Hoose 4:8 - NQAARIIT NE ROOG

⁸ Sadax fa mbaasnoor bakaad fee na xeet es a ñoowtaa, ten taxu da mbug xeet fee a moƴ o mudaa na bakaad.

Hoose 4:8 Referans Kwoze

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

1 Sami’el 2:29

Yaaga boog, xar taxu nu ŋastaa sadax ke fo ci’it ke mi ndiiki, mbañ o mbi’it a den ne heblitanuuma a nuun no Ngenand es? Yaam fa xar o niwaa xa ƥeef kupu ke o niwaxam? Xar taxu nu mbaaƭaa xa pud xa maak na seek ake moƴna o mbaax no fop ke xeet es a ci’iidaxam?

O leetar ole Pool a bindna GIMU WE NGENNA ROM 16:18

Yaam wiin nandu neene, refee yee Kiristaa fee o Yaal in a ndagooxaa, ndaa xa pud den sax sax a ndagooxaa. Kaa ƈiƴtitaa a yiif no gimu we fa lay fa mbelu fa naanaxir.

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

A kim a tedu ke 24:4

Ten refu oxe xa ƥay um a lewetna, too xeeñ um a xool, gaañitkee gon no Yaal oxe na xa koɓong too daaɓooxkee na xa maaƥ.

Heseki’el 14:7

O kiin oxuu fesaxama a cinj ta ref no mbind Isra’el mbaat na xa katakoon axe ngenna kam Isra’el, a ɓek no xeeñ um pangool ke ten, a doon mbaambir um ɓil le na tolofnooraa, a maafnooran na bakaad, a garangaa me no tuleer oxe, ndax ta ga’ir fa mi, mi o Yaal oxe fa xoox es na doonkan.

Heseki’el 14:3

«Wo fee o ƥiy no kiin, goor weene kaa saq na qeeñ den pangool ke den, a ndoon mbaambir den ɓil le na tolofnooraa, a maafnooraa a den na bakaad. Ndax xam jaɓ da nga’ir fa mi?

A kim a tedu ke 25:1

A kim alaa fogna na ke Dawid oo. O Yaal oxe, mexe ɓakandaa xeeñ es na wo.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Hoose 10:13

Kaa koy, paaxeer nu nqooxu, saxad njofaƭar, too nu ñaama o rim ole na xa maaƥ axe.» «Kaa nu ngooloox a ƭat nuun fo a salma-koor a mayaan ake nuun.

Hoose 12:8

O Yaal oxe kaa tee: «Efrayim, kaa o nand nen o cula Kaakanaan, pokoox no ɓay of balaas fa mbaaxeer. Kaa o fex o naxaa doŋ,

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

A paɗax ale 6:22

O koor oxuu fogna no saasadax we a waaga o ñaam teen. Sadax fa tedu tigi a refu.

2 Maad we 12:16

We ndabdoogna jaajal we koy, ngaynaakoogaand, yaam wiin wooru a ndeeƭu.