Hoose 5:6 - NQAARIIT NE ROOG

⁶ Xan a ndet fo a ked den fo xa siir den, ndax da ƥoxot teen sadax, a mbaaƭik o Yaal oxe, ndaa nga’kiran, yaam kaa riƈatoox a den.

Hoose 5:6 Referans Kwoze

YEGIL MBAAX NE YEESU ne Saŋ a bindtuuna 7:34

Xan nu mbaaƭaam, ndaa nu nga’kiraam, too nu mbaagkee o ngar me um refkaa.»

Xa peƭit axe 1:28

Maaga, xan nu nqoyaam, ndaa jaaɓkiim, nu mbaaƭaam, ndaa nu nga’kiraam,

Heseki’el 8:6

Roog fee Isra’el a layaxam ee: «Wo fee o ƥiy no kiin, ndax ga’aa ke da mbi’aa, cednooxu maak ke mbind Isra’el a mbi’aa ndax um goƭ Mbind tedu ne mi? Kaa koy, xan o ga’ahin cednooxu maak lakas.»

A ƭomatax ake 3:44

Kaa o muuroox eel, boo a tax a qeƭ ake in mbaagee mbadiid me wo.

Yeremi 7:4

Ba nu ngooloox fa lay fa maamaaɓ fene: Mene Mbind ne no Yaal oxe a refu, Mbind ne no Yaal oxe, Mbind ne no Yaal oxe o mat oo.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

YEGIL MBAAX NE YEESU ne Lik a bindtuuna 5:16

Kaa koy, Yeesu a inooxooga, a ret o mbiñ o mbootu, ndax ta xeɗ.

Yeremi 11:11

Ten taxu keeke o Yaal oxe a layu: «Mexey ɓisiidaa took den taamaala faa da mbaagkeerna o ndaɗ. Xan a ƈufginooxaam, ndaa nan-gilooxkiim a den.

Esayi 66:3

Oxe na sadaxtaa nqoox soo a war itam o kiin, oxe na sadaxtaa mbaal soo a gef itam o ɗuk o ɓox, oxe na sadaxtaa tuufe-duufe soo a ɓoxot itam fo’oy ruul, oxe na doxaa cuuraay soo a faɗooxaa itam pangool ke, weene wiin a ƭat ale felna a den a njilu. Feek paaxaƭaru keene felu a den,

A kim ale na kim ake 5:6

Wetanaam oxe buguuma bug, ndaa a naaga mes, a suur. Yaacaam o xon, yaam ne ta retna. Waaƭaanum, too ga’inum, um xoyin, jaaɓiraam.

Xa peƭit axe 21:27

O Yaal oxe kaa sib sadax fee no soxodu we, moƴtaa sax, yaa da ƥoxottuuna a qalaat a paaxeer.

A sutax ale 10:9

Moyiis a doona yee: «In fop na ndetkaa: maak fo xa caaƈ, goor fo rew. Cegel ke yoo xan a ndet: a ked ake fo xa siir axe, yaam kaa i mbar o ndoofandanik o Yaal oxe xew.»

Mise 3:4

Ten taxu, yaa da ƈufginooxkaa o Yaal oxe, jaaɓkee a den, ndaa xan a ɗasin a den mukit um, yaam kaa da mbi paaxeer.

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Yeremi 11:14

Wo Yeremi koy, ba o xeɗan xeet fene. Ba o loolooxan mbaat o xeɗooxan a den, nan-gilooxkiim a den, yaa da ƈufginooxaxam yaa fa taamaala fee den.»

Yeremi 14:12

A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

Amos 8:12

A koom da mbidaa lanq ke, a njoqooyooxaa a ndetaa no kaa xotitna no ɓemb-roog o janoon boo no batand, ndeer o maag fo o gend um, a mbaaƭaa maa da nanitna fa Lay fee no Yaal oxe ndaa njegkiran.