Sami’el a layaan ee: «Ndax sadax toxel ke fo sadax lakas ke o Yaal oxe a moƴu o bug ee o nanan fa lay um? Nanan ne moƴanun sadax ke, njaɓan ne a moƴanin neebam fee na suk paal ake.
O Yaal oxe kaa tee: «Soxla’iim sadax mayu ke nuun. Deyƭooxaam sik na suk paal ake nu ndoxaa fo na neebam fee no fo nqeel fo ngude ne. Fo’oy le no qoox ke, no fo mbaal ne fo na suk pambe ke feliraam dara.
Ba o ñofandoox fa lay of, too baa xeeñ of a tay o fi a tegit mbaambir Roog, yaam Roog oxaay na asamaan, soo o ref took lanq ke. Baa fa lay of a jaak boog,
Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.
Nuun Ii-isra’el we, nan-gilooxyo fa lay fee no Yaal oxe. O Yaal oxe a jega fa nuun layoor, yaam o damax fa yirmande fo o and a Roog njegee kam saax le.
Keeke refu koor ne buguuma: Ten refu yee o wokit we ngumteena ceen took o hup doole, ɗeg ŋaƭir ke no kadoor ke da ireena, we na toroxandeel, o fi da njeg a qoox den, ɓol kadoor ke fop.
A koom, xam dalnan a den ngiɓoor fo muumeen-a-koƥ ke fo tiiƭ ke fo ƥood ke no lanq ke. Xam ɓol kam saax le a qali le fo laƥ ne, ndax xire jibkatee, soo fi da ngen no yaadax.
Fex a Roog no xeeñ of fop fo na qalaat of fop fo na doole of fop, soo fex o kend of nen a xoox of moƴu yee o ɓoxotaa a Roog sadax fa ndoxel mbaat sadax kuu ndefna.»
Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.