Hoose 7:11 - NQAARIIT NE ROOG

¹¹ Efrayim kaa nand fo a nuukuur ale yooɓna naxel, a ñak-yiif. Kaa ƈufginooxaa a Misira, a ƈufan Asuur.

Hoose 7:11 Referans Kwoze

Hoose 12:1

O Yaal oxe kaa tee: «Efrayim kaa widaam fo xa maaƥ, mbind Isra’el a ndeeraam fo naanaxir ƥor, Yudaa a maad o siiknooraa fa mi, mi fee o Tedu xe gore’na.

Hoose 5:13

Efrayim a ga’a jir um, Yudaa a ga uut um. Efrayim a reta Asuur soo a lul wiin maa no maad o maak oxaaga, ndaa o maad oxeene waagkee o wodand a nuun mbaat ta jeg teex naa malna uut le nuun.

Hoose 11:11

Xan a inoortiid Misira nen tiiƭ, a ndaprapnaa, a inoortiid no saax laa Asuur nen a nuukuur. Xam nomtiid a den kam pind den. Mi o Yaal oxe layun.»

Hoose 4:11

Njaga ne fa biiñ fee kaa ngulmandaa.

Hoose 9:3

Efrayim yoqkee kam saax le no Yaal oxe, ndaa xan a nomtoox Misira, a ñaam kam Asuur ñaamel qoolaƭaru.

Hoose 14:3

Ƥonooxyo fa lay fa ndicoor too nomtooxiid me no Yaal oxe. Layeenoo yee: «Waasanti tooñ ke fop, dalin a in fa yirmande, too yaaga xan i simatang, ta ref nen sadax qoox in.

Yeremi 2:36

Xar o ñofandooxanaa boo suptaa a ƭat of? Xan Misira a sednoorong ne Asuur a sednoorit’oonga.

Yeremi 2:18

Ndiiki koy, xar a ɗaxu o retaa Misira, ndax o yerik no xuluɓ olaa Niil? Xar a ɗaxu o xotaa a ƭat ale Asuur, ndax o yerik no xuluɓ olaa Ofrat?

Xa peƭit axe 17:16

Xar xaaliis no ɓay fanxoy a ɗaxu? Ndax a jega yiif laa ta jiktituuna o jeg-yiif?

Xa peƭit axe 15:32

Oxe fa yar fee a haaleerna kaa xeefaa o ñoow um, oxe jaɓna soqel o mat a jegaa yiif.

Xa peƭit axe 6:32

Kaa koy, oxe seeqna fo o tew no lakas kaa raƥ yiif. Oxe bugna o saŋkoox doŋ na fesooraa neene.

2 Maad we 15:19

Tiglat-Pileseer fee o maad oxe Asuur a roka no fiisel ole Isra’el. Maaga, Menahem a cooxaan ngap parig teemeed tadik fo parig qarɓeen nahik xaaliis fa nqoolu, ndax oxeene a dimle’in bo ta saƭkand maat um.

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Hoose 5:4

A pi den kaa yaqanaa a den o nomtooxiid me Roog den, yaam njaga kaa adin a den, too andee o Yaal oxe.

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Hoose 9:6

Yaa nu sutooxkaa saax le nuun raadna, Misira xan a dalin a nuun, soo poy ke Memfiis a ñaam a nuun. Kiƈ ke xan a njaɓ kalal xaaliis fa nqoolu ke nuun, soo qooc ke a sulit kam ƭiif ke nuun.

2 Maad we 16:7

Ahas a dalfooxa o lul wiin maa Tiglat-Pileseer fee o maad oxe Asuur ee: «Kaam ref o tag of fo nen o ƥeef. Gari muclaam na xa ƥay no maad oxe Araam fo o maad oxe Isra’el songiidaxama.»

Hoose 12:2

Efrayim xa koɓong a reefaa, a daabaa nqeñ ne no batand. Ñaal oo ñaal kaa mayƭandaa xa maaƥ axe fo a pi a yednu ke. Kaa dalnaa ngiɓoor fa Asuur, soo diwliin a ɓiseel Misira.»

Abjaas 1:7

We fogtoona hiɓ xan a ngodong, a ndaxtong no fiisel of, qaariit of a ndal took of. We o reertaa o roon xan a mbooƴong, a ndamtin ee: ‹Taa o ƴiƴ ole ten?›