Hoose 7:7 - NQAARIIT NE ROOG

⁷ Den fop kaa sum jip nen o juɗand. Kaa listaa ɗooɗox we den, maad we den fop a yenaa, too o leng na den ƴufginooxiraam.

Hoose 7:7 Referans Kwoze

2 Maad we 15:30

Hoose fee o ƥiy Eela a hiɓana a Peqah fee o ƥiy Remaliya o ngir, a warin soo a jang maat naa. Keene kaa jopir’u fo hiid qarɓeen ƭikandeer ole no maat Yotaam fee o ƥiy Usiya kam Yudaa.

2 Maad we 15:25

Peqah fee o ƥiy Remaliya, too a reeƭu jawdiin Peqahiya, a hiɓanaan o ngir. A wartaan Samari na ndok-kam ale no mbind no maad ne, a war itam a Argob fa Ariye. Peqah kaa yoonit’u goor Gaagalaad qarɓeen ƥetik. Neene mat a wartu a Peqahiya soo a jang maat naa.

2 Maad we 15:14

Menahem fee o ƥiy Gaadi a inoora Tirsa, a gar Samari, a war a Saalum fee o ƥiy Yabes soo a jang maat naa.

2 Maad we 15:10

Saalum fee o ƥiy Yabes a hiɓanaan o ngir, a wartin Ible’aam soo a jang maat naa.

Hoose 8:4

Kaa ndalnaa maad, too asooxkiraam, a njilaa kelfa, too yegkinum. Kaa njalnaa pangool fo qaaliis ke den fa wurus fee den, a qicaa took den a saŋkax.

Hoose 7:10

O nga’atinax onqe Isra’el na seede’anaa a den. Keene xewna fop koy taxee da nomtooxiid me mi, mi o Yaal oxe Roog den, too mbaaƭiraam.

Esayi 64:7

Yaag oo toox de, o Yaal oxe, wo refu faap in. Kaa i ndef ƭok ke, soo o ref o maamax oxe. Wo maxu a in, in fop.

Esayi 43:22

O Yaal oxe kaa tee: «Wo Yakoob, ƴufginooxiraamo, nuun xeet fee Isra’el, nu nqijaniraam.

Esayi 9:13

Ten taxu o Yaal oxe a ɗega xoox le fo a las ale Isra’el, ngeec oo xeet oo, no ñaal leng kut.

Ke bindeena no xe ne’eena YOB 36:13

Gimaƭaru we o mat kaa ndamaa fuux den. Naangee o ƈufginooxaa a Roog, yaa ta jengna a den sax.

Hoose 7:14

Ƈufginooxiraam fo a qeeñ den fop, yaa da ƭomatooxaa took cong den. Kaa ñaasooxaa, yaa da nqeɗaxam bele fa biiñ soo a ngoƭaam.

Hoose 5:15

Xam naag col, ret, nomtoox no ngenand es, boo yaa da njaɓkaa yee den tooñu soo a mbaaƭaxam. Kam naqad fee xan a ƈufginooxaxam ee:

Dañel 9:13

Ne keene a bindteena no kebil ke Moyiis, taamaala keene fop a ndala a in, ndaa taxee i njeem o mandaxin xeeñ of, wo o Yaal oxe Roog in, mbañatong o tooñ soo ndeef o bug of.

Heseki’el 22:30

Waaƭaam a ndeer den o koor oxaa maxanna a den saŋe, a geenoox mbaambir es no gur ole, a farit saax le, ndax gefkinum, ndaa koy ga’iim.

2 Maad we 10:14

Yehu a dalfooxa o lay ee: «Ndamyo a den, da ñoowaa!» Yoon we ten a ndama a den, da ñoowaa, soo a nqirsit a den paam a ngas alaa Bet-Eqed. Wiin waaga a ndeeƭa goor qarɓeen nahik fo goor ɗik, too o leng na den daɗ’ee.

2 Maad we 10:7

Ye aa-adax waaga a ndaawna o leetar olaaga, a ndalfooxa o nqoy xa taan qarɓeen ɓetuu ƭik axe no maad oxe, a mbar a den soo a mbokat a qoox ake den kam a cenjel, a lulit a den Yisre’el maa Yehu.

2 Maad we 9:33

Yehu a laya a den ee: «Njolniideenoo!» Maaga, a njolnitiida a Isebel no falangteer olaa, fo’oy le ten a sil no saŋe ne fo no pis ke, da nduutin.

2 Maad we 9:24

Yehu a kafa a qali le ten, a dalfoox o xaƴ a kas. A diba a Yoraam ndeer a kand ake boo ta daaw xeeñ le, soo ta lup xoox kam a sareet-xire le ten.

1 Maad we 16:18

Ye Simri a ga’na yee teeru fee a jaɓe, a roka na ndok-kam ale no mbind no maad ne soo a heƥandin. Naaga, a xona no dox olaaga.

1 Maad we 16:22

A qaaj ale Omri koy, moƴ’u o jeg a lakas ale doole. Tibni a xona, soo Omri a maadoox.

1 Maad we 15:28

Baasa a waraan no hiid o dadkandeer ole no maat Aasa kam Yudaa, soo a jang maat naa.

Hoose 13:10

Taa o maad of boog? Fat a muclong kam teeru ke wo fop! Taa haahate of we lay’oona yee: ‹Cooxaam o maad fo gelwaar?›

Mise 2:1

Sabab took no we na yuuɓaa paaxeer, a ƭaapaa njofaƭar, yaa da mbondooxna o yeng sax! Njeeƈ ne xaa wataa, da mbadnin, yaam a mbaagin.

A kim a tedu ke 14:4

Weene fop na mbi’aa cofaƭaru njegee o and o leng, den we na listaa xeet es ne mbuuru a listiteel too ƈufginooxkee o Yaal oxe muk.

Esayi 64:4

Kaa o xetiidaa fo we na mbi’aa cofu, a mbi’tan o ɗaay, too a mbetandooxang, yaa da ñaaƴaa na ƭat of. Kaa koy, fuuxaa, yaam ne i mbakaadna. Neene a refu yaaga boo fa ndiik. O koo, an na mucilkaa a in?

Esayi 64:6

Jegatee o leng oxaa na ƴufginooraa gon of mbaat oxaa yokooxna no damoox na wo, yaam kaa o sing a in mukit of soo xaƴ a in i mudaa na saŋkax yaam tooñ in.