Hoose 4:18 - NQAARIIT NE ROOG

¹⁸ Den fa ƈuteeru a yer rek, yaqanu da njimboox no njaga, too gaci moƴanu a den o niwel.

Hoose 4:18 Referans Kwoze

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Mise 7:3

Xa ƥay den kaa mbaane no fi paaxeer, o kelwaar oxe a sertaa nger, o kaahate xe a laacaa ndabid, soo wiin maak we a laltaa o wat den, den fop da yekoorin.

Amos 5:12

yaam ga’aam paaxeer ke nu mbi’aa, na nqayaa ndetaa. Kaa nu ñagadilaa jofu we, ngindaa neexil, o ndool onqe nu nqañtin ɓur yaa fo nqeloor yaam o neew doole um.

Hoose 4:10

Xan a ñaamaa too ngiñkee, a njaga’aa, ndax da njeg xa ƥiy, ndaa taxkee da njeg. Keene fop xan a dal a den, yaam kaa mbañaam o niw, mi o Yaal oxe.

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

Yeremi 2:21

Yaag oo toox de kaam jimb’ong nen ndaxar biiñ safu, naa o ax ole a faaxna. Nam suptooro ndaxar biiñ malu, naa hatna a ngenareem?

A kim a tedu ke 47:9

Roog kaa maadooxaa took qeet ke, a moof took uum tedu le ten.

1 Sami’el 8:3

Xa ƥiy xa ƭaq axe Sami’el koy, ndeef’ee o jaf um. Kaa mbex’u xaaliis bo ta hup, a njaɓ o ngerel soo a ngate’taa naa jofeerna.

A cangatin ale 16:19

Ba nu ƭap yaa fa hate, mbañ o mbarit o leng no kate nuun, too ba nu njaɓ o neexleel muk, yaam neexil ke kaa mbuulnaa a kid ake no yaal-o-and we soo a yaqaa fa lay fee no jofu we.

A sutax ale 23:8

Ba nu njaɓ o neexleel muk, yaam neexil ke kaa mbuulnaa we a kid den a mbetooxna soo a yaqaa fa lay fee no jofu we.

Mberaand 38:24

Ngap a qool a tadak cinj kaaga, Yudaa a yegniide yee: «Tamaar fee o seemir of o tew kaa rok no caaxaan boo a xotit teen o fud!» Yudaa a heblita yee fat a sutel tafil, a doxel.

Hoose 9:10

O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

Heseki’el 16:15

«Kaa koy, kaa o hooloox o mosel of, too o jeg gon of a ɓekaang no njaga, soo o jimboox no ceeq ye refanoona o tak-a-faaf oxuu refna.