Hoose 7:12 - NQAARIIT NE ROOG

¹² Xam deɓ took den mbaal ne mi, yaa da ƈufaa, maafiid a den nen ndiiƭ. Xam xaw a den ne yegnit’anuuma no mbokatax ne den.

Hoose 7:12 Referans Kwoze

Heseki’el 12:13

Xam letin mbaal ne mi took um, too xan a damel no mbog ne mi. Xam ɓisin Babilon, saax le no Kaakalde we, ndaa taxkee ta doonin a ngid, too xan a xonit maaga.

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

Heseki’el 32:3

Keeke layum, mi o Yaal oxe na refkaa boo faw: Xam deɓ mbaal es took of kam mbokatoor no qeet mayu, too xan a qicong kam mbaal-ƭooq ne mi.

Heseki’el 17:20

Xam letin mbaal es took um, too xan a naagel nuus no mbog ne mi. Xam ɓisin Babilon, too maaga, xam layoor fo ten no ngore’aƭar ne ta fi’axama.

Yeremi 44:4

Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Yeremi 16:16

O Yaal oxe a laya yee: «Mexey luliidaa faafaal fagkatar, too xan a mbaal we pasarooxna. Cinj kaaga, xam luliid xaaxaƴlax fagkatar, too xan a nqawloox a den took xa coong axe fop, took a ñaang ake fop fo na semb ake na ƥil ake.

O baawaare xe 9:12

O kiin oxe andee waxtu um. Ne mbaal a bettaa liƥ fo ne mbog a bettaa ndiiƭ, neene fa nqon a bettaa o kiin, yaa ta yenna took um.

Ke bindeena no xe ne’eena YOB 19:6

fat nu and ee Roog tooñaxam, a monjaam no mbaal um.

Hoose 5:9

A qaw ale xan a dal took Efrayim, ta fes a pec. Keeke um yegnaa a carind ake Isra’el booru yoo.