Hoose 7:2 - NQAARIIT NE ROOG

² Layee taa kam den ee wetandooxaam kañaan den. Ndiiki koy, a pi den kaa mbid a den, a ndef mbaambir es.

Hoose 7:2 Referans Kwoze

YEGIL MBAAX NE YEESU ne Lik a bindtuuna 12:2

Ke singeena fop xan a singtel soo ke ɗasneena fop a ñuqtel.

A kim a tedu ke 90:8

Dara kunpa’irang no njofaƭar in, tooñ ke i ƭasnaa sax kaa naang dañ na kid of.

Amos 8:7

Ten taxu o Yaal oxe a daaɓoorit a xoox um ee: «Weeckiim a leng na pi ake den.

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

Hoose 9:9

Nu njimbooxa no laawax nen ñaal kaa Gibe’a. O Yaal oxe weecee tooñ nuun too xan a xaw pakaad nuun.»

Yeremi 32:19

Yuuƥ ke wo kaa magin, a pi of a njeg katil. A kid of kaa ngaan na ƭat no wiin we fop, ndax o dakin oxuu refna a pesoorooƭ um, reefandin no ke a pi um a njagitna.

Yeremi 16:17

Yaam a kid es kaa naang jak na pesoorooƭ den, laqooxiraam, too tooñ den kunpa’iraam.

Yeremi 4:18

A pesoorooƭ of fo a pi of ngaru fo ke daloonga, wo Yeerusaleem. Kaa ref o rim ole no kañaan of. A woora yee kaa xaaɗ xut, too a roka boo kam xeeñ of.»

Esayi 5:12

Fo nqilimb fo a tiiti fo a ñal fo a liit na njibaa me da yertaa, ndaa a ƭat den yongee na pi no Yaal oxe, too nga’ee ke xa ƥay um a njalaa.

A kim a tedu ke 25:7

Ba o wetandoox pakaad ke no ndeƥandoong es, too ba o damtaam tooñ es. Ɗeettaam o mbeq of, wo fee faaxna, wo o Yaal oxe.

A kim a tedu ke 9:16

Qeet ke a njimbooxa kam gamb le da ngasna, o jaf den a lok no mbaal ne da mbogtoogna.

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Esayi 1:3

Nqoox a anda o yaal um, too o faam a anda me o yaal um a yipanan ñaamel, ndaa Isra’el o mat andee dara, xeet es njegee yiif.»

A kim a tedu ke 50:22

Nuun we na njuumaarooxaxam, mi fee Roog nuun, andyo a paax ke layuuma. Nu mbi’angiran, xam lisit a nuun, too o leng waagkee o mucil a nuun.

Ke bindeena no xe ne’eena YOB 34:21

Roog kaa gayaa a pesoorooƭ no kiin, a doon a kid um muu ta dakaa.

A cangatin ale 32:29

A jeg’angaa yiif, a andkooga keene, a ga ke na dalkan.

A lim ale 32:23

Kaa koy, nu mbi’angee neene, xan nu mbakaad no Yaal oxe, too xan nu nga’in, fat nu andin a paax.

Esayi 44:19

O leng na den jegee xalaat, o leng na den jegee o and mbaat yiif laa ta layitna yee: «Doxaam genwal fee na ting akeene, juɗit na kaagaañ ake mbuuru es, soo juɗit teen a tegeƴ ake um ñaamaa. Ke um fi’aa na genwal fa lakas fee cednooxu yoo. Mbaambir cat a teex soom um gungaa.»

Esayi 26:16

O Yaal oxe, ye i ndeeƭna no njaaxɗataand, i mbaaƭoogaang. I ƈufginooxaang na qeƭ, ye a qaw ale wo a dalna took in.

Yeremi 17:1

O Yaal oxe kaa tee: «Bakaad fee no we ngenna Yudaa kaa bindtel pindir njelem, a tufir jamaa. Kaa miimel na patax ale na qeeñ den fo took xa can axe na xa sadaxand axe den.

Yeremi 44:21

«Cuuraay fee nu ndoxna kam teeru ke Yudaa fo no ped ke Yeerusaleem, nuun fo daan nuun, maad nuun, kelfa nuun fa xeet fee fop, ndax o Yaal oxe wetandooxiran, ndax damiran no xeeñ um?

Hoose 4:9

Ke na dalkaa saasadax we na dalkaa dal a xeet fee. Xam inooxan a den yaam a pesoorooƭ den soo rabid a den a pi den.

Hoose 9:15

«Kañaan den fop a feeñta Gilgal. Maaga o mat sibditum a den. Xam raxit a den no saax es yaam a pi a paaxeer ake den. Fexkatiim a den, yaam kelfa ke den fop faafañ a ndefu.

Hoose 12:2

Efrayim xa koɓong a reefaa, a daabaa nqeñ ne no batand. Ñaal oo ñaal kaa mayƭandaa xa maaƥ axe fo a pi a yednu ke. Kaa dalnaa ngiɓoor fa Asuur, soo diwliin a ɓiseel Misira.»

Yoona 1:2

«Inooxi, ret Niniif, na teeru fa maak faa, too maƭooxin, yaam kañaan um a fadiida boo me mi.»

A kim a tedu ke 10:11

O soxodu xe kaa layaa no xeeñ um ee: «A ƭat Roog yongee teen. Kaa sing mukit um too naagee ga’aa dara.»

Heseki’el 21:29

Ten taxu keeke o Yaal oxe na refkaa boo faw a layu: Feek nu mbetandta boom le nuun, ngulit tooñ nuun, mbeeñil nañ pakaad nuun kam a pi ake nuun fop, feek nu mbetandooxe, xan nu naangel nuus no ɓay.

Hoose 6:2

Cinj ñaal ƭik, xan a dakin a in no ñoow ole, no ñaal ndadkandeer naa, xan a inatin a in, too xan i ñoow mbaambir um.