Hoose 5:5 - NQAARIIT NE ROOG

⁵ O nga’atinax onqe Isra’el na seede’anan, Efrayim xan a tolof yaam tooñ um, Yudaa itam a tolof fo ten.

Hoose 5:5 Referans Kwoze

Hoose 7:10

O nga’atinax onqe Isra’el na seede’anaa a den. Keene xewna fop koy taxee da nomtooxiid me mi, mi o Yaal oxe Roog den, too mbaaƭiraam.

Amos 5:2

Wo Isra’el o ndoog onqe, woxe bup too o leng inkatirang, ɗaasoox a lanq, too inooxkatiro muk.»

YEGIL MBAAX NE YEESU ne Lik a bindtuuna 19:22

O yaal mbind ne a layaan ee: ‹Xam hate’ong na fa lay of, o tag o soxodu xe! And’aa xil ee o kiin o ƭomu tig refum, kaam sertaa kaa geekeeruuma, too saxadaa kaa duufeeruuma.

Mace 23:31

Naaga nu seede’taa na qoox nuun sax sax ee xa taan no we mbarna duleer we nu ndefu.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.

Hoose 4:5

Xan o tolof njoloor o mbuc, o tuleer oxe itam a tolof fa wo o yeng ole, too xan o saŋiknoor a Isra’el fee ya of.

Yeremi 14:7

Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.

Esayi 59:12

Kaa i nanaƭaranong a caf a mayu. Tooñ ke in kaa njambaa a in, pakaad in a nqox na yiif in, too i anddilooxata tooñ ke in.

Esayi 44:9

We na sexaa nitaal ndefee dara, too calel ke den a mos mos ƭaxee dara. Den ndefu seede den, seede waa mbaageerna a ka, too o and refee na den. Ten taxu yoo xan a sed ɓot.

Esayi 3:9

A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.

Xa peƭit axe 30:13

Sabab took no we na ƭeettaa nga’yaamoo, a ƭag a qoox den maa da mbadeerna.

Xa peƭit axe 24:16

O cofu xe a yenangaa boo a caf ɓetaa ƭaq sax oo, xan a inooxatin, soxodu we mat kaa njimbooxaa na taamaala.

Xa peƭit axe 14:32

O soxodu xe, kañaan um na maafan, o cofu xe mat a jega a koolax boo na fa nqon.

Xa peƭit axe 11:21

A woora kañ ee o soxodu xe ñakkaand o xaw, o fog ole no jofu we mat xan a muc teen.

Xa peƭit axe 11:5

O woor ole no kiin o cofu xe kaa fodrandaa a ƭat um, o soxodu xe mat kañaan um na maafan.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Esayi 3:8

Yeerusaleem oxe gefaa tuƈ, soo Yudaa a naag junjang a lanq, yaam xa ƭelem den fo a pi den kaa njuumoor fo o Yaal oxe, da mbañ o magnel ole no ndam onqe ten.

Hoose 14:2

Wo Isra’el, nomtooxiidi me no Yaal oxe Roog of, yaam tooñ of a maafaang junjang.