Hoose 6:8 - NQAARIIT NE ROOG

⁸ Galaad teeru no fiifi paaxeer a refu, faa fo’oy a ɓaxeena teen.

Hoose 6:8 Referans Kwoze

Hoose 12:11

Daawnaam duleer we fa lay es, mayƭand peeñax es fa den. Na pexey duleer we, maƭoortaam a nuun a naxax.»

A pi ake 25:3

ndax ta lulit a Pool Yeerusaleem. Kaa yuuɓ’un, ndax a ndetangaa boo na ƭat a mbarin.

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

Yeremi 11:19

Mi, kaam nand’u nen o mbaal o yooɓu nqaa na ɓiseel no warand. And’iim muk ee mi a ngiɓanu o ngir, a layraa a ndeer den ee: «Fat i maaf ndaxar nquƥu sap ne, mbatnin no lanq ke no ñoow we, ndax gon um wetandooxkataand muk!»

Esayi 59:6

Ke da ndiwaa jaɓee rokooxel, o hulooxel ne’aand, yaam o njakad rek a oraa. Xa ƥay den njalkee jam muk.

A kim a tedu ke 59:2

Roog es, muclaam no fañ es, saytooxaam no we inooxanaxama.

A kim a tedu ke 10:8

Kaa fogooxaa paam caate ke, a waraa na pet oxe fi’eeruuna dara, a kid um a mbelaa o ñaatu xe.

1 Maad we 2:5

Andahinaa a paax ke Yowab fee o ƥiy no tew o ne’e Seruya a fi’axama, ye ta warna parɓa ƭik ke Isra’el ndefna Abineer fee o ƥiy Neer fa Amasa fee o ƥiy Yeter. Ye jam a refaa no saax le, a waru a den, a ɓax fo’oy den, a ɗuumin no kumnoor ndet um fo na xa ñaaƭ axe ta rokoox’ina.

2 Sami’el 20:8

Ye da ndefna paam ɓil maak laa refna Gibe’on, a nqeta fa Amasa. Yowab kaa rokoox’u tikoorik xire ke ten fo o kumnoor olaa saqna o xool fo laƥ um. Ye Yowab a ɓeraa garaa, laƥ ne a sama.

2 Sami’el 3:27

Ye Abineer a nomtooxiidna Hebron, Yowab a xoyaan da sayoox no don-maax ole na teeru fee, a fi nen oxaa bugna o waxtaan fo ten na pet. Maaga Yowab a dibtu a Abineer no fud. A waraan, yaam ne ta war’ina a Asa’el fee o ndeɓ um.

Yosuwe 21:38

No fiisel ole na carind ale Gaad a ndaawa kam o jegel ole Galaad a Ramot fee refna fa leng no teeru caɓnooxand ke, fogreerna fa Mahanayim,

A kim a tedu ke 141:4

Dami xeeñ es boo joobkiim no paaxeer, too ba um sooboox no kañaan fo we na mbi’aa njofaƭar. Koo ba um ñim sax no rox o felu den.

Hoose 12:12

Galaad njofaƭar doŋ a fofu, a ref o koohod. Kaa sadaxtaa qoox kam Gilgal. Ten taxu xa sadaxand axe den xan a ndefat nen a cuum a kac na cur ake na xa qol axe.