Hoose 4:5 - NQAARIIT NE ROOG

⁵ Xan o tolof njoloor o mbuc, o tuleer oxe itam a tolof fa wo o yeng ole, too xan o saŋiknoor a Isra’el fee ya of.

Hoose 4:5 Referans Kwoze

Hoose 2:2

Yudaa fa Isra’el xan a mbokatoor, a mbog o aa-adax o leng kut soo a ngame saax le, yaam ñaal ne Yisre’el xan a magin lool.

Yeremi 15:8

Fi’aam boo ñaaw we den a ngup o may pep ke no lanq ke no maag ole. Njoloor o mbuc hebliidaam o yaayaq took ya ke no mbes ke, joor took den ndak fo ndak o njaaxɗataand fo diid.

Galati 4:26

Yeerusaleem faa took koy, refee o paɗ, too ten refu ya in,

Sakari 13:2

O Yaal oxe Hupna fop kaa tee: «A koom xam suud no saax le pangool ke, sañ a den na yiif no wiin we boo xoo, in meen duleer maamaaɓ we fo a yiif ake nqoxna no nqoolaƭar.

Sakari 11:8

Kaa koy, no nqool o leng kut sambraam fo gaynaak daduk we. Cinj kaaga, waag’atiim o muñan paal ke itam, too den oo mbug’atiraam o nga.

Yeremi 50:12

ndaa xan ya nuun a sed ɓot, oxe rimna a nuun xan a seeƈaar, a refat oxe falakna na saax ake. A koƥ-a-ƥor a refkataa, lanq beeru koroŋ fo o tan.»

Yeremi 23:9

Ke layeena no duleer we. Xeeñ es kaa gooy taa kam es, um sendaa ne fodeema fop. Kaam nandtaa o kiin o bayu, nen oxaa biiñ a adinna yaam o Yaal oxe fo fa lay fa tedu fee ten.

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

Heseki’el 14:3

«Wo fee o ƥiy no kiin, goor weene kaa saq na qeeñ den pangool ke den, a ndoon mbaambir den ɓil le na tolofnooraa, a maafnooraa a den na bakaad. Ndax xam jaɓ da nga’ir fa mi?

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.

Hoose 5:5

O nga’atinax onqe Isra’el na seede’anan, Efrayim xan a tolof yaam tooñ um, Yudaa itam a tolof fo ten.