Hoose 6:10 - NQAARIIT NE ROOG

¹⁰ Ga’aam kam mbind ne Isra’el tig cednooxu. Teen Efrayim a jaga’taa, Isra’el a xoolaƭarit kam fee.

Hoose 6:10 Referans Kwoze

Hoose 5:3

Mi, andaam a Efrayim, Isra’el waagiraam o laqoox sen, yaam me ta refna, wo Efrayim, jimbooxaa no njaga, wo Isra’el, xoolaƭaraa.

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

Hoose 4:17

Efrayim a hiɓoora fo pangool ke. Xaƴeen!

Hoose 4:11

Njaga ne fa biiñ fee kaa ngulmandaa.

Heseki’el 23:5

Ohola a jaga’a ke jeg’anuuma fop oo. A yuxum ake na xa pes axe ten a ƥislooxaan, ndefna Aa-asuur we gentand um,

Yeremi 18:13

Keeke o Yaal oxe a layu: «Nqoosyo xeet fuu refna, ndax nandu nene a mose o nan? Isra’el o njaaƈ o ndoog o andee adna nqe a fi’a cednooxu ƭomu.

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

2 Maad we 17:7

Taamaala feene a dala Ii-isra’el we, yaam ne da mbakaad’ina no Yaal oxe Roog den. Ke o Yaal oxe a sut’ina a den no saax laa Misira, a wat a den na xa ƥay Firawon fee o maad Misira fop oo, yaqanee da mbaɗooxaa roog lakas.

1 Maad we 15:30

Keene fop koy o ngar fa bakaad fee Yerobowam a fi’’ina soo a fi’noorin Ii-isra’el we yoo. Kaa fuuxnoor’u o Yaal oxe Roog fee Isra’el.

1 Maad we 12:8

Kaa koy, o maad oxe a yapatila o as ole maak we a coox’uuna soo a laamtik xa pes xa kend um axe ndeeƭna fo ten too a yaroox fo ten.

Heseki’el 23:7

Den a fartu, den a kag ake no Aa-asuur we. Kaa ɗofoogu, yaam a yuxum a den, too a xoolaƭarandta a xoox um pangool ke den.

Hoose 4:12

Xeet es kaa nga’raa fo xa taaƴ den, too o loq den na feeñlaa a den ke da mbarna o mbi. Yiif njaga kaa mo’andaa a den, da nqaƴaam, a mbaɗooxaa roog lakas, nen o tew oxaa soobooxna no njaga.