Hoose 4:6 - NQAARIIT NE ROOG

⁶ Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Hoose 4:6 Referans Kwoze

Esayi 5:13

Ten taxu, xeet es yegkee yeg boo a sutel saax le. Wiin maak we ten xan a nqon fo nqeex, soo a koɗom a mbaraa lakas we fop.

Xa peƭit axe 19:2

O jaflax ole yooneerna fo o and faaxee, too oxe na ñofandooxaa bo ta hup kaa juumaa.

Hoose 6:6

yaam yirmande moƴanaxam sadax, o andaam a moƴanaam sadax toxel.»

Hoose 4:1

Nuun Ii-isra’el we, nan-gilooxyo fa lay fee no Yaal oxe. O Yaal oxe a jega fa nuun layoor, yaam o damax fa yirmande fo o and a Roog njegee kam saax le.

Mace 15:8

‹Xeet fene xa ton den soom a niwtaxam, ndaa a qeeñ den kaa ngoƭaam.

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Esayi 17:10

Kaa o weec a Roog fee na muclang, too wetandooxiro ɓil le refna ndaɗand of. Ten taxu o jimbanaa pangool ke taxar pelu, saxnanaa a den taxar biiñ.

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

2 Caloori ke 15:3

Ii-isra’el we o mat a ñoowa miñu no kaa da ndeefeerna a Roog fa ndigil fee, saasadax waa na njangnaa a den nga’aand too ngayee kebil ke.

Hoose 13:6

Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Esayi 1:3

Nqoox a anda o yaal um, too o faam a anda me o yaal um a yipanan ñaamel, ndaa Isra’el o mat andee dara, xeet es njegee yiif.»

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Ke bindeena no xe ne’eena YOB 36:12

A nan-gilooxangee koy, xan laƥ a ñaam a den, da nqonaa took o ñak-o-and.

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

Esayi 3:12

Raarawnit we na ñagadilaa xeet es, soo we na sertaa o lad a maadooxaa took den. Wo xeet es, ɗooɗox of kaa mo’andang soo a nqotnoorang a ƭat a paaxeer ale.

A kim a tedu ke 119:139

Kaam fuuxaa boo waagkatiim o lay, yaa ga’uuma fañ es a mbeecaa ke hatna no don of.

A kim a tedu ke 119:61

Pog ke no soxodu we kaa ndeeraam, ndaa taxee um weec a cangin of.

Mace 15:14

Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»

Hoose 8:12

Um bug oo jaqtanin a cangin es, bindanin o ten, ndaa xan a ɗeetin nen tig kenar.

Hoose 8:1

O Yaal oxe kaa tee: «Jibni a tuluɓ ale! O njakad onqey yaaraa took Mbind es nen a canjiik, yaam xeet es kaa ƭeg ngiɓoor es, a mbañ a cangin es.

Hoose 4:12

Xeet es kaa nga’raa fo xa taaƴ den, too o loq den na feeñlaa a den ke da mbarna o mbi. Yiif njaga kaa mo’andaa a den, da nqaƴaam, a mbaɗooxaa roog lakas, nen o tew oxaa soobooxna no njaga.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

1 Sami’el 2:12

Xa ƥiy axe Eeli kaa ndeeƭu waa njareerna tus, a ƭat den yong’ee no Yaal oxe.

Esayi 45:20

«Mbokatooryo too ngar. Matiidyo nuun fop, nuun we ƥostooxna ndeer a saax ake. Dara refee na qoox no we na ƥislooxaa pangool kaa ndefna a teex, a ƈufginooxaa a roog faa waageerna o mucil.

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Esayi 28:7

Den wene itam kaa njayang-njayangnaa yaam biiñ, soo a yer a qaaɗu xut ake a ngulmandaa a den: Saasadax we fo duleer Roog we kaa tifil-tifilnaa yaam a yer a qaaɗu ke, a njaxasoox yaam biiñ fee. A yer a qaaɗu ke kaa ngulmandaa a den, da tiipaa, yaa da njo’tanaa a Roog soo a layaa xa ƥaral, yaa da ngate’aa.

Mace 1:6

Isay rimu o maad Dawid, soo Dawid a rim fo xaa reeƭna o tew Uriya a Salomo.

A kim a tedu ke 119:153

Ga’i o ñaat es too muclaam, yaam weeciim a cangin of.

Xa peƭit axe 10:21

Fa lay no cofu xe kaa jootnaa wiin mayu, panxoy ke mat a nqonaa yaam o ñak-xoox.

Heseki’el 44:23

Xan a njangin xeet es da njektirand ke tedna fo ke tedeerna, a andnoor a den njektir ne ndeer ke xoolna fo ke xoolaƭarna.

Hoose 4:14

Jambkiim xa ƥiy xa tew axe nuun yaam ne da njaga’aa mbaat seemir we nuun yaam ne da seeqaa, yaam goor we fa qoox den na mbootkaa fo a caga ke, a sadaxtaa fo rew we kesaneena njaga ne nu ƭeetaa nen tedu, ne o feƭit oleeke a laytuuna yee: ‹Xeet fee jegeerna o and kaa mo.›

Hoose 5:4

A pi den kaa yaqanaa a den o nomtooxiid me Roog den, yaam njaga kaa adin a den, too andee o Yaal oxe.

Hoose 7:9

Wiin jan owe paangaa doole um, too andiran, xoox um le fuumaa, too ɗeetlooxiran

Hoose 7:11

Efrayim kaa nand fo a nuukuur ale yooɓna naxel, a ñak-yiif. Kaa ƈufginooxaa a Misira, a ƈufan Asuur.

A kim a tedu ke 18:27

Kaa o faax no xe jegna xeeñ xoolu, soo fañraa fo xe moseerna kam.

Esayi 29:12

A cooxange o cangeer, a layel ee: «Jangi kene boog!», xan a doon ee: «Jangiim.»

Hoose 9:17

«Roog es xan a deɓ a den, yaam nan-gilooxiran, too xan a njoqooyooxaa a ndeer qeet lakas ke.»