Hoose 4:16 - NQAARIIT NE ROOG

¹⁶ Feek Isra’el kaa ɓoow boo nen naak faafañ, o Yaal oxe xaƴkiran ta jeg a xoox um nen mbaal kam xa suufand xa yaaju.

Hoose 4:16 Referans Kwoze

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Yeremi 14:7

Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Yeremi 3:11

Cinj kaaga, o Yaal oxe a layaxam ee: «Isra’el fa ngore’aƭaru fee moƴu o jof ee Yudaa fa ngoohod fee.

Yeremi 3:8

Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Esayi 22:18

a ñuuƭe’ong bo ta xen soo a joorong nen o kupe no saax laa yaajna bo. Maaga o xontikkaa, wo fo a sareet a mosu ke wo, woxe na gaci’nooraa mbind no yaal of.

Esayi 5:17

Paal ke xan a suufaa no piitnatin ke na teeru fee nen xa suufand den, soo fo mbambe ne na yableel a mbaaƭtaa teen ñaamel den.

1 Sami’el 15:11

«Ricooxaam tigi ke taxna um dalin a Sawul o maad, yaam kaa fesaam a cinj too nananee kebil es.» Sami’el a jaaxɗa lool soo a ref no xeɗooxaa o Yaal oxe kam o yeng olaaga fop.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

A kim a tedu ke 78:8

Neene, nandkee fo daan den, ndefna suk ƥoowu too a nanaƭar, suk naa njegna a yiif-a-ƭak, too a qeeñ den ndamooxee na Roog.

Esayi 30:23

Maaga, xan Roog a deɓ took ax ke o ɓaxkaa no lanq ke, too ñaamel ke lanq ke a mbatkaa xan a mbaax soo a mbel. A koom, xan xa siir axe wo a suufik kam xa suufand xa yaaju.

Yeremi 31:18

Nanaam a paax we Efrayim da ƭomatooxaa yee: «Yaraa a in, too i yarte nen o xeel o sufaru. Nomtiidi a in me wo, too xan i nomtooxiid me wo, yaam wo refu o Yaal oxe Roog in.

Hoose 10:11

Efrayim fi tolooxu na doole um, laa fexna o sugaa a reeƭu. Mi koy, doonaam kadoor no cok o sooxu le ten, humin a Efrayim, Yudaa xan a jiqtik lanq ke, Yakoob a guurik.

Hoose 11:6

Xan xire a jib no teeru ke den, a ɓol a kinglir ake no begax ke den, a raaɓ fop yaam yuuƥ ke den.