Hoose 6:5 - NQAARIIT NE ROOG

⁵ Ten taxu um xawit a den duleer es, warit a den fa lay fee na hataa no don es. Hate es a naaga dañ nen a qoolaand,

Hoose 6:5 Referans Kwoze

Yeremi 23:29

Ndax fa lay es nandee nen fiɗel, nen o leede jegu doole laa na duguñaa ɓil le?»

Yeremi 1:10

Ɗeeti, mexe dalnang xaye took qeet ke fo maat ke, ndax o fuuraa soo maafaa, yaqaa soo baytaa, maxaa soo jimbaa.»

Yeremi 5:14

Ten taxu keeke o Yaal oxe Roog fee Hupna fop a layu: «Feek keene nu layaa, fa lay es fee um ɓekaa no don of, wo Yeremi, xan a refat fiɗel, soo xeet fene a ndef xa cuuƭ axaa fiɗel leene a raaɓkaa.

Hebre 4:12

Yaam fa lay fee Roog kaa ñoow too a saƭik. Ten moƴu o weel saamar. Kaa godaa boo a daaw me o laaw fo yiif a nqetna, a suur boo me a kiɓ cer fo yuur a nqetna. Kaa jaqtaa paax fo paaxeer na pug fo na qalaat no kiin.

O leetar ole Pool a bindna GIMU WE NGENNA ROM 2:5

Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.

Mbeeñil 9:21

Wiin weene koy, mbes’ee a cinj barir fo pan fo ceeq fo kuuƭ.

Mbeeñil 9:15

Maaga, malaaka nahik ke njagandan’eena waxtu feene fa bes feene fo o nqool onqeene fo o hiid oleene a mbokte, ndax da saŋik a qaaj a tadkandeer ale no wiin we.

Mbeeñil 2:16

Fesi pakaad of a cinj boog, mbaat xam yen took of ndiiki, too xam maafit wiin weene saamar fee na sutooraa no don es.›

Mbeeñil 1:16

Kaa deegoox’u xa qoor ɓetaa ƭaq na ñamaak um, saamar a sutoortaa no don um, mukit um a meleƈaa nen njeeƈ njoloor.

A pi ake 7:31

Moyiis a ga’a ke feeñooxuuna, too a bet’aan lool. Yaa ta matiidaa koy, ndax ta horooxin, a nana o ñuxur ole no Yaal oxe a layaa yee:

Sofoni 3:5

Yaag oo toox de, o Yaal oxe xey kam teeru fee den, a jof bo too fi’kee njofaƭar leng. Nqes nuu refna kaa ɗegaa hate um, too mosiran o ñak o fi. Yaqanee koy o soxodu xe naagee sedaa.

Heseki’el 43:3

Mbeeñil neene ga’uuma kaa nandtoogu ne ga’’uuma paam o xuluɓ olaa Kebaar ye ta garna ndax ta gef teeru fee. Maaga, yenaam, gung a lanq.

Heseki’el 3:9

Xam fi tagid of a saƭik nen jamaa, a moƴ o saƭik ɓil. Ba o saɗar a den boog too ba o send mbaambir den, ke da ndefna ndef xeet fa mbaafañ fop oo.»

Yeremi 13:13

Maaga, fat o lay a den ee: Keeke o Yaal oxe a layu: Nga’angyo, xam wayin nep fop we ngenna no saax lene, maad we moofna no uum-maamaad le Dawid, saasadax we, duleer we fo we ngenna Yeerusaleem.

Yeremi 1:18

Xaye, saƭkandaaxoong nen teeru fa njegu saŋe, nen a toodook njelem fo tabax nqanjar mbaambir saax le fop, ta ref maad we Yudaa, kelfa ke ten, saasadax we ten fa xeet fee no saax le.

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Esayi 11:4

O cofel rek a bugko hate’taa fo mboƭomsogor ne, soo rool we, ta ɓoxot a den wargal den. Fa lay um a faditkaa nen o loq o kiin balu-balu xe, too haaƭ um soom a saŋkitkaa o soxodu xe.

A kim a tedu ke 119:120

Cer es kaa sendaa, yaam o diidlandaam, um saɗar kate of.

