Hoose 4:7 - NQAARIIT NE ROOG

⁷ Saasadax we fop ne mbodeena a tooñaxam. Xam supit o ndam den gaci.

Hoose 4:7 Referans Kwoze

Hoose 13:6

Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Filip 3:19

A saŋkax na cungaa a den. O fud refu Roog den, o ndam den da ƥekin no ke na gaci’nooraa a den. Tig adna soom a nqalaataa.

1 Sami’el 2:30

Feek neene yoo koy, kene refu ke um yegnang, mi o Yaal oxe Roog fee Isra’el: Kaam reg’u ƥasil of, na carind ale fogoona yee: Saasadax es nu mbugko ndefaa boo kili, ndaa ndiiki koy, kaam yegnang a qoolu yee refkatee neen boo muk, yaam o mat, kaam niwaa we na niwaxam, ndaa we ndeɓaxama, kaam deɓatinaa a den itam.

Malaki 2:9

Mi koy, xam xeefnoor a nuun soo fudin a nuun na kid no xeet fee fop, yaam nu ndeefee a ƭat es soo samtirandaa wiin we, yaa nu njangnaa a den!»

Hoose 10:1

Isra’el kaa reeƭu ndaxar biiñ ndiirim, naa watoogna xa tim xa mayu. Nuu xa tim axe ten a moƴ’ina o mayit, ta moƴ o mayƭandaa xa sadaxand axe. Nuu saax le ten a moƴ’ina o neqit, ta moƴ o sipaa a ƥil akaa na mbaɗooxeel.

Hoose 4:10

Xan a ñaamaa too ngiñkee, a njaga’aa, ndax da njeg xa ƥiy, ndaa taxkee da njeg. Keene fop xan a dal a den, yaam kaa mbañaam o niw, mi o Yaal oxe.

Habakuk 2:16

Maykiro fo o ndam, ndaa xan o naag ɓot yaam gaci. Wo fa xoox of, xan o yer itam soo xeefnoorel yaam o yoq o ƥor! O feeƭ ole no fuux le no Yaal oxe refna na ñamaak um xan a geleeroox farna fa wo, soo o niwaƭarel a muur o ndam of.

Hoose 6:9

A yaj ale no saasadax we kaa nand fo saasaay kaa na ƥeedaa o kiin. Kaa mbaraa wiin we na ƭat ale Sikeem, ta ref tig cednooxu.

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Esdaraas 9:7

No kaa xotitna no camaane kaa no daan in boo xaye tooñ in a magna lool, too pakaad in taxu i ƥoxotel, in fo maad in fo saasadax in, na xa ƥay no maad jan, ndax i mbarel, ƥisel took o hup doole, ngefel soo neewandel, ne ta maadna o refaa boo xaye.

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Hoose 9:11

O ndam onqe Efrayim xan a yet fir nen ndiiƭ. Jegkatee fa ndim, saq tig ne’aand, too rok o fud jegkatee.

Hoose 10:6

Xan a ɓisel Asuur, ndax ta ref ɗang no maad o maak oxe. Xan gaci a dam a Efrayim, Isra’el a sed ɓot no yuuƥ ke ten.

A cangatin ale 32:15

Xeet fee no Yaal oxe a naagata naluƈ soo a ñak o njek. Isra’el kaa giñat tem, a magin, a jegat cer soo a xaƴ a Roog fee o saasak um, a xeef ɓil le na muc ale ten.