Hoose 7:5 - NQAARIIT NE ROOG

⁵ No ndoofeen ne no maad oxe in, kelfa ke kaa njiraa yaam a sumaan ale na biiñ fee, o maad oxe a fi’in boo a cooxaa xaaxaadnax we o ɓay.

Hoose 7:5 Referans Kwoze

Esayi 28:1

Sabab took teeru fee refna o ndip o nga’atinoor onqe no yeeyer say we Efrayim, a ref mbiɗ leeƥu ne o mosel um a jegeerna sen, a fod took a yulanq a caɓu taxar ale no we a yer biiñ a adinna.

Efees 5:18

Ba nu mbayaa fa biiñ, yaam o luubax soom a ɓekkaa a nuun, ndaa mayyo fo Yiif Tedu le.

Mark 6:21

Maaga, Herojas a jegata o wooƥ olaa ta warnooritna a Saŋ, a jopir Herood a roofandaa bes fee no rimel um. A xoya we mbogna no maat ne ten fo aa-adax we no xiixire we fo wiin maak we Galile fop, ndax ta fi’an a den a put a maak.

Mace 14:6

Kaa koy, yaa da ndoofandaa bes faa no rimel olaa Herood, o ƥiy o ndew onqe Herojas a feca ndeer o lang olaa, too a fel’a a Herood lool.

Dañel 5:23

Kaa o inooxan o Yaal oxe refna na asamaan boo simit o ɓisaniidel a tokol a tedu ke inoorna no Mbind um, nu yertaa a den biiñ, wo fo wiin maak we wo fo rew we wo fo keƈ-a-salma ke wo, doon teen simataa roog ke mbi’teena xaaliis, wurus, xanjar, njelem, a teex fo a ƥil, roog puulu keene naangeerna o nanaa too andee tus, soo fañ o ɓoxot o ndam a Roog fee saqna o ñis of, a gayaa a pi of fop.

Xa peƭit axe 20:1

Biiñ kaa ɓekaa o kiin no nqaadnax, a yer a qaaɗu a riñan no may fa lay. Oxe da adinna jegee yiif.

Xa peƭit axe 13:20

Oxe na yoonaa fo jegu yiif we kaa jegaa o and, oxe na nakraa fo panxoy ke mat malkiran.

A kim a tedu ke 69:12

Kaam deroox o saaku, soo da mbi’in a kim.

A kim a tedu ke 1:1

Ndaw o ɗaay no xe reefkeerna xa as no soxodu we too laalkee baabakaad we, nqel um ta riƈatin xaaxaadnax we,

1 Maad we 13:4

Ye Yerobowam a nanna fa lay fee o kiin Roog oxe a falaloox’ina o sadaxand ole Betel, a letnita o ɓay um took o sadaxand ole ta reeƭna, a lay ee: «Ndameenoo!» Maaga, o ɓay ole Yerobowam a letin’ina farna fo ten a dalfooxa o xar boo waagatiran o nomtiid.

Mberaand 40:20

No ñaal ndadkandeer naa, a jopir Firawon fee a roofandaa bes fee no rimel um, a fi’ana jaajal we ten fop a put, a xoyin oxe topatooxoogna a yer ale fo xe juɗoogna puuru ke mbaambir dag we ten.

Esayi 28:14

Ten taxu, nan-gilooxyo fa lay fee no Yaal oxe, nuun xaaxaadnax we, nuun ɗooɗox we na xeet fene ngenna Yeerusaleem.

Hoose 7:3

Kaa da ƭaaynoortaa o maad oxe o ƴiƴ den, soo gelwaar we, da mbelakintaa a den naanaxir den.