Hoose 5:1 - NQAARIIT NE ROOG

¹ Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Hoose 5:1 Referans Kwoze

Hoose 9:8

Mi fee o tuleer, Roog es kaa heblaam, ndax um maƭoox a Efrayim. Kaam ɗaapanel mbog muu um dakaa, we na ngaraa kam mbind ne Roog es sax a mbañraa fa mi.

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.

Mise 3:9

Nuun kelfa ke no mbind Yakoob, nuun gelwaar we no mbind Isra’el, nan-gilooxyo kene: Kaa nu sib o cofel ole, ƭapaa fop ke refna a ƭat.

Hoose 6:9

A yaj ale no saasadax we kaa nand fo saasaay kaa na ƥeedaa o kiin. Kaa mbaraa wiin we na ƭat ale Sikeem, ta ref tig cednooxu.

Haahate we 4:6

Bes, Debora a xoyna a Barak fee o ƥiy Abinowam, genna Qedes no fiisel olaa Neftali, a layin ee: «Keeke refu ke o Yaal oxe Roog fee Isra’el a hebloonga: ‹Reti jil goor cuni xarɓaxay na carind ale Neftali fo na le Sabulon soo yoon fa den no joong olaa Taboor.

Malaki 2:1

O Yaal oxe Hupna fop kaa tee: «Ndiiki koy nuun saasadax we, nuun njegu a maƭax aleeke:

Amos 7:9

A koom koy xan a ñaang a sadaxand ake no mbind Isaak a ngefel, pind roog ke Isra’el a njiƭtel, um inooxan mbind Yerobowam fo laƥ.»

Hoose 10:15

Nuun mbind Isra’el, keeke na dalkaa a nuun, yaam kañaan nuun ne ɓekna a sak: Boo mbeet ne a helko fo leelaa, o maad Isra’el refkatee meen.»

Hoose 4:1

Nuun Ii-isra’el we, nan-gilooxyo fa lay fee no Yaal oxe. O Yaal oxe a jega fa nuun layoor, yaam o damax fa yirmande fo o and a Roog njegee kam saax le.

Malaki 1:6

O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

Mise 3:1

Maaga, layaam ee: Nuun kelfa ke na xa taan axe Yakoob, nuun gelwaar we no mbind Isra’el, nan-gilooxyo! Mee ndax nuun mbaru and ke jofna!

Hoose 13:8

Xam song a nuun nen ursu ndew naa xa ƥeem a ngifeena, too xam faar xoor le no ngang nuun. Xam lisit a nuun nen njogoy ƥasil, soo ƥaaɓaan ke na koƥ ale a sir a nuun.

Yeremi 46:18

Ne ta wooritna yee mexe ñoowaa, mi o Maad oxe, gon es a refna o Yaal oxe Hupna fop, kaam ee: o pañ oxe xan a gar, ne ta wooritna yee Taboor o joong oo, ne o joong ole Karmel a gartitna o maag ole took.

Yeremi 13:18

«Layi o maad oxe fa ya no maad oxe yee: Moofyo a lanq, yaam fo ndip fo mosaan ne nuun a yenta na qoox nuun.

Yowel 1:2

Nuun maak we, nan-gilooxaamoo! Nuun fop we ngenna no saax le Yudaa, ndungyo nof nuun! Ndax keeke a mosa xew no ñoow nuun mbaat no ñoow no daan nuun?

Haahate we 4:12

Siisera a yegne yee Barak fee o ƥiy Abinowam a ŋaaya no joong olaa Taboor.

1 Sami’el 7:5

Sami’el a laya a den ee: «Fat nuun xeet fee Isra’el fop, nu mbokatoor Mispa, too xam xeɗan a nuun o Yaal oxe.»

1 Sami’el 7:6

A mbokatoora Mispa, a ƈeew foofi, a ƥaxin mbaambir no Yaal oxe soo a ngoor ñaal naaga fop. Maaga a laytu yee: «I tooña o Yaal oxe!» Maaga Sami’el a hate’toogu itam we ndaawroogna na xeet fee.

1 Sami’el 7:16

O hiid oluu refna, Sami’el a widooga, a xotit Betel boo Gilgal, a gar Mispa, a hate’aa we na ndaawraa na xeet fee Isra’el no fo mbiñ neene.

Yeremi 11:7

Yaam kaam maƭooxoogu daan nuun no kaa xotitna a koom alaa suttuuma a den no saax laa Misira, a gar fa xaye. Kaam maƭooxoogu a den roog fuu feedna yee: Nan-gilooxyo o ñuxur es!

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.