, yaam kaa i may’u bo, ndaa o ndik o ndutuuñ i yoqatu, ne ga’tanoona.

Esayi 36:13

Cinj kaaga, jawdiin fee a leta soo a falaloox fa doole um fop no ɗelem hebre yee: «Nan-gilooxyo xa ƭelem axe no maad o maak oxe refna o maad oxe Asuur.

1 Caloori ke 5:26

Roog fee Isra’el a riña a Pul fee na xoyeel a xoy Tiglat-Pileseer fee o maad oxe Asuur, ta song xa piisel axe na carind ale Ruben fo ale Gaad fa genwal a carind ale Manaase. A ɓisa a den took o hup doole Halah, Haboor, Hara fo paam o xuluɓ olaa Gosaan, too a maada maaga boo no ñaal roog ne xaye.

2 Maad we 17:3

Salmanasaar fee o maad oxe Asuur a gara, a songin, soo Hoose a ɓoxotoox no ten, a rabdatan a bateer.

2 Maad we 14:26

O Yaal oxe kaa ga’’u o torox o ɗomu le no Ii-isra’el we. Jeg’atee o leng o leng oxaa ƴufgiidna a den.

Heseki’el 16:33

A caga ke fop kaa cooxeel neexil, ndaa wo o mat, neexil of ci’aano xa pes of fop, fapit a den nger, ndax o kooc a den me wo, muu refna no njaga of.

Heseki’el 23:5

Ohola a jaga’a ke jeg’anuuma fop oo. A yuxum ake na xa pes axe ten a ƥislooxaan, ndefna Aa-asuur we gentand um,

2 Maad we 17:4

Kaa koy, o maad oxe Asuur a yega yee Hoose kaa fexeyanoogun boo a lul wiin maa Soo fee o maad Misira, too sax rabdoogatee o maad oxe Asuur a bateer. Maaga, o maad oxe Asuur a jengaan, a ɓekin kaso.

Esayi 30:2

Kaa ndetaa Misira, ndax da njaɓnook maa Firawon fee, a laqook no yook ne Misira, too asooxiraam.

Hoose 12:2

Efrayim xa koɓong a reefaa, a daabaa nqeñ ne no batand. Ñaal oo ñaal kaa mayƭandaa xa maaƥ axe fo a pi a yednu ke. Kaa dalnaa ngiɓoor fa Asuur, soo diwliin a ɓiseel Misira.»