Hoose 7:8 - NQAARIIT NE ROOG

⁸ O Yaal oxe kaa tee: «Efrayim a jaxasoora fo qeet lakas ke, a ref nen o gaf o gaajaaju.

Hoose 7:8 Referans Kwoze

A kim a tedu ke 106:35

Kaa mbogat fo qeet lakas ke soo a aqatoox o mbaax den.

Esdaraas 9:12

Yaaga boog, ba nu ci xa ƥiy xa koor axe den xa ƥiy xa tew axe nuun too ba nu ngilgan xa ƥiy xa koor axe nuun xa ƥiy xa tew axe den. Ba a ƭat nuun a yong muk na baneex den fo ke faaxna na den. Neene, xan nu njeg doole, ñaamaa ke moƴna faax no saax le, nqaƴanin xa taan nuun nen lam boo kili.›

Malaki 2:11

Wiin we no maat ne Yudaa a ngore’aƭara, too cednooxu mayu a mbi’e kam Isra’el fa Yeerusaleem. Goor we Yudaa a ndolnira fo roog waa na mbaɗooxaa a roog fa lakas, too neene a tooña o mbiñ o tedu nqe o Yaal oxe a fexna.

Esdaraas 9:1

Yaa kaaga a faafna, kelfa ke a ngara me mi, a layaam ee: «Xeet fee Isra’el boo no saasadax we fo Leelewi we sax nqaajooree fo qeet lakas ke no saax le. Kaa laalaa a pi a cednooxu ke no Kaakanaan we, Heeheet we, Peeperisi we, Yeeyebus we, Aa-amon we, Moomowaab we, Miimisira we fo Aa-amori we.

1 Maad we 18:21

Maaga, Eliya a matiida xeet faa fop, a lay ee: «A mban nu mbaaskaa ceek-ceeknaa o mbiñ fo mbiñ? A soƥangaa yee o Yaal oxe refu Roog, mbaɗooxeenoo, ta soƥ koy ee Baal oo, mbaɗooxeenoo!» Kaa koy, o leng na xeet faa dooniran tig.

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

Hoose 9:3

Efrayim yoqkee kam saax le no Yaal oxe, ndaa xan a nomtoox Misira, a ñaam kam Asuur ñaamel qoolaƭaru.

Hoose 5:13

Efrayim a ga’a jir um, Yudaa a ga uut um. Efrayim a reta Asuur soo a lul wiin maa no maad o maak oxaaga, ndaa o maad oxeene waagkee o wodand a nuun mbaat ta jeg teex naa malna uut le nuun.

Hoose 5:7

A ngoda o Yaal oxe, yaam kaa ndim xa ƥiy no qooleer. Ndiiki koy, o nqool o leng soom xan a dey, ndax da saŋkel fo o jeg den fop.

Hoose 7:9

Wiin jan owe paangaa doole um, too andiran, xoox um le fuumaa, too ɗeetlooxiran