Hoose 5:9 - NQAARIIT NE ROOG

⁹ A qaw ale xan a dal took Efrayim, ta fes a pec. Keeke um yegnaa a carind ake Isra’el booru yoo.

Hoose 5:9 Referans Kwoze

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Esayi 46:10

Yegnitaam no mberaand naa ke na xewkaa, lambin yaaga ke fadiidafuleerna. Kaam layaa yee: Yuuƥ es xan a fadnoox, too ke buguuma fop, kaam fi’an.

YEGIL MBAAX NE YEESU ne Saŋ a bindtuuna 16:4

Layaam a nuun keene, ndax boo ta jegna nu mbetandoox ee yegin’aanum a nuun.» «Layinum a nuun no mberaand naa, yaam ne reeƭuuma fa nuun.

Amos 7:17

Keeke o Yaal oxe a layu: ‹Xan o teef a jaga’ik kam teeru fee, xa ƥeef a mbartel laƥ, o qol of a ɗegrel, wo fa xoox of o xontik a koƥ, Ii-isra’el we a ndefik faɗ no saax jan.› »

Amos 7:9

A koom koy xan a ñaang a sadaxand ake no mbind Isaak a ngefel, pind roog ke Isra’el a njiƭtel, um inooxan mbind Yerobowam fo laƥ.»

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

Hoose 8:8

Isra’el a ɗuude salquƈ. Oxey ndiiki a ndeer qeet ke, nen o ƥaxañ olaa o leng a bugateerna.

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.

Hoose 5:12

Mi, xam ref nen max na Efrayim, ref nen potu no mbind Yudaa.

Esayi 48:5

a taxa um yegin a nuun yaaga keene xewna. Andnooraanum a nuun yaaga fadiidafulee, ndax nu laykee yee: ‹Mbangool es garu fo ten, o daaƴ es mbaat nitaal njawe es bugtun neene.›

Esayi 48:3

Ke xewna no miñu kaa, yegnit’aanum yaaga fadiidafulee, no don es a hatu, too yegin’aanum a nuun. Kaam songin rek, ta fadnoox.

Esayi 37:3

Weene a laya a Esayi yee: «Keeke Hiskiya a layu: ‹Bes fene, bes naqad fo a qaw fa gaci a refu, ne ta layteel ee: Xa qeq axe mbudeena a mbade o ñoot, ndaa doole fa ñootir jegee.

Ke bindeena no xe ne’eena YOB 12:14

Ke Roog a jiƭitna, maxatinkaand, too oxe ta wegna, wetkaand.

Esayi 7:16

Kaa koy, boo o njaaƈ onqe a helko fo waagaa fañ paaxeer soo a jil ke faaxna, xan xa cegel axe no maad ɗik weene na ndiidlandang a mbes a pec.»

Hoose 7:12

Xam deɓ took den mbaal ne mi, yaa da ƈufaa, maafiid a den nen ndiiƭ. Xam xaw a den ne yegnit’anuuma no mbokatax ne den.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Mise 6:13

Ten taxu, refaam no xawaa a nuun, fiitin a nuun yaam pakaad nuun.