Hoose 4:13 - NQAARIIT NE ROOG

¹³ Kaa sadaxtaa took xa cul axe na xa coong axe, a ndoxaa cuuraay took a ñaang ake, ɗuga ngariñ, poopilye fo mbudaay, yook den a ƥuuɓna yem. Ten taxu xa ƥiy xa tew axe nuun xan a njaga’ik, rew we na xa ƥiy nuun a seeqaa.

Hoose 4:13 Referans Kwoze

Esayi 1:29

Xan nu naang ɓot fa gaci, yaam ne nu mbaɗooxaa pudaay tedlande, soo sed na ƭing nuun akeene nu mbodandteerna dara,

Heseki’el 6:13

Maaga, xan nu and ee mi refu o Yaal oxe, yaa xon we a ndefkaa ndeer pangool ke den, me widna xa sadaxand axe den, took a ñaang a ciig akuu ndefna, took xa cul axe na xa coong axe fop, yoora ndaxar saqtu nuu refna, yoora ngariñ niɓu nuu refna, fo me da ƥoxottoogna pangool ke den qeeñe-xeeñe pelu tuñ sax.

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Amos 7:17

Keeke o Yaal oxe a layu: ‹Xan o teef a jaga’ik kam teeru fee, xa ƥeef a mbartel laƥ, o qol of a ɗegrel, wo fa xoox of o xontik a koƥ, Ii-isra’el we a ndefik faɗ no saax jan.› »

Hoose 11:2

Kaa koy, lakas a nqoyaan, ta fesaam ndiiñ, a ɓoxotaa a Baaliin sadax, a doxanaa nitaal roog ke cuuraay.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Heseki’el 16:25

No ƭat-sal nuu refna, jalaa maaga ndaalaand of, fi cednooxu fo o mosel of, ɓoxotoox no tak-a-faaf oxuu refna, mayƭand njaga of.

Heseki’el 16:16

Xotaa no ñirax ke wo, ño’in a den, ndax o mosandit a den a ñaang a sadaxand ake wo, soo jaga’it teen. Nandu neene mosee o jeg, too jegkatee muk.

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Esayi 57:7

Sipaa njong of took o joong o jiig, maaga o ŋaayaa, ndax o ɓoxot sadax.

Esayi 57:5

Kaa nu sumaa paam pudaay yimbil ke, yoora fop ke saqitna nep. Kaa nu sadaxtaa xa ƥiy nuun no cat ke na ƈufnand ake fo no luf ke na ƥil ake.

Yeremi 44:8

A pi nuun kaa mbuuxnooraam! Kaa nu ndoxanaa cuuraay roog can ke no saax le Misira, me nu laqooxiidna, ndax nu mbañooxaa, ndef saloor fo niwaƭarel a ndeer qeet ke no lanq ke fop.

Hoose 10:8

A ñaang a sadaxand ake Bet-Awen, me Isra’el a bakaaditna, xan a luƈtel, tomb fo takar-ñiig xan a sax took xa sadaxand axe den. Xan wiin we a lay xa coong axe yee: «Muuryo a in!», a lay a ñaang ake yee: «Ngirdooxyo took in!»

2 Maad we 17:7

Taamaala feene a dala Ii-isra’el we, yaam ne da mbakaad’ina no Yaal oxe Roog den. Ke o Yaal oxe a sut’ina a den no saax laa Misira, a wat a den na xa ƥay Firawon fee o maad Misira fop oo, yaqanee da mbaɗooxaa roog lakas.

2 Maad we 23:7

A bayta kam Mbind ne no Yaal oxe tok ke no goor we sooboox’ina no njaga ne ɗeetoogeena nen tedu, too rew we a ndiwtoogu teen singir ke no nitaal sexe ne Asera.