Hoose 7:16 - NQAARIIT NE ROOG

¹⁶ Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»

Hoose 7:16 Referans Kwoze

Hoose 9:3

Efrayim yoqkee kam saax le no Yaal oxe, ndaa xan a nomtoox Misira, a ñaam kam Asuur ñaamel qoolaƭaru.

A kim a tedu ke 78:57

A nqaƴaan, a ndef hoohod nen daan den, taatas yaakaar nen a qali laa o ƥaak ole a yandna.

Heseki’el 23:32

Keeke o Yaal oxe na refkaa boo faw a layu: Xan o yer o feeƭ ole no maag of o tew, o feeƭ o xooɗu too a yaaj. Xan o ref calat fo qaadnooxel, yaam kaa mayƭandel tem.

A kim a tedu ke 73:9

Kaa mbaxnaa a Roog xa ñuxur, too ɗelem den hendkee o leng no lanq ke.

Hoose 9:6

Yaa nu sutooxkaa saax le nuun raadna, Misira xan a dalin a nuun, soo poy ke Memfiis a ñaam a nuun. Kiƈ ke xan a njaɓ kalal xaaliis fa nqoolu ke nuun, soo qooc ke a sulit kam ƭiif ke nuun.

A kim a tedu ke 12:4

Yaasam o Yaal oxe a xuuf a ƭelem a ceyir ake fop fo ɗelem luu na magnandooxaa na fa lay.

Mbeeñil 13:5

Ɓaanoor koy, a ci’e o lay a ƭelem a ñexetu, ndax ta wentin a Roog. A ci’e sañ-sañ feene boo a qool qarɓeen nahik fo a qool a ƭak.

2 Piyeer 2:8

O koor o cofu xeene kaa ñoowoogu a ndeer den. Ñaal nuu refna kaa ga’oogu paaxeer ke da mbi’oogna, a nanaa a ƭelem a paaxeer ake den itam. Keene koy a ɗomaan lool, yaam kaa jof’u.

Saak 3:5

Neene a nandu no ɗelem: Ke ta neewna fop oo, a jega doole lool. Ƭeetyo o meldaand, ne ta neewitna rek! Kaa koy, a waaga o dox a koƥ a muum.

YEGIL MBAAX NE YEESU ne Lik a bindtuuna 8:13

Ax ke samna no ƭeŋkeleer ne tektu wiin we andoona yee kaa nan fa lay fee, a njaɓin ndak fo ndak fo o ɗaay, ndaa koy njegee a paƴ na den sax sax. A pe a leng-leng soom a ngimaa, ndaa ƭeetlax ke a ngarangaa, kaa ndalfooxaa o mbes o ngim onqe a cinj.

Mace 12:36

Mexe layaa a nuun ee: Na bes faa no nqel maak naa, xan wiin we a njangtoox a Roog fa lay fa njegee xoox fuu da mosna o lay.

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Hoose 7:13

Sabab took den, yaam kaa ƈuf, a ngoƭaam! Fat da mbes a pec, yaam kaa siiknoor fa mi! Ndax kaa da mboog ee xam wat a den, mi fee da maaɓanaa?

Hoose 6:4

Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

Heseki’el 36:20

A mbadiida me no qeet ke da njofoogna too a maasanda gon tedu le mi boo a tax ta layoogel na den ee: ‹Xeet fee no Yaal oxe yoo, no saax um a sutooru.›

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Yeremi 3:10

Cinj kaaga fop sax, o pog um o tew Yudaa fa ngore’aƭaru fee nomtooxiidee me mi fo xeeñ um fop, ndaa no cat ɗelem soom.» O Yaal oxe layun.

Esayi 3:8

Yeerusaleem oxe gefaa tuƈ, soo Yudaa a naag junjang a lanq, yaam xa ƭelem den fo a pi den kaa njuumoor fo o Yaal oxe, da mbañ o magnel ole no ndam onqe ten.

A kim a tedu ke 78:37

A qeeñ den ndamoox’ee no ten, da ngore’aƭar no ngiɓoor ne ten.

A kim a tedu ke 57:4

Yaasam ta heblantiidaam na asamaan oxaa muclaxama, a sednoor we na ŋaalooxanaxam! A maaf Yaasam Roog a hebliid o mbeq um fo ngor um!

A kim a tedu ke 52:2

Kaa naxooxaa ngenar ne Doweg, o Ee-edoom oxe, ye oxeene a hoƥattiidna me Sawul ee Dawid kaa ret’u maa Ahimelek.

A kim a tedu ke 12:3

Oxuu refna kaa naxaa o kend um, a saq a ƭelem a ceyir, a yoonaa fo guuɗ, a gat fo felaan.

A kim a tedu ke 17:10

Dara yuɗee a den, da laytaa o nga’atinax.

Dañel 7:25

Xan a lay paaxeer no xe Took-ee-took, a toroxand tedu we ten, a fexey o supit a pe ake fo kebil ke, too xan tedu we a ƥoxotel na xa ƥay um boo xa kiid xa tadaq fa genwal.

Hoose 11:5

Nomtooxkeeyo no saax laa Misira, ndaa Asuur xan a maadoox took den, yaam kaa da mbañ o nomtooxiid me mi.

Malaki 3:13

O Yaal oxe kaa tee: Kaa nu layaxam xa ƭelem xa ñexetu soo laamtaa yee: «Xar i layong?»

Malaki 3:14

Kaa nu layaa yee: «O faɗoox a Roog kasaara yoo. Kaa i ndeefaa bargal ke ten, ñaaƴaa fa naqad mbaambir no Yaal oxe Hupna fop, ndaa jiriiñee a in dara.

A kim a tedu ke 12:5

Wiin weene kaa layaa yee: «Ɗelem in refu doole in. I mbaaga fa lay tigi, an na refkaa o yaal in?»

Yeremi 42:18

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Hoose 9:4

Ƥoxotkatee o Yaal oxe sadax biiñ, too ƥoxotkatiran sadax lakas. Ten taxu ñaamel den xan a nand nen ñaamel o xaaraand. Fop we na ñaamkan xan a nqoolaƭar, yaam kaa mboolaa a ñaamin took o ñak o waag o ɓisiid kam Mbind ne no Yaal oxe ke eetna o foor no saxade le den.