Hoose 5:13 - NQAARIIT NE ROOG

¹³ Efrayim a ga’a jir um, Yudaa a ga uut um. Efrayim a reta Asuur soo a lul wiin maa no maad o maak oxaaga, ndaa o maad oxeene waagkee o wodand a nuun mbaat ta jeg teex naa malna uut le nuun.

Hoose 5:13 Referans Kwoze

Hoose 7:11

Efrayim kaa nand fo a nuukuur ale yooɓna naxel, a ñak-yiif. Kaa ƈufginooxaa a Misira, a ƈufan Asuur.

Hoose 12:1

O Yaal oxe kaa tee: «Efrayim kaa widaam fo xa maaƥ, mbind Isra’el a ndeeraam fo naanaxir ƥor, Yudaa a maad o siiknooraa fa mi, mi fee o Tedu xe gore’na.

Hoose 10:6

Xan a ɓisel Asuur, ndax ta ref ɗang no maad o maak oxe. Xan gaci a dam a Efrayim, Isra’el a sed ɓot no yuuƥ ke ten.

Hoose 8:9

Isra’el kaa ƴufanaa Asuur nen o faam-a-koƥ olaa berooxna, Efrayim a jiktaa mbugir ne neexil.

Yeremi 30:12

Keeke o Yaal oxe a layu: «Ngaañax ne wo waagee o wod, too uut le wo a ɗoma lool.

2 Maad we 15:19

Tiglat-Pileseer fee o maad oxe Asuur a roka no fiisel ole Isra’el. Maaga, Menahem a cooxaan ngap parig teemeed tadik fo parig qarɓeen nahik xaaliis fa nqoolu, ndax oxeene a dimle’in bo ta saƭkand maat um.

Mise 1:9

Uut le ten waagee wod. Kaa xay boo Yudaa, a daaw tokand ke Yeerusaleem, me xeet es a genna.

Hoose 14:3

Ƥonooxyo fa lay fa ndicoor too nomtooxiid me no Yaal oxe. Layeenoo yee: «Waasanti tooñ ke fop, dalin a in fa yirmande, too yaaga xan i simatang, ta ref nen sadax qoox in.

2 Maad we 16:7

Ahas a dalfooxa o lul wiin maa Tiglat-Pileseer fee o maad oxe Asuur ee: «Kaam ref o tag of fo nen o ƥeef. Gari muclaam na xa ƥay no maad oxe Araam fo o maad oxe Isra’el songiidaxama.»

2 Maad we 15:29

Na jamaane Peqah fee o maad Isra’el, Tiglat-Pileseer fee o maad oxe Asuur a gara, a jaɓ teeru fee Iyon, Abel-Bet-Maaka, Yanowah, Qedes, Hasoor, o jegel ole Galaad, ole Galile fo saax le Neftali fop. A ɓisa took a hup doole we ngen’ina meene fop kam Asuur.

Esayi 3:7

A koom koy, xan o lakas oxe a doonin ee: «Mi kañ, refkiim o baawaadin nuun. Jegiim no mbind es ñaamel mbaat toki. Ba nu ndodaam o aa-adax xeet fee muk!»

Heseki’el 23:5

Ohola a jaga’a ke jeg’anuuma fop oo. A yuxum ake na xa pes axe ten a ƥislooxaan, ndefna Aa-asuur we gentand um,

Hoose 2:7

Ya den kaa jaga’aa, oxe fudna a den kaa fi’aa cednooxu. Kaa layaa yee: ‹Xam reefan xa pes es axe na cooxaxam ñaamel es fo yerel es, fale es fa gaare es, diwliin es fa biiñ es.›