Hoose 4:15 - NQAARIIT NE ROOG

¹⁵ Wo Isra’el, o jimbooxangaa no njaga, baa Yudaa a xawnoor a xoox um, yaa ta fi’na leng kut ke. Ba nu ndet Gilgal, kaam ee ba nu ndet boo Bet-Awen, ndaaɓoorit maaga yee: «Ne ta wooritna yee o Yaal oxe xe ñoowaa!»

Hoose 4:15 Referans Kwoze

Hoose 12:11

Daawnaam duleer we fa lay es, mayƭand peeñax es fa den. Na pexey duleer we, maƭoortaam a nuun a naxax.»

Hoose 9:15

«Kañaan den fop a feeñta Gilgal. Maaga o mat sibditum a den. Xam raxit a den no saax es yaam a pi a paaxeer ake den. Fexkatiim a den, yaam kelfa ke den fop faafañ a ndefu.

Amos 4:4

«A soƥangaa yee bakaad nu mbosooxu, xar yaqanu nu ndet Betel. Kaam ee, nu ndet mbakaadtik Gilgal, ta moƴ o faaxaƭar feek ten nu mbugu. Sadaxityo nqes nuu refna, cooxaa a Roog a seek xarɓaxayandeer ale no ñaal ndadkandeer nuu refna.

Amos 8:14

yaam kaa ndaaɓoortaa bakaad fee Samari yee: ‹Ndeer es fo xe na faɗooxeel Dan!› fo ‹Ndeer es fo o Cegu doole xe Beer-Seeba!› Ten taxu xan da yen, too inooxkatee muk.»

Amos 5:5

Ba nu ndet Betel, kaam ee, ba nu ndet boo Gilgal, too nu ndeyee ƈaktooxaa Beer-Seeba, yaam we Gilgal xan a ndefik faɗ, we Betel a nduguñel.

Hoose 10:8

A ñaang a sadaxand ake Bet-Awen, me Isra’el a bakaaditna, xan a luƈtel, tomb fo takar-ñiig xan a sax took xa sadaxand axe den. Xan wiin we a lay xa coong axe yee: «Muuryo a in!», a lay a ñaang ake yee: «Ngirdooxyo took in!»

Hoose 10:5

We ngenna Samari xan a njaq yaam o nqeel wurus onqe Bet-Awen. Xeet fee xan a ñaawoox mbangool neene, soo saasadax we ten a sendaa yaam ten, no ndam onqe ten na ñufkaa a ndeer den.

Hoose 5:8

«Njibinyo a tuluɓ kam Gibe’a, mbaŋin a luuƥ kam Rama! Njibinyo xa buuq xire kam Bet-Awen! Bensame, woxe daabeel de!»

Yeremi 5:2

A ndaaɓooxangaa yee: «Mexe gaañtan o Yaal oxe na ñoowaa!» a taaƥax den xa maaƥ xa ƥor oo.

Efees 5:11

Ba nu njeg a las a leng na pi a cegee njiriiñ ake no we ndefna kam o niɓaan ole, ndaa nguyityo a den.

Amos 6:10

Yaa o kiin a ɓiskaa o dal no pog um, a gasin, xan a gat, a laamit ee: ‹Nam koy?› O kiin a doonin ee: ‹Naagi meek waay! Mbind ne fop a mbadatinooxa. Yoqatee meeke oxaa na ne’aa gon le no Yaal oxe.›

Hoose 4:12

Xeet es kaa nga’raa fo xa taaƴ den, too o loq den na feeñlaa a den ke da mbarna o mbi. Yiif njaga kaa mo’andaa a den, da nqaƴaam, a mbaɗooxaa roog lakas, nen o tew oxaa soobooxna no njaga.

Heseki’el 20:39

Nuun mbind Isra’el o mat, keeke o Yaal oxe na refkaa boo faw a layu: Ndetyo, fat oxuu refna a faɗook pangool um! Kaa koy, xan nu nga’in too cinj kaaga xan nu nan-gilooxaam. Neene, nu maasanditkatee gon tedu le mi ci’it ke nuun fo pangool ke nuun.

Esayi 48:1

«Nuun mbind Yakoob, nangilooxyo, nuun we na nqoyooxaa gon le Isra’el, soo mbaqaqoor na Yudaa. Kaa nu ndaaɓooraa gon le no Yaal oxe soo ne’aa a Roog fee Isra’el too refkee no ndigil fo no cofu.

Yeremi 44:26

Ten taxu nuun Yuuyudaa we ngenna no saax le Misira, nan-gilooxyo ke um layaa, mi o Yaal oxe: Mexe daaɓoortan gon maak le mi yee kam saax le Misira fop o leng ƴufginoorkatee gon es, ndax ta daaɓoox ee: ‹Ne ta wooritna yee o Yaal oxe na refkaa boo faw oxe ñoowaa.›

Yosuwe 5:9

Cinj kaaga, o Yaal oxe a laya a Yosuwe yee: «Xaye, watnanaam a nuun gaci fee nu ƥistiid’ina Misira.» Ten taxu o mbiñ onqaaga a xoyeel Gilgal, too gon leene a maadtu boo fa ndiik.

Yosuwe 7:2

Yosuwe a lulta goor Yeriko, ndax da ngorook teeru fee Ay refna no batand naa Betel paam Bet-Awen. Ye weene a ngorooxuuna,

2 Caloori ke 17:4

Kaa waaƭ o bug ole Roog fee no taan um kañ, a reef kebil ke ten, ta guutatir fo ke Ii-isra’el we a mbi’oogna.

2 Caloori ke 21:11

Yehoram a reta sax boo a fi a ñaang a sadaxand took xa coong axe Yudaa soo a ɓek wiin we Yeerusaleem no njaga, Yuuyudaa we ta ɓek a den no caasaay.

Hoose 12:1

O Yaal oxe kaa tee: «Efrayim kaa widaam fo xa maaƥ, mbind Isra’el a ndeeraam fo naanaxir ƥor, Yudaa a maad o siiknooraa fa mi, mi fee o Tedu xe gore’na.

Hoose 12:12

Galaad njofaƭar doŋ a fofu, a ref o koohod. Kaa sadaxtaa qoox kam Gilgal. Ten taxu xa sadaxand axe den xan a ndefat nen a cuum a kac na cur ake na xa qol axe.