Hoose 4:9 - NQAARIIT NE ROOG

⁹ Ke na dalkaa saasadax we na dalkaa dal a xeet fee. Xam inooxan a den yaam a pesoorooƭ den soo rabid a den a pi den.

Hoose 4:9 Referans Kwoze

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Esayi 24:2

Leng kut ke na dalkaa o saasadax oxe fo lakas we na xeet fee, o yaal mbind oxe fo surga um, o tew o yaal mbind oxe fo o ceefeer um, o ciijikax oxe fo o ciijik oxe, o ƥaaɓandit oxe fo o luuluɓ oxe, o taarabdinax oxe fo o taarabid oxe.

Mace 15:14

Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Hoose 9:9

Nu njimbooxa no laawax nen ñaal kaa Gibe’a. O Yaal oxe weecee tooñ nuun too xan a xaw pakaad nuun.»

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Hoose 1:4

O Yaal oxe a laya a Hoose yee: «Ne’een ‹Yisre’el›, yaam a yoqa o ndik rek, xam inooxan mbind Yehu, xuuf maat ne kam Isra’el yaam fo’oy le ta ɓaxna kam Yisre’el.

Esayi 3:10

Layyo o cofu xe yee a ɗaaya, yaam xan calel um a ndef muud um.

Xa peƭit axe 5:22

Njofaƭar ne no soxodu xe kaa damnooran, a cengir ake no pakaad ke ten a naangin nuus.

Xa peƭit axe 12:14

O kiin fa lay um a gidmiteel, a rabdel calel um.

Hoose 7:2

Layee taa kam den ee wetandooxaam kañaan den. Ndiiki koy, a pi den kaa mbid a den, a ndef mbaambir es.

Hoose 9:15

«Kañaan den fop a feeñta Gilgal. Maaga o mat sibditum a den. Xam raxit a den no saax es yaam a pi a paaxeer ake den. Fexkatiim a den, yaam kelfa ke den fop faafañ a ndefu.

Hoose 10:10

Hebooxaam o xaw a nuun, too xan qeet a mbokatooran a nuun, nu njengel yaam njofaƭar nuun ne jegeerna a tet.

Hoose 12:2

Efrayim xa koɓong a reefaa, a daabaa nqeñ ne no batand. Ñaal oo ñaal kaa mayƭandaa xa maaƥ axe fo a pi a yednu ke. Kaa dalnaa ngiɓoor fa Asuur, soo diwliin a ɓiseel Misira.»

Xa peƭit axe 11:31

O cofu xe kaa daawaa saɗig um took lanq ke, yaaga boog, nam o soxodu xe fo o paabakaad oxe a ndaawitkeeru a las den mene?

Heseki’el 44:10

«No ke jofna no Leelewi we mbaasaxama ye Isra’el a ruuxna a koƥ soo a fesaam ndiiñ ndax ta reef pangool ke ten, xan a ngadoox tooñ den.

Heseki’el 44:12

Feek kaa njalanoogu xeet fee mbaambir pangool ke den soo a ndeeƭu no mbind Isra’el ɓil laa na tolofnooraa, a maafnooraa a den na bakaad, mexe daaɓooxan fa den o ɓay es took ee: Xan a ngadoox tooñ den. Mi o Yaal oxe na refkaa boo faw layun.

Hoose 12:3

O Yaal oxe xe layooraa fa Yudaa, a xawaa a Yakoob yaam a pesoorooƭ um, a rabdan a pi um.