Hoose 7:1 - NQAARIIT NE ROOG

¹ wodand a Isra’el, tooñ ne Efrayim fo a pi a paaxeer ake Samari xan a mbeej. Kaa da maaɓaa, guuɗ we a ndokaa no pind ke, soo a yaj no yaayaq a pasaroor tafil.

Hoose 7:1 Referans Kwoze

Hoose 7:13

Sabab took den, yaam kaa ƈuf, a ngoƭaam! Fat da mbes a pec, yaam kaa siiknoor fa mi! Ndax kaa da mboog ee xam wat a den, mi fee da maaɓanaa?

Hoose 6:4

Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

YEGIL MBAAX NE YEESU ne Lik a bindtuuna 19:42

«Wo itam, boo waag’oona o and xaye ke waagoonga o ci jam! Kaa koy, ndiiki kaa mo a kid of.

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

YEGIL MBAAX NE YEESU ne Lik a bindtuuna 13:34

Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokattaa xa ñeek um yoora a nafir um, too nu mbañ!

Mace 23:37

«Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokatta xa ñeek um yoora a nafir um, too nu mbañ!

Mise 6:16

Kaa nu ndeefaa o jaf Omri, laalaa a pesoorooƭ ake Ahab fee o ƥeem fo xa taan um fop, ndeefaa xa as den. Ten taxu xam ɓoxot teeru fee nuun, ta gefel, soo nuun we ngenna teen, um fi a nuun calat. Xan nu nqeefel a ndeer qeet ke fop.»

Amos 8:14

yaam kaa ndaaɓoortaa bakaad fee Samari yee: ‹Ndeer es fo xe na faɗooxeel Dan!› fo ‹Ndeer es fo o Cegu doole xe Beer-Seeba!› Ten taxu xan da yen, too inooxkatee muk.»

Hoose 10:5

We ngenna Samari xan a njaq yaam o nqeel wurus onqe Bet-Awen. Xeet fee xan a ñaawoox mbangool neene, soo saasadax we ten a sendaa yaam ten, no ndam onqe ten na ñufkaa a ndeer den.

Hoose 8:9

Isra’el kaa ƴufanaa Asuur nen o faam-a-koƥ olaa berooxna, Efrayim a jiktaa mbugir ne neexil.

Hoose 8:5

Nuun Saasamari we, ndeɓ o nqeel wurus onqe moƴ’u na nuun. Fuux es a biltooxana a nuun. Kaa nu nqoolaƭarkaa boo a mban?

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Hoose 4:17

Efrayim a hiɓoora fo pangool ke. Xaƴeen!

Heseki’el 23:4

Taaw fee Ohola a ne’e, o ndeɓ um a ne’el Oholiba. Mi jeg’u a den. A ndima xa ƥiy xa koor fo xa tew. Ohola refu Samari, soo Oholiba a ref Yeerusaleem.

Heseki’el 16:46

O maag of o tew oxe gartoonga no ɓemb-roog o janoon refu Samari fo xa ƥeem xa tew, soo o ndeɓ of o ndew onqe gartoonga no ɓemb-roog o ñamaak a ref a Sodoom fo xa ƥeem xa tew.

Yeremi 51:9

Kaa layel ee: «I mbaadna a Babilon, ndaa wodee! Fat i mbaasin pelek, nqaad, oxuu refna no saax um, yaam a qaw um a daawka a asamaan, a yoɗoox boo na eel akaa.»

Esayi 59:12

Kaa i nanaƭaranong a caf a mayu. Tooñ ke in kaa njambaa a in, pakaad in a nqox na yiif in, too i anddilooxata tooñ ke in.

Esayi 28:1

Sabab took teeru fee refna o ndip o nga’atinoor onqe no yeeyer say we Efrayim, a ref mbiɗ leeƥu ne o mosel um a jegeerna sen, a fod took a yulanq a caɓu taxar ale no we a yer biiñ a adinna.

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Esayi 59:13

O Yaal oxe, kaa i nanaƭaranong, nqañong soo mbañong o ndeef, wo Roog in. Ñagadil rek i laytaa mbaat naa i siiknooritna. Ke refna na qeeñ in fo ke i njegna na yiif in xa maaƥ xa ƥor oo.

Esayi 59:14

Neene, a ƭat a goƭa meen, too o cofel waagaand o daaw. Ndigil ne kaa tolofaa na baayo faa, too o woor ole jegee meen a seek.

Hoose 12:1

O Yaal oxe kaa tee: «Efrayim kaa widaam fo xa maaƥ, mbind Isra’el a ndeeraam fo naanaxir ƥor, Yudaa a maad o siiknooraa fa mi, mi fee o Tedu xe gore’na.

Hoose 12:2

Efrayim xa koɓong a reefaa, a daabaa nqeñ ne no batand. Ñaal oo ñaal kaa mayƭandaa xa maaƥ axe fo a pi a yednu ke. Kaa dalnaa ngiɓoor fa Asuur, soo diwliin a ɓiseel Misira.»

Amos 3:9

Mbalalooxyo kam pind no maad ke Asdod fo ke Misira, lay fop ee: «Ndetyo mbokatoor na xa coong axaa Samari, nga ritiɓ faa ta fi’na, ñagadil ke yee gañ a ndeer um.

Amos 3:10

We na njuumaa no pind mosu ke den kalal ke no we da mbarna fo kuuɗe, andee a pi o cofel. Mi o Yaal oxe layun.»