Hoose 7:9 - NQAARIIT NE ROOG

⁹ Wiin jan owe paangaa doole um, too andiran, xoox um le fuumaa, too ɗeetlooxiran

Hoose 7:9 Referans Kwoze

Hoose 8:7

Feek nqeñ a nduufu, a und a saxadkaa. Bele fa njegee xa yaƥ watkee mbiɗel, too lanq ke a mbatangaa tig sax oo, wiin jan na muudoorkan.

Esayi 1:7

Saax le nuun kaa naag halit, fiɗel le a raaɓ teeru ke nuun, soo wiin jan a nduudnaa saxade le nuun na kid nuun. Fop kaa fiit nen maa yaayaq a ƥeerna.

Xa peƭit axe 23:35

Xan o laytooxaa yee: «Kaam xawel, ndaa dara ɗomiraam, um fadel, ndaa yegiim teen tig. A mban um yokooxkaa? Bugahinaam teen!»

2 Maad we 13:22

Hasa’el fee o maad Araam kaa toroxandoogu Ii-isra’el we no ñoow o ñis Yehowahas fop.

Esayi 57:1

O cofu xe kaa saŋkooxaa, too o liir no leng jaaɓee, gore’u we a ngifeel, too o leng andee yee kaa ngifeel, ndax da ndaɗ taamaala fee.

2 Maad we 15:19

Tiglat-Pileseer fee o maad oxe Asuur a roka no fiisel ole Isra’el. Maaga, Menahem a cooxaan ngap parig teemeed tadik fo parig qarɓeen nahik xaaliis fa nqoolu, ndax oxeene a dimle’in bo ta saƭkand maat um.

Esayi 48:8

Kaa sax nu mosiran o nan, nu mosiran o and, too mosee o rok no yul nof nuun, yaam and’aam ee hoohod nu ndefu. Naa nu ndime, kaa nu nqoyeel gore’aƭaru we.

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.