Hoose 6:9 - NQAARIIT NE ROOG

⁹ A yaj ale no saasadax we kaa nand fo saasaay kaa na ƥeedaa o kiin. Kaa mbaraa wiin we na ƭat ale Sikeem, ta ref tig cednooxu.

Hoose 6:9 Referans Kwoze

Hoose 7:1

wodand a Isra’el, tooñ ne Efrayim fo a pi a paaxeer ake Samari xan a mbeej. Kaa da maaɓaa, guuɗ we a ndokaa no pind ke, soo a yaj no yaayaq a pasaroor tafil.

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

YEGIL MBAAX NE YEESU ne Saŋ a bindtuuna 11:47

Maaga saasadax maak we fo Farisiya we a ndalfooxa o mbokat Mal maak ne den, a lay ee: «Xar i mbi’kaa ndiiki koy? O kiin oxeeke, oxe fi’aa xa anddiloor xa mayu de!

Mark 14:1

Xew fee na colandax ale fa fee no puuru canja’e ke ñaal ƭik soom a yoq’u. Saasadax maak we fo jaajangin we no kebil ke Moyiis kaa mbaaƭoogu maa da ndamitna a Yeesu no ƴiƴ, soo a mbarin.

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

Mise 3:9

Nuun kelfa ke no mbind Yakoob, nuun gelwaar we no mbind Isra’el, nan-gilooxyo kene: Kaa nu sib o cofel ole, ƭapaa fop ke refna a ƭat.

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

Heseki’el 22:9

A jega me wo jaajamb, ndax da ƥax fo’oy. Ñaamel ke ƥoxoteena pangool ke na ñaameel me wo, fo njombe a mbi’eel a ndeer of.

Yeremi 11:9

Cinj kaaga, o Yaal oxe a layaxam ee: «Wiin we Yudaa fo we ngenna Yeerusaleem a ngiɓa o ngir.

Esdaraas 8:31

I inoora no xuluɓ olaa Ahawa no ñaal xarɓaxay fo ñaal ƭikandeer ne no nqool o eetaand onqe, ndax i ndet Yeerusaleem. Roog in a reeƭa fa in too a guutatiranda a in fo fañ we fo pog ke na ƭat ale.

1 Maad we 12:25

Yerobowam a saƭkanda teeru fee Sikeem kam o jegel olaa na xa coong axaa Efrayim soo a gen maaga. Cinj kaaga, a inoora Sikeem soo a saƭkand teeru fee Penu’el.

A pi ake 4:24

Yaa da nanuuna, a nqeɗandoora a Roog a maak, too a lay ee: «O Yaal oxe, wo saku asamaan fee fo lanq ke fo o maag ole fo fop ke refna teen,

Heseki’el 22:25

Duleer we ten kaa ngukraa a ndeer um nen njogoy naa na ŋuuraa, a listaa mbuufuɗag um. Kaa da listaa wiin we, a njaɓaa kalal ke fo tig oo tig ke njegna o njiriiñ. A mayƭanda teen ñaaw we.

Heseki’el 23:27

Xam ñuf fo njombe ne wo fo njaga ne wo yaaga no saax laa Misira. Ɗeetkatiro farna fa den, too yiif of gomkatee a Misira.

Hoose 2:10

O tew oxeene and’ee yee mi cooxoogun bele fee fa biiñ fa nqas fee fa diwliin fee. Mi ci’’un xaaliis fee fa wurus fee, soo ta fi’tin xa taaƴ axe Baal.

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

Hoose 5:2

fo gamb xooɗu kam Sitiim. Kaa koy, mexe waajanaa a nuun a qaw, nuun fop.

Mberaand 12:6

Abram a xaaña saax le boo no mbiñ onqaa ne’eena Sikeem, a suur boo no ngariñ naa More. Na jamaane faaga Kaakanaan we no saax le a ngenoogu.

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.