A kim a tedu ke 37:6

Xan a feeñil o cofel of nen mbeet, wargal of nen njoloor o mbuc.

Ke bindeena no xe ne’eena YOB 34:10

Nuun yaal-o-and we, nan-gilooxaamoo boog! Saɗaand o lay muk ee Roog kaa fi’aa paaxeer, njofaƭar leng refee no Cegu katil oxe!

2 Caloori ke 21:12

Yehoram a daawa a pind no tuleer Eliya, akaa layuuna yee: «O Yaal oxe Roog fee no taan of Dawid kaa tee: ‹Ne reefeeroona o jaf faap of Yosafat fo o taan of Aasa fee reeƭna o maad Yudaa,

2 Maad we 1:16

A laya o maad oxe yee: «O Yaal oxe kaa tee: ‹Feek kaa o lul wiin, ndax o ɗeetnook maa Baal-Sebub, roog fee Ekron, nen kaa Roog faa waageena o laamit jegee kam Isra’el, ten taxu njong ne wondooxoona sax, fudooxkino, ndaa xan o xon faq.› »

1 Maad we 19:17

Oxe na daɗkaa laƥ ne Hasa’el, xan Yehu a warnoorin, too oxe na daɗkaa laƥ ne Yehu, xan Eliise a warnoorin.

1 Maad we 18:17

too ndak fo ndak, ye ta ga’uuna, a layaan ee: «Wo refu oxene na gartaa taamaala took xeet fee Isra’el!»

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

1 Maad we 14:6

Ye Ahiya a nanna a caf ake no tew oxe rokiidoogna, a layaan ee: «O tew oxe Yerobowam, rokiidi. Xar taxu o juumaarooxaxam? Kaa o fi’ooxaa o kiin o lakas! Yaag oo toox de, luleem me wo o nan o feƭaru.

1 Sami’el 15:22

Sami’el a layaan ee: «Ndax sadax toxel ke fo sadax lakas ke o Yaal oxe a moƴu o bug ee o nanan fa lay um? Nanan ne moƴanun sadax ke, njaɓan ne a moƴanin neebam fee na suk paal ake.

1 Sami’el 13:13

Sami’el a laya a Sawul ee: «Ke fi’oona ƭof oo! Nananiro kebil ne o Yaal oxe Roog of a cooxoonga. A reeƭangiran, o Yaal oxe geenooxkoogu maat of kam Isra’el boo kili!

Mberaand 18:25

Fi’kiro kaaga koy! Doonkiro o cofu xe leng kut ke doonoona o soxodu xe, soo warnoor o cofu xe fo o soxodu xe jaf leng. Wo fee na hate’aa we no lanq ke, ndax fesoorkiro fo o cofel?»

Efees 6:17

Njaɓyo a muc ale Roog, ta ref o maxanda xire nuun. Njaɓyo itam fa lay fee Roog, refna laƥ ne no Yiif le ten.

1 Sami’el 15:32

Cinj kaaga, Sami’el a laya yee: «Ƥisiidaamoo a Agag, o maad oxe no Aa-amalek we.» Agag kaa sendoogu, ye ta garaa me Sawul, a layaa yee: «Fa nqon daal felee.»

1 Sami’el 15:33

Sami’el a layaan ee: «Ne laƥ of a sambranditna rew fo xa ƥiy den, neene ya of a sambranditkeel itam fo o ƥeem.» A ɗega a Agag teɓ-reɓ mbaambir no Yaal oxe kam Gilgal.

Heseki’el 32:18

«Wo fee o ƥiy no kiin, feri a kim a mboy took wiin mayu we ngenna Misira, fudni a den, den fo qeet cegu doole ke kam jaaniif, da yoon fo we na mbudooxaa kam gamb le na saŋkax ale.

Ke bindeena no xe ne’eena YOB 15:30

Daɗkee fa nqon fee, xan ƈulfaan a dox saqit le ten, too xan buuƭ ne Roog a maƥin.

Heseki’el 11:4

Jo’tanaam a den, kaam ee wo fee o ƥiy no kiin, jo’tanaam.»