Hoose 6:1 - NQAARIIT NE ROOG

¹ «Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

Hoose 6:1 Referans Kwoze

A cangatin ale 32:39

Andyo boog ee mi yoo, mi soom refu Roog, too fa lakas jegee meen. Mi na jangaa o ñis, too mi na ñoownaa itam. Mi na gaañaa soo wodandaa. O leng waagee o wat o kiin no ɓay es.

Ke bindeena no xe ne’eena YOB 5:18

Ten na gaañaa soo a laxasin, a xawtaa o ɓay um soo a wodandtan.

1 Sami’el 2:6

O Yaal oxe na jangaa o ñis, too ten na ñoownaa itam. Ten na ɓisaa o kiin jaaniif, a sutan teen.

Hoose 14:4

Asuur mucilkee a in, i ngoolooxkatee pis too i laykatee ke xa ƥay in a njalna yee: ‹Roog in!›, yaam me wo soom o waan ole a daawtaa o mbeq.»

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

Yeremi 30:17

yaam xam nomtong no wod-fo-ɓaal, wodand a uut ake wo, wo Siyoŋ, wo fee na xoyeel ‹o tew o buuse xe›, a ƭat no leng a yongeerna. Mi o Yaal oxe layun.»

Esayi 2:3

Qeet mayu xan a inoox, a lay ee: «Ngaryo i ŋaay no joong ole no Yaal oxe, no Mbind ne na Roog fee Yakoob, ndax ta jangin a in a ƭat um, soo i ñaaƴ na qal um, yaam a cangin a tiindigil ale Siyoŋ a inooraa, fa lay fee no Yaal oxe a hatiidaa Yeerusaleem.»

Ke bindeena no xe ne’eena YOB 34:29

A damangaa njaambuur um, an saɗun o xasan? A ɗasnangaa mukit um, an na waagkan o ga? Kaa gayaa qeet ke fo wiin we,

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Yeremi 50:4

Na pe akaaga fo na jamaane faaga, Ii-isra’el we fo Yuuyudaa we xan a nomtooxandooriid. Mi o Yaal oxe layun. Xan a ñaaƴaa a loolaa, a mbaaƭaa o Yaal oxe Roog den.

Yeremi 3:22

Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.

Esayi 30:26

A qoolaand ale na qoor ale xan a nandat fo ale no njeeƈ ne, soo ale no njeeƈ ne a ɓaatoox a caf ɓetaa ƭaq boo nen a qoolaand ñaal ɓetuu ƭik, a koom alaa o Yaal oxe a laxaskaa kaañax ke na xeet um soo a wodand a uut ake na pad ake ta fadeena.

Yeremi 33:5

We ngenna na teeru fee xan a ñoxorik fo Kaakalde we, ndaa ɗaxkee dara. Kefatin ke no pind ke xan a may muut fo xa tal no wiin. Kam fuux es fo kam o say es, xam xaw we ngenna Yeerusaleem. Xam xuun teeru fene yaam kañaan den.

A kim a tedu ke 30:7

Kaam layoogu kam o yaadax es ee: «Tolofkiim muk!»

Yeremi 30:12

Keeke o Yaal oxe a layu: «Ngaañax ne wo waagee o wod, too uut le wo a ɗoma lool.

Esayi 30:22

Xan o ɗeet nen qoolaƭaru xaaliis fee muurna nitaal sexe ke wo fa wurus fee xa taaƴ xa cawe xe wo a soobteena. Xan o ɓax a den nen ƭaaq, lay a den ee: ‹Acayo tafil!›

Sofoni 2:1

Nuun xeet fee naangeerna sedaa, ƭeetaqinyo a qoox nuun, ƥek a yiif nuun na adna,

1 Sami’el 7:3

Naaga, Sami’el a laya Ii-isra’el we fop ee: «A soƥangaa yee fo a qeeñ nuun fop nu nomtoortiidaa me no Yaal oxe, ndeɓyo roog can ke nu mbaɗooxaa fo xa taaƴ axe Astarte, soo ndam no Yaal oxe fo a qeeñ nuun fop too mbaɗooxan ten doŋ. Neene, xan a mucil a nuun na xa ƥay no Fiifilista we.»

Ke bindeena no xe ne’eena YOB 16:9

Kam fuux um Roog kaa songaam, a listaxam, a ƴaxrandanaxam a ñiiñ. O pañ es oxeene xe jiicaxam.

A kim a tedu ke 6:2

O Yaal oxe, ba o xawaam kam fuux le wo. Ceƭekaam xa yar, ndaa baa ref kam fuux ɗomu le wo.

A kim a tedu ke 71:20

Xettaam naqad fo taamaala pagkatar yaam wo, ndaa xan o nomtaam o ñoow ole. Xan o inatintaam no qooƭ ke no lanq ke,

O baawaare xe 3:3

hap o war fo hap o wodand, hap o bayit fo hap o max,

Esayi 17:7

A koom, xan o kiin oxe a haan no Saasak um, a kid um a naang jak o Tedu xe Isra’el.

Yeremi 33:6

Ga’angi, xam dakin a Yeerusaleem no wod-fo-ɓaal um, ci’in cer ƥutu um, kaam ee xam wodand we ngenna teen ceŋ. Xam feeñil a den jam fo o woor boo ta dey sik.

Yeremi 50:5

Xan a laamtaa a ƭat ale jofna Siyoŋ, a ngeleer a kid den farna fo maaga: ‹Ngaryo, i ndamoox no Yaal oxe no ngiɓoor naa na refkaa boo faw, too i mbeeckiran muk.›

A ƭomatax ake 3:11

A ɗapnooraxam a ƭat ale, a saaraam, a listaam teɓ-reɓ soo a xaƴaam maaga.

Hoose 11:10

«Xan a ndeefaam, mi o Yaal oxe, um bumbaa nen njogoy. Xam bumb, soo xa ƥees a inoortiid no mudand, a sendaa.

Hoose 12:6

O Yaal oxe refu Roog fee Hupna fop, gon um a ref o Yaal oxe.

A paɗax ale 14:48

O saasadax oxe a nomtooxangaa na ndok ale boo a ga ee naawoos le feeñatinee a cinj ye a ndok ale a laaratineena, fat a yegnit ee a ndok ale a xoola, yaam naawoos le a wata.

2 Caloori ke 30:6

We o maad oxe a lul’ina a ndeta kam Isra’el fa Yudaa fop, a ƥis xa leetar axe o maad oxe fo kelfa ke a mbind’ina yee: «Nuun Ii-isra’el we, nomtooxiidyo no Yaal oxe Roog fee Abraham fa Isaak fa Yakoob, ndax ta nomtooxiid me nuun, nuun yoqatin we ƥostoorna no ɓay no maad we Asuur:

Ke bindeena no xe ne’eena YOB 22:23

O nomtooxiidangaa no Cegu katil oxe, sut njofaƭar ne no mbind of, xan o jegatin doole.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.