Hoose 7:13 - NQAARIIT NE ROOG

¹³ Sabab took den, yaam kaa ƈuf, a ngoƭaam! Fat da mbes a pec, yaam kaa siiknoor fa mi! Ndax kaa da mboog ee xam wat a den, mi fee da maaɓanaa?

Hoose 7:13 Referans Kwoze

Hoose 9:12

A yarangaa xa ƥiy den sax, xam ñaknoor a den weene boo o leng yoqkee. Sabab took den, yaa um waaskaa a den pelek!

Mbeeñil 8:13

Ga’aam too nanaam a canjiik alaa na yetaa na asamaan, a layaa a maak ee: «Sabab! Sabab! Ndaw sabab took we ngenna no lanq ke yaa a luuƥ ake no malaaka tadik lakas ke a njibkaa!»

1Saŋ 1:10

Boo i layna yee i naangee o mbakaadaa, kaa i maaɓnan, too fa lay um refee na in.

Mace 23:37

«Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokatta xa ñeek um yoora a nafir um, too nu mbañ!

Mise 6:4

Mee ndax mi suttong no saax laa Misira, watong no mbaƭ ne reeƭoona soo heblanong a Moyiis fa Aaroon fa Miryam, da adooxanong.

Yoona 1:10

Cinj kaaga, Yoona a yegna a den ke xew’ina fo ten. Maamaag we a ndiid’a lool, yaam a and’a yee Yoona kaa ƴufaa mbaambir no Yaal oxe, too a laya a Yoona yee: «Ndi xar taxu o fi keene?

Yoona 1:3

Kaa koy, Yoona a inooxa ndax ta ƴuf Tarsis maa goƭna o Yaal oxe. A reta Yope, too a soƥa maaga a kaal alaa retoogna Tarsis. A rabda njootin ne, a rok na kaal ale, ndax ta yoon fo we ndetoogna Tarsis, maa goƭna o Yaal oxe.

Hoose 11:2

Kaa koy, lakas a nqoyaan, ta fesaam ndiiñ, a ɓoxotaa a Baaliin sadax, a doxanaa nitaal roog ke cuuraay.

Hoose 9:17

«Roog es xan a deɓ a den, yaam nan-gilooxiran, too xan a njoqooyooxaa a ndeer qeet lakas ke.»

Hoose 7:3

Kaa da ƭaaynoortaa o maad oxe o ƴiƴ den, soo gelwaar we, da mbelakintaa a den naanaxir den.

Hoose 7:1

wodand a Isra’el, tooñ ne Efrayim fo a pi a paaxeer ake Samari xan a mbeej. Kaa da maaɓaa, guuɗ we a ndokaa no pind ke, soo a yaj no yaayaq a pasaroor tafil.

Heseki’el 34:6

Paal ke mi we njoqooyooxaa took xa coong axe fop fo took a ñaang a ciig ake fop. Paal ke mi a pasarooxa kam saax le fop, o leng topatooxee a den, o leng waaƭee a den.

Heseki’el 18:25

Kaa nu layaa yee: ‹A ƭat ale no Yaal oxe jofee.› Nuun mbind Isra’el, nan-gilooxyo boog: Ndax a ƭat es jofeeru, ndi ake nuun njofeeru?

Heseki’el 18:2

«Xar taxu nu layaa o feƭit olene no saax le Isra’el: ‹Paap ke a ñaama a koƥ xa biiñ, ndaa xa ƥiy axe a ñiiñ ake a suumu.›

Heseki’el 16:23

A cinj a pi kañaan ake wo fop, sabab, sabab took of! Mi o Yaal oxe na refkaa boo faw layun.

A ƭomatax ake 5:16

O ndip onqe no xoox in a yena! Sabab took in, yaam i mbakaada!

Yeremi 42:20

A qoox nuun nu naxaa, ye nu lulaxama maa no Yaal oxe Roog nuun, lay ee: ‹Xeɗooxani a in o Yaal oxe Roog in, too fop ke o Yaal oxe Roog in a laykaa, feeñleen a in, too xan i mbi’in.›

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Esayi 63:8

Kaa lay’u yee: «No ndigil den ndefu xeet es, kaa ndef na mi xa ƥiy axaa ngodkeeraxama.» Ten oo a reeƭata o Muumucil den.

Esayi 59:13

O Yaal oxe, kaa i nanaƭaranong, nqañong soo mbañong o ndeef, wo Roog in. Ñagadil rek i laytaa mbaat naa i siiknooritna. Ke refna na qeeñ in fo ke i njegna na yiif in xa maaƥ xa ƥor oo.

Esayi 43:1

Ndiiki koy, wo Yakoob, keeke o Yaal oxe sakoonga a layu. Wo Isra’el, oxe bindoonga kaa tee: «Ba o saɗar dara, yaam wataaxoong. Kaam xoyong no gon of, jegatong!

Esayi 41:14

O Yaal oxe kaa tee: «Ba o saɗar dara, wo Yakoob fee na xalaataa yee refiro tus, wo yoqatin fooreer le Isra’el, yaam mi na ƴufgang, mi o Tedu xe Isra’el na watkang.

Esayi 31:1

Sabab took no we na ƈufanaa Misira, ndax da ƈufginook maaga, a ngaɗ mbir den no pis soo a ngooloox a sareet-xire ke yaam o mayel den fo ŋaaŋaay say we, yaam ne da njegna doole, a mbañ o mbiƈaqiloox o Tedu xe Isra’el, mbaaƭee o Yaal oxe.

A kim a tedu ke 106:10

A mucla a den no we sib’ina a den, a suqit a den no ɓay no pañ oxe.

Ke bindeena no xe ne’eena YOB 22:17

Kaa layoogu a Roog ee: «O Cegu katil oxe, goƭi a in! Jeganiro in o njiriiñ!»

Nehemi 1:10

O Yaal oxe, dag of fa xeet of a ndefu waa wattoona katil fa maak fee wo fo o ɓay o jegu doole le wo.

A cangatin ale 15:15

Wetandooxi yee reeƭaa o paɗ kam saax laa Misira, too o Yaal oxe Roog of a watong. Ten taxu um cooxong kebil neene xaye.

Yeremi 7:15

Xam deɓ a nuun maa goƭaxama ne deɓtuuma fog we nuun fop, we mbaqaqoorna na carind ale Efrayim.»

Yeremi 51:9

Kaa layel ee: «I mbaadna a Babilon, ndaa wodee! Fat i mbaasin pelek, nqaad, oxuu refna no saax um, yaam a qaw um a daawka a asamaan, a yoɗoox boo na eel akaa.»

Mise 6:12

Wo Yeerusaleem, yaal kalal ke wo wiin fo’oy a ndefu, we ngenna me wo a layaa xa maaƥ xa ƥor, ɗelem den a ref naanaxir.

Esayi 30:1

O Yaal oxe kaa tee: «Sabab took xa ƥiy axe nananeerna! Kaa da yuuɓaa too mbokatkiraam teen soo a ndalnaa kiɓoor kaa njagooreerna fo Yiif es. Neene, kaa da cokrandaa bakaad took fa ngend um.

Esayi 30:2

Kaa ndetaa Misira, ndax da njaɓnook maa Firawon fee, a laqook no yook ne Misira, too asooxiraam.

Hoose 5:7

A ngoda o Yaal oxe, yaam kaa ndim xa ƥiy no qooleer. Ndiiki koy, o nqool o leng soom xan a dey, ndax da saŋkel fo o jeg den fop.