Hoose 6:3 - NQAARIIT NE ROOG

³ Fat i mbaaƭ maa i anditna o Yaal oxe, a kar um kaa woorit nen mbeet. Xan a gar na in nen mbuyaam, nen a teƥ ndiig ale na xuƥandaa lanq ke bo dee sap.»

Hoose 6:3 Referans Kwoze

Hoose 14:5

O Yaal oxe kaa tee: «Maaga, xam supit o ñak o damax den. Xam jegood na den o mbeq o saƭku, yaam fuux es na den a ɓoosa.

Yeremi 24:7

Xam ci a den yiif laa da anditna yee mi refu o Yaal oxe. Xan a ndef xeet es, soo um ref Roog den, yaam xan a nomtooxiid me mi fo a qeeñ den fop.

A kim a tedu ke 72:6

Xan a fudooxiid nen a teƥ alaa na yuuraa took o saawit o gube, nen mbuyaam naa na sooraa lanq ke.

Mbeeñil 22:16

«Mi Yeesu, mi lulu malaaka es, ndax ta yegin a nuun keene fop kam pokatax ke no gimu we. O ndaan Dawid refum fo o xoor o maak ole ne’eena o Mbuŋa.»

Mace 13:11

Yeesu a doona a den ee: «Kaa nu ci’el o and kunpa ke no Maat ne na asamaan, ndaa den o mat ci’aand o ten.

Sakari 10:1

Boo a sarandam a fadiidna, nqeɗyo o Yaal oxe a teƥ, too yaaga xan a hiiñ. Xan a deɓan a nuun boo a qaandiind ake a ndaxraa, oxuu refna, ta saxin o qol um.

2 Piyeer 1:19

Yaam keene, i moƴahina o ngim ke duleer we Roog a yegnit’ina. Nu mbaraan o ngorooxaa a paax, yaam kaa ref nen o lampa laa na kaƥaa kam o niɓaan, boo yaa Roog a feedna, o xoor o maak ole ne’eena o Mbuŋa a feeñ kam a qeeñ nuun.

YEGIL MBAAX NE YEESU ne Lik a bindtuuna 1:78

Roog in kaa may yirmande, too a lewet. Xan a feedin a in a muc ale,

Mise 4:2

Qeet mayu xan a inoox, a lay ee: «Ngaryo i ŋaay no joong ole no Yaal oxe, no Mbind ne na Roog fee Yakoob, ndax ta jangin a in a ƭat um, soo i ñaaƴ na qal um, yaam a cangin a tiindigil ale Siyoŋ a inooraa, fa lay fee no Yaal oxe a hatiidaa Yeerusaleem.»

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

Hoose 10:12

Layaam a den ee: ‹Nduufyo o cofel, too xan nu saxad o mbeq. Mbigooxanyo a qoox nuun o qol o qas! O waaƭaam a fada, mi o Yaal oxe, too xam gar, pictan a nuun o cofel.›

Esayi 54:13

Xa ƥiy axe wo fop xan a ndef daalbe es, mi o Yaal oxe, too xan a ñoowaa na jam fa baneex.

A pi ake 17:11

Yaawuur waaga moƴ’u o ngore we Tesalonik, yaam a njaɓa fa lay fee Roog fo o ɗaay. Bes fuu refna kaa ƥaaloogu a Pind a Tedu ke, yaam a mbug o nga ndax ke Pool a layoogna teen ndigil oo.

Hoose 2:20

A koom, xam dalnan a den ngiɓoor fo muumeen-a-koƥ ke fo tiiƭ ke fo ƥood ke no lanq ke. Xam ɓol kam saax le a qali le fo laƥ ne, ndax xire jibkatee, soo fi da ngen no yaadax.

Esayi 44:3

yaam xam balin poofi took no xe hoɗomeena soo fi a banj took lanq ke mbeerna koroŋ. Xam fudin Yiif es took xa ƥeef, fa barke es took xa taan of.

Esayi 32:15

Neene a refitkaa boo yaa o Yaal oxe a fudinkaa took in Yiif um. Maaga, a koƥ-a-ƥor ale xan a ref nen a ƭing, soo a ƭing ale a nand fo suungaan niɓu.

A kim a tedu ke 65:9

We ngenna na adna a ndiida boo no we no cat adna yaam xa anddiloor axe wo. Kaa o ƴeelnooraa wiin we fop, a xotit no batand boo no mudand.

A cangatin ale 32:2

Fat a cangin es a yuurtaa nen a teƥ, fa lay es a yentaa nen a liim, nen mbuyaam took daaƭ xuƥu, nen o suy-suyin took daaƭ le.

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Esayi 5:6

Xam xaƴin ta ñar. Calaskataand mbaat ta xooxel, tomb fo takar-ñiig xan a saxik teen, too xam xañit a eel ake da ndeɓ took um.

Xa peƭit axe 4:18

A ƭat ale no jofu we kaa nand nen a qoolaand mbeet, meleƈ um a ɓaatooxaa boo njoloor o mbuc.

Ke bindeena no xe ne’eena YOB 29:23

Kaa da cungoogaam ne a teƥ ale a cungteel, a tayaa fa lay es nen ngam.

Mise 5:7

We yoqna na xa taan axe Yakoob ndeer a saax ake, a ndeer qeet mayu, xan a ndef nen njogoy kam puufuɗag lakas ke, nen njogoy njanglax kam ged. Yaa ta songkaa mbuufuɗag um, xan a dak, a lisit, too o leng suqitkiran no ten.

A kim a tedu ke 19:4

Refee jeetaay mbaat xa ƭelem, o ñuxur den nankaand.

YEGIL MBAAX NE YEESU ne Saŋ a bindtuuna 7:17

Oxuu bugna o fi ke Roog a bugna, xan a and ndax a cangin ale mi na Roog a hatu ndax nam, ndi mi na kañaa kañ a xoox es.

2 Sami’el 23:4

kaa nand fo njeeƈ naa na wataa, a xool qac no nqes njegee eel leng. Meleƈ le ten na taxaa suuƴin a sutoor no lanq ke a cinj a teƥ ale.»

A kim a tedu ke 19:6

Kaa feeñaa nqes ne nen o kor-no-kulook oxaa na sutooxaa a ndok um, a felakinooxaa nen a jambaar faa xotna a ƭat um.

A kim a tedu ke 63:8

No ndigil, wo refu ƈufig es, too kaam soroxole’aa yoora a nafir of.

Esayi 2:3

Qeet mayu xan a inoox, a lay ee: «Ngaryo i ŋaay no joong ole no Yaal oxe, no Mbind ne na Roog fee Yakoob, ndax ta jangin a in a ƭat um, soo i ñaaƴ na qal um, yaam a cangin a tiindigil ale Siyoŋ a inooraa, fa lay fee no Yaal oxe a hatiidaa Yeerusaleem.»

Hoose 14:6

Xam ref na Isra’el nen a liim. Xan a fiɗ nen ngaaf-a-tooq, a sax a paƴ nen suungaan le Libaŋ.