Hoose 6:4 - NQAARIIT NE ROOG

⁴ Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

Hoose 6:4 Referans Kwoze

Hoose 13:3

Ten taxu yoo xan a sooƴ nen eel nqes, nen a liim ale na yenaa no njeeƈ-tanqin, nen ñaax yelefu le na yetaa maa goƭna cukand ne, nen fo suun ole na sutooraa no bomb le.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Mace 13:21

Kaa koy, jegee a paƴ no ten sax sax, too jegee ndamlooxand itam. Neene, boo andoona yee o njaaxɗataan mbaat ñagadil a ngara yaam fa lay fee Roog, a naagaan o dalfooxaa o fes a cinj.

Yeremi 34:15

Nuun o mat, kaa nu eet o supit a pesoorooƭ, mbi kaa xotna a ƭat na kid es, ye oxuu refna na nuun a yegnitna a bat ale no kend um. Nu ngiɓoora teen sax fa mi kam Mbind ne kesaneema.

Yeremi 9:7

Ɗelem den a kas a baawar oo, naanaxir ƥor a layaa. Kaa salanaa o kend den jam, too yaaga fop oo mbog a ƭaapanun no xeeñ den.

Yeremi 5:23

Kaa koy, xeet fene kaa naɗoox too a ƥoow. Kaa mbesaam a cinj soo a nduux a koƥ.

Yeremi 5:9

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Yeremi 3:19

O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.

Yeremi 3:10

Cinj kaaga fop sax, o pog um o tew Yudaa fa ngore’aƭaru fee nomtooxiidee me mi fo xeeñ um fop, ndaa no cat ɗelem soom.» O Yaal oxe layun.

Hoose 7:1

wodand a Isra’el, tooñ ne Efrayim fo a pi a paaxeer ake Samari xan a mbeej. Kaa da maaɓaa, guuɗ we a ndokaa no pind ke, soo a yaj no yaayaq a pasaroor tafil.

Haahate we 3:12

Ii-isra’el we a mbi’ahina kaa faaxeerna na kid no Yaal oxe. Ten taxu o Yaal oxe a saƭkand a Eglon fee o maad Mowaab bo ta hupat Ii-isra’el we doole.