Hoose 3:4 - NQAARIIT NE ROOG

⁴ Ii-isra’el we xan a moof a pe a miñu kaa da njegkeerna o maad fo o aa-adax, sadax fo a ƥil akaa da mbaɗooxaa, o jamb fo nitaal pangool ke.

Hoose 3:4 Referans Kwoze

Haahate we 17:5

Mise feene koy, a jeg’a mbind roog. A fi’a nitaal pangool fo o jamb soo a dalin o leng na xa ƥeem ta refanin o saasadax.

2 Caloori ke 15:2

A inooxa a soƥik a Aasa, a layin ee: «O maad Aasa fo nuun Yuuyudaa we fo Beebensame we, nan-gilooxaamoo! O Yaal oxe xey fa nuun yaa nu ndefna fo ten. Nu mbaaƭangaan, xan a ga’noox a nuun. Kaa koy, nu mbaasangaan, xan a waas a nuun itam.

Mberaand 31:19

Laban koy kaa ruusik’u paal ke ten, Yakoobiin a ndef no mbind ne a ngebooxaa. Rakel a guuɗa teex ke faap um.

Hebre 10:26

Boo andoona koy ee i ndiya o mbakaadaa, a cinj yaa i andna ndigil ne Roog, jegkatee sadax fa leng faa waagna o forit pakaad ke.

Dañel 12:11

No ke xotina a koom alaa sadax ke na ƥoxoteel a Roog bes fuu refna a ñufkeel, soo Cakalaaru ke sibdeena a sipel, xan ñaal juni fo ñaal teemeed ƭik fo ñaal qarɓeen ɓetuu nahik a mbaaf.

Dañel 9:27

Na xa kiid ɓetaa ƭaq xa palakaand axe, xan a gadin wiin mayu cerit ƭomu. Xa kiid axeene a ndokangaa a ndeer koy, xan a xañit sadax muumeen ke fo sadax tuufe-duufe ke sax. Cakalaaru ke sibdeena xan a sipel me moƴna goƭ took no Mbind Roog ne, boo yaa o yaayaq oxe sipuuna maaga a gefkeel tuƈ, ne Roog a dalnit’uuna no ten.› »

1 Sami’el 23:9

Ye Dawid a yegna paaxeer ke Sawul a waajan’uuna, a laya a Abiyataar, o saasadax oxe yee: «Ɓisiidi o jamb ole!»

Haahate we 8:27

Gedeyon a xawna wurus faaga nitaal, a ɓisin Ofra refna teeru um. Ii-isra’el we fop a ndefata no mbaɗooxaa nitaal naaga reeƭatna mbog na Gedeyon fo mbind um.

A sutax ale 28:4

Tikoorik keene na ndefkaa: safaƈ ne, o jamb ole, o forok ole, sabadoor naa gemeñeena fo tañalax ne fo o kumnoor ole. Fat Aaroon fee o maag of a rokooxaa a den, ten fo xa ƥeem, yaa da mbadnaa o far den.

YEGIL MBAAX NE YEESU ne Saŋ a bindtuuna 19:15

Yaawuur waa a moƴa o mbalaloox ee: «Fat a warel! Fat a warel! Rengeen na kurwaa!» Pilaat a doona a den ee: «Mi, um reng o maad nuun na kurwaa?» Saasadax maak we a ndoonaan ee: «I njegee o maad o tefee Kesaar fee.»

YEGIL MBAAX NE YEESU ne Lik a bindtuuna 21:24

Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»

Sakari 13:2

O Yaal oxe Hupna fop kaa tee: «A koom xam suud no saax le pangool ke, sañ a den na yiif no wiin we boo xoo, in meen duleer maamaaɓ we fo a yiif ake nqoxna no nqoolaƭar.

Hoose 13:11

Ci’aaxoong o maad kam fuux es, ndaa xam jaɓin na wo kam ngañak es.

Hoose 2:11

Ten taxu ci’katinum bele yaa fo a saxad fa biiñ fa nqas na waxtu a nir ale, too xam jaɓ fale es fa gaare es mbar’ina o sing cer ƥor um.

Dañel 11:31

Xan a luliid xiixire da maasand o mbiñ o tedu nqe refna saŋe ne, a ñuf sadax ke ƥoxotoogeena a Roog bes fuu refna, a sip maaga Cakalaaru ke sibdeena.

Heseki’el 21:21

Godi na ñamaak, god na janoon, wo laƥ mbeelu ne, wiril weel le wo muu refna!

Heseki’el 20:32

Ke nu mboogna jegkee muk, yaa nu layaa yee: ‹Kaa i mbug o nand fo qeet ke fo a qaw ake na saax a lakas ake. Kaa i mbug o mbaɗooxaa a teex fo a ƥil.›

2 Maad we 23:24

Yosiya a moocanda we ƈufginooxoogna xon we fo maɗag we ndeeƭna kam Yeerusaleem fo kam saax le Yudaa, a yaq nitaal roog ke fo pangool cakalaaru ke fo roog cednooxu ke fop nga’oogeena maaga. Neene, a fadna fa lay fee no kebil ke mbind’eena no safe le Hilkiya fee o saasadax a soƥ’ina kam Mbind ne no Yaal oxe.

2 Sami’el 6:14

Dawid kaa fi’oogu ke ta waagna no mbec mbaambir no Yaal oxe, a rokoox o jamb olaa fi’teena gaare.

1 Sami’el 30:7

a lay a Abiyataar fee o saasadax oxe refna o ƥiy Ahimelek ee: «Ɓisiidaam o jamb ole!» Abiyataar a dalfooxa o ɓisiid a Dawid o jamb ole.

1 Sami’el 23:6

Ye Abiyataar fee o ƥiy Ahimelek a ƴufna, ndax ta ret Keyla maa Dawid, a ɓisloox’a o jamb ole.

1 Sami’el 22:18

O maad oxe a laya a Doweg, o Ee-edoom oxe yee: «Aca, wari saasadax wene.» Doweg a geleerooxa, a war saasadax we. No ñaal naaga, a wara saasadax qarɓeen ɓetuu tadik fo saasadax ɓetuk waa oxuu refna na den a rokoox’ina o jamb olaa fi’teena gaare.

1 Sami’el 21:9

Dawid a laamtahina a Ahimelek ee: «Ndax saqiro mene a salma mbaat laƥ? Kaa mi kat, saqiidiim a saqiid laƥ es too saqahiniim ƥonax lakas leng, yaam o maad oxe kaa ñofandoox’u.»

1 Sami’el 14:3

Ahiya fee o ƥiy Ahituub fee reeƭna o ƥiy no ndeɓ Ikabood saqoogu o jamb ole. (Ikabood koy, o ƥiy Finees a reeƭu, a ref o ndaan Eeli fee reeƭna o saasadax oxe no Yaal oxe kam Silo). O leng no xiixire we and’ee yee Yoonatan a reta.

1 Sami’el 2:18

Sami’el o mat, ke ta reeƭna o ndeɓandoong fop oo, o jamb olaa fi’teena gaare a rokooxoogu soo a fadnaa o far um mbaambir no Yaal oxe.

A paɗax ale 8:7

A rokana a Aaroon sabadoor ne, a humanin o qap ole, a rokanin o forok ole, a doonanin o jamb ole, a ŋaƭtin o kumnoor ole no jamb ole.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Mberaand 31:34

Rakel kaa jang’u teex ke, a fi a den ɗuga qerxa ne ta ŋaaytaa ngeeleemb um, soo a moof took fee. Laban a joktooxa ƭiif naa fop too ga’ee tig.

Haahate we 18:14

Goor ɓetuk we ngorook’ina saax le Layiis a laya fog den ee: «Ndax nu anda yee a jega no leng no pind kene o jamb fo nitaal pangool fo o daaƴ fo nitaal naa laareena soxon xaaliis? Ndiiki koy, nu anda ke nu mbarna o mbi!»

1 Sami’el 15:23

Kaam ee nanaƭar ne kaa faaxaƭarit nen bakaad ƭeet, njaɓaƭar a ref nen a cuur pangool refna naanaxir ƥor. Neene, yaam ne deɓoona fa lay fee no Yaal oxe, ten itam a deɓaang, ndax maadooxankatiro xeet um.»

A ƭomatax ake 2:9

Begax ke ten a yena a lanq. A ɓola a kinglir ake soo a yaq a den. O maad um fo kelfa ke ten owey a ndeer qeet lakas ke. Kebil ndefatee meen, too duleer we ndaawtatee no Yaal oxe mbeeñil leng.

Hoose 13:10

Taa o maad of boog? Fat a muclong kam teeru ke wo fop! Taa haahate of we lay’oona yee: ‹Cooxaam o maad fo gelwaar?›

Sakari 10:2

Mayu kaa ndiisaa soxla den pangool fo fan, weene a maaɓaa a den, a ndegaa a den cegeer, lakas we a yaakaar xa ƭaaɗ, too yaaloor o ƭaaɗ a ref o huloox o quusi. Keene mat taxu da njoqooyooxaa, a ngalakoox nen ged laa jegeerna o kaynaak.

A sutax ale 28:6

«Fat da ndiwit o jamb ole wurus fo xa ƥaak axaa axeeke a nqiiyiiyna, axaana a yaxig coy, xa lakas axe a ndaalde fa gaare. Fat a mosandtel kemeñ.

Heseki’el 19:14

Fiɗel le a sutoora na xa par axe ten soo a raaɓ xa car axe ten fo xa tim axe ten. Jegatee o par o maak o mosu laa waagatna o ref o samb no maad.» Keene kaa ref a kim a ƭomatax alaa wareena o gimit ne ta refitna.

Heseki’el 21:31

Keeke o Yaal oxe na refkaa boo faw a layu: Tañalax ne xan a watnel, o ndip onqe a wolel. Fop xan a suptoox. Ke neewandeena xan a yoɗel soo ke yoɗeena a neewandel